Ti̱to̱ 3:7 - Tennet

⁷ I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.

Ti̱to̱ 3:7 Iomraidhean Croise

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Roma 11:6

Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.

Roma 3:24

Imma zin abarik Manyi bunnate cinne aanyik ol kubunnta ngu̱me̱ cinne ollin zo̱ze̱ ci Ye̱su̱ Ki̱ri̱sto̱, wa bali a̱da̱i̱ keete ci een ta̱la̱ke̱c.

Roma 3:28

Ka̱gga̱c naga elemi Ta̱mu̱ta̱dde̱n ol eci nege anyak tu̱we̱ne̱t, iróng een go̱o̱le̱ ci o̱ngo̱o̱li̱nne̱ nege lo̱ti̱nno̱k.

Roma 4:16

U̱du̱wa̱ Ta̱mu̱ta̱dde̱n, a̱mu̱yu̱k atin enne ol wak a̱tu̱ nonno, eci enne i̱i̱rke̱, anyak deten, irez ol, iróng een zo̱ze̱ ci azunne nege lo̱ti̱nno̱k. Ming anyak e̱e̱ti̱ tu̱we̱ne̱t ki ci Aburahami, a̱mu̱yu̱k atin Manyi nonno, iróng een ol wak azunne lo̱ti̱nno̱k do̱, abarik ki ol wak a̱tu̱ Ta̱mu̱ta̱dde̱n ki Aburahami, wa een be̱e̱ti̱nna̱ tu̱we̱nta̱.

Roma 4:4

Imma gon ming a̱li̱ngli̱ng e̱e̱ti̱, a̱ru̱we̱k ol nonno o̱ro̱bi̱ya̱, iróng een muci.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

Ga̱la̱ti̱a̱ 4:7

I̱yo̱ko̱ zin, iróng niga ngen e̱e̱ggi̱nnu̱ du̱cca̱k bo̱do̱k, abarik izetu dooli cik Ta̱mu̱ta̱dde̱no̱, eci niga e̱e̱ggi̱nnu̱ dooli ciginnek, a̱a̱nyu̱ng atin aragizet kaal ciginnek do̱o̱k.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

Ti̱to̱ 1:2

Aave tu̱we̱ne̱t ki gga̱we̱ne̱t zoz ngati zoz ci karike naga zi̱nze̱tti̱ ko̱, a̱kku̱ zo̱ze̱ ci baiz ci aave udut, nonno ci een Ta̱mu̱ta̱dde̱n, iróng enne ovolongi, u̱du̱wa̱ zoz neci ming ngen enne kidiman ta̱mu̱-keng ki lo̱o̱c,

Ti̱to̱ 2:11

Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

I̱bu̱ru̱ 11:9

Baling okko enne azuca lo̱o̱c neci u̱du̱wa̱ Ta̱mu̱ta̱dde̱n ke̱, abak zin nginati tu̱we̱nta̱. Ogon enne ki e̱e̱ti̱ ci een e̱re̱nno̱i̱t abak ti̱ta̱, aragiz atin dooli cik dooli ciginnek, I̱sa̱ko̱ ki Ya̱ko̱bo̱ lo̱o̱c neci bu̱k.

I̱bu̱ru̱ 6:17

Azi Ta̱mu̱ta̱dde̱n ne, i̱tto̱ni̱k ele cinne, orong enne zoz wainne een de̱de̱ ko̱ kar ka̱gga̱c ol ju̱rru̱m, iróng atin enne uhu zoz neci, kar ol wak elemna nonno ka̱gga̱c een zoz cinne de̱de̱.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 3:7

Anycik ol cik macik go̱o̱le̱ necu bu̱k ko̱to̱ngo̱o̱ltte̱ ngaai cigge̱k ming abakku bu̱k ko̱, i̱ti̱ri̱zze̱t nogo labak kizeto ngaai, kar niga do̱o̱k ozolit ruget ci aave udut, ki bali amuccu̱ng Ta̱mu̱ta̱dde̱n i̱ge̱ta̱ rugeta ko̱, kar atin i̱llo̱i̱ gi̱i̱ imma ci alam lawinet cunno̱ng ngati Ta̱mu̱ta̱dde̱no̱.