Ti̱to̱ 3:2 - Tennet

² Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

Ti̱to̱ 3:2 Iomraidhean Croise

Ma̱te̱yo̱ 11:29

A̱gga̱mtta̱ de̱mzi̱ne̱t cinanni ju̱rru̱m, kar edemezta zoz ngatinanni. Ke̱e̱ni̱ anna e̱e̱t ci alali zinin, amudannu atin yu̱bze̱ne̱t zi̱nze̱tti̱nne̱ cuggo̱k.

Buk wa To̱ni̱a̱u̱ 23:5

O̱bo̱de̱k Pa̱u̱lo̱ nogo izek ne, “Gotonogga, iróng anna ka̱gga̱ ming een e̱e̱ti̱ cu alaan ci a̱ddi̱ki̱re̱ wawaco; eci e̱he̱rye̱ azi ne: ‘Ma ozozi gerzet ngati ddi̱ki̱ryo̱i̱t ci abal ol cigunnek.’”

1 Ko̱ri̱nto̱ 6:10

icima ol cik een ogoryak, icima ol cik anyak zi̱nze̱tti̱ cik a̱ppi̱nte̱k kaale cik ollu, icima bba̱kco̱k, icima ol wak akati gonoggi volonga, ki ol wak adawa gonoggi lo̱o̱ta̱, iróng nege do̱o̱k amuda ba̱a̱li̱ne̱t ci Ta̱mu̱ta̱dde̱no̱.

1 Ko̱ri̱nto̱ 9:19

Ma wo̱ye̱ nu̱nu̱n iróng anna ke̱e̱ni̱ du̱ca̱i̱t ci e̱e̱t imma lo̱o̱ta̱ ngatu ko̱, abarik ku̱tu̱gu̱ ele cinanni kize du̱ca̱i̱t ci ol do̱o̱k kar kanyaha ol cik meelek ki̱vi̱ta̱ ku̱tu̱we̱c Ye̱su̱ Ki̱ri̱sto̱.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Evesos 4:31

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

Vilipia 4:5

Tu̱gu̱we̱k ol do̱o̱k kaal cik abunna zinine ci alali. Ize ojon i̱i̱te̱ni̱ ci a̱kku̱nne̱ Manyi.

1 Te̱se̱lo̱ni̱ka̱ 2:7

Abarik baling ki̱vi̱ta̱ kabaito bu̱k, kar bo̱do̱k ke̱e̱ggi̱nna̱ to̱ni̱a̱k cik Ki̱ri̱sto̱, e̱e̱t wa atahalai, kuzutung kiwagon e̱e̱ti̱ doolinnu ming azunne dooli ciginnek.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Peturu 3:10

Ming “Orong e̱e̱ti̱ de̱de̱ kar kabak labak talninta, kar kicin baiz i̱i̱nya̱ do̱o̱k ma ozozi ol gerzet, anyik nonno kuzute utug cinne zo̱ze̱ ci volongo.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 4:4

I̱yo̱ko̱ zin u̱ku̱lte̱u̱ng ol wak iróng a̱gga̱ Ta̱mu̱ta̱dde̱n azi ne, inya ming iróng niga ngen orkoryyu imma nogo kaale cik gerzek ogon nege ko̱? I̱yo̱ko̱ abarik nege odomtung i̱ge̱ta̱.

2 Peturu 2:10

Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.

Ju̱da̱ 1:8

Kar zin go̱o̱le̱ necu bu̱k, egerzanit ol wak anyak o̱no̱zzo̱k ko̱ e̱le̱tti̱ cigge̱k, abure nege alaanzet ci Manyi kar kodomit kaal cik aruge ta̱dde̱na̱.