Ti̱to̱ 3:5 - Tennet

⁵ I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

Ti̱to̱ 3:5 Iomraidhean Croise

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Lu̱ka̱ 1:50

Okko deteni cinne rok ol wak o̱ngo̱o̱le̱ nonno, bu̱u̱llo̱k ki bu̱u̱llo̱k.

Lu̱ka̱ 1:54

Eela enne ba̱li̱ye̱ du̱ca̱i̱t cinne Israil, a̱a̱da̱ enne bunnat cinne

Lu̱ka̱ 1:72

ki̱ye̱le̱k deten be̱e̱ti̱gga̱c kar ka̱a̱dda̱ olom cinne a̱li̱le̱,

Lu̱ka̱ 1:78

eci bunnati ki deten ci Ta̱mu̱ta̱dde̱n cinna, go̱o̱le̱ ci iyowane atin koor ngatinna ta̱mu̱-kenga,

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 11:6

Ming ahala Ta̱mu̱ta̱dde̱n ol ngati anyike deten, iróng zin ngen een go̱o̱le̱ ci li̱ngli̱ngo̱nto̱, ming een go̱o̱le̱ ci li̱ngli̱ngo̱nto̱ de̱de̱, iróng deteni ci Ta̱mu̱ta̱dde̱n ngen een deten bo̱do̱k.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 3:20

Iróng Ta̱mu̱ta̱dde̱n elemi e̱e̱t imma eci azunne lo̱ti̱nno̱k. Anyak gi̱i̱ co̱de̱ ṯok ci ogon lo̱ti̱nno̱wa̱, i̱ye̱le̱k ol ming abaccit zoz ci ogone nege mu̱nye̱n.

Roma 3:28

Ka̱gga̱c naga elemi Ta̱mu̱ta̱dde̱n ol eci nege anyak tu̱we̱ne̱t, iróng een go̱o̱le̱ ci o̱ngo̱o̱li̱nne̱ nege lo̱ti̱nno̱k.

Roma 4:5

Imma e̱e̱ti̱ ci iróng a̱li̱ngli̱ng ma̱i̱je̱ ngatu a̱tu̱ Ta̱mu̱ta̱dde̱n ci alalnek ol mu̱nye̱n, eci Ta̱mu̱ta̱dde̱n elemi tu̱we̱ne̱t cinne kize bunnat.

Roma 9:11

Baling ngen cuudena ne̱ke̱ ki̱ti̱rtta̱i̱, ngen bu̱k ka̱gga̱c gi̱i̱ ci abunna ki ci gerze, kar tahalinet ci Ta̱mu̱ta̱dde̱no̱ ki̱ye̱la̱i̱, a̱nne̱k Ta̱mu̱ta̱dde̱n e̱e̱ti̱nne̱ng ne, “Okko atin ngerunne wa een a̱bu̱ ko̱ a̱li̱ngli̱nge̱k gooni wa dici.”

Roma 9:16

Iróng Ta̱mu̱ta̱dde̱n a̱mu̱yu̱k ol li̱ngli̱ngo̱nte̱ ci ogon nege, icima orong nege oroot, abarik enne u̱mu̱yu̱k ol wak orong zinin cinne eci enne e̱de̱te̱.

Roma 9:30

Azi ungec ci zoz necu ne? Iróng ol wak iróng een Ya̱u̱d ko̱ elemi bunnat ci Ta̱mu̱ta̱dde̱no̱, elemi enne nogo kubunnta ngu̱me̱ ci cinne eci nege a̱tu̱ Ye̱su̱.

1 Ko̱ri̱nto̱ 6:11

I̱yo̱ko̱ orgene cunno̱ng ngatu, anyak ol u̱gge̱ ba̱li̱ye̱ cik ogon kaal ne̱ko̱. Uburuca zin abarik Manyitinna Ye̱su̱ Ki̱ri̱sto̱ ki Vongiz ci Ta̱mu̱ta̱dde̱no̱ mu̱nye̱n cuggo̱k, kar ka̱a̱nyu̱ng izet dooli cik a̱li̱le̱ Ta̱mu̱ta̱dde̱no̱.

Ga̱la̱ti̱a̱ 2:16

Abarik ka̱gga̱yya̱ aave e̱e̱ti̱ ju̱rru̱m ngu̱me̱ ci Ta̱mu̱ta̱dde̱no̱ go̱o̱le̱ ci a̱tu̱we̱ enne Ye̱su̱ Ki̱ri̱sto̱, iróng een go̱o̱le̱ ci kazunne keer. Ka̱tu̱yya̱ zin Ye̱su̱ Ki̱ri̱sto̱, abunna kaavtte ki Ta̱mu̱ta̱dde̱n ju̱rru̱m eci naga ka̱tu̱ Ki̱ri̱sto̱, iróng e̱e̱ti̱ imma aave ju̱rru̱m ki Manyi go̱o̱le̱ ci azunne lo̱ti̱nno̱k cik Musesi.

Evesos 2:4

Ma̱i̱je̱ Ta̱mu̱ta̱dde̱n anyak deten! Ka̱da̱kta̱ ba̱li̱ye̱ mu̱nye̱ne̱ cik kogon naga, abarik Ta̱mu̱ta̱dde̱n irezet oroot kar kaanyyet ruget ngati Ki̱ri̱sto̱, eelannet bunnati ci Ta̱mu̱ta̱dde̱no̱.

Evesos 4:23

Anyik Vongiz kutuhu gool ci i̱no̱nnu̱ niga kaal cik abunna,

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

2 Ti̱mo̱te̱yo̱ 1:9

Eelawet Ta̱mu̱ta̱dde̱n kar zin katahalait kizet ol ciginnek A̱li̱le̱, iróng ahalanet gi̱i̱ye̱ ci da̱ abunna kogon naga, abarik idiman da̱ Manyi eci abunna enne la̱du̱n. Baling ngen keteehenye looci, i̱no̱n Ta̱mu̱ta̱dde̱n kar atin kaanyyet eezet go̱o̱le̱ ci atin i̱tto̱na̱kke̱t Ye̱su̱ Ki̱ri̱sto̱ wa atahalai.

Ti̱to̱ 3:4

Ma̱i̱je̱ zin Ta̱mu̱ta̱dde̱n wa een Ti̱ri̱zo̱i̱t cinna abunna enne kar kize gunun.

I̱bu̱ru̱ 10:22

abunna zin naga ka̱vvu̱nna̱k Ta̱mu̱ta̱dde̱n zi̱nze̱tti̱nne̱ cik abunna kar kartik nonno zi̱nze̱tti̱ ki tu̱we̱ne̱t ci okkomi kak. Utunyca bi̱ye̱ta̱ cik Ye̱su̱ ngati a̱da̱kne̱ keete ci een ta̱la̱ke̱c ko̱ mu̱nye̱n, iróng ngen ko̱ngo̱o̱le̱ gi̱i̱ imma. Utunyyce e̱le̱tti̱ cigga̱c ko̱ maame cik caalek ne paz ngati ka̱gga̱me̱ ba̱ti̱ti̱mo̱.

I̱bu̱ru̱ 4:16

Koot zin naga do̱o̱k rok Manyi Ta̱mu̱ta̱dde̱n ngati iróng ko̱ngo̱o̱li̱ne̱ gi̱i̱ imma kar kaanyyet deten, kar kurubta bunnat kar keelawet agit do̱o̱k i̱i̱te̱ne̱ ci koronge naga kaal.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

1 Peturu 3:21

Ogon zin maama ne̱k balik tawan neci ki ba̱ti̱ti̱mo̱ ci a̱gga̱me̱ke̱ ol, nonno nenen ci i̱yo̱ko̱ aruguzanung ko̱. Abarik zin ba̱ti̱ti̱mo̱ ommog maam cik arane e̱e̱ti̱ ele. I̱ye̱le̱kke̱t zoz necu gool ci kar naga kubunnta ngu̱me̱ ci Ta̱mu̱ta̱dde̱no̱ zi̱nze̱tti̱nne̱ cik abunna eci bali enne itingai Ye̱su̱ Ki̱ri̱sto̱ daiza.