Ti̱to̱ 3:13 - Tennet

¹³ Eela e̱e̱t ci een zara Zenas wagon a̱li̱ngli̱ng lo̱ki̱ka̱ ko̱, ki Apollos, ti̱ri̱z nogo kaale cik erone nege.

Ti̱to̱ 3:13 Iomraidhean Croise

Ma̱te̱yo̱ 22:35

I̱jji̱n zin e̱e̱ti̱ co̱de̱ ngatinne̱ng ci een a̱ri̱to̱i̱t ci zoz wa lo̱ti̱nno̱k wak Musesi, a̱nne̱k ne:

Lu̱ka̱ 10:25

Anyak i̱i̱te̱n imma ci ingazi de̱me̱zo̱i̱ti̱ ci lo̱ti̱nno̱k wak Musesi je̱e̱na̱ orong kitiman Ye̱su̱. Kar enne ki̱jji̱nno̱, “De̱me̱zo̱i̱t, ku̱tu̱gu̱ ucca anna nya kar karagiz baiz wa aave udut?”

Lu̱ka̱ 11:45

O̱bo̱de̱k zin de̱me̱zo̱i̱ti̱ co̱de̱ ci anyak arizet cik lo̱ti̱nno̱u̱ nonno, “De̱me̱zo̱i̱t, ming a̱du̱wa̱ i̱nna̱ zoz necu ko̱ odomnyet i̱nna̱ agita bu̱k.”

Lu̱ka̱ 11:52

“O̱lle̱ bai ciggo̱k ol wak anyak arizet cik lo̱ti̱nno̱u̱, eci niga alamnyu ol ngati a̱gga̱we̱ zoz. Ngen niga e̱le̱tti̱ne̱ i̱tto̱z ngin neci, kar niga alammit ol cik orong ki̱tto̱zo̱.”

Lu̱ka̱ 14:3

I̱jji̱n zin Ye̱su̱ olli Varacisi ki de̱me̱zzo̱k wak anyak arizet cik lo̱ti̱nno̱u̱, a̱nne̱k ne, “Abunna ming angaru e̱e̱ti̱ ol I̱i̱te̱ne̱ wa Yu̱bze̱nto̱ icima gerza?”

Lu̱ka̱ 7:30

Ma̱i̱je̱ olli Varacisi ki ol wak a̱gga̱ lo̱ti̱nno̱k ju̱rru̱m, utuburet zoz ci Ta̱mu̱ta̱dde̱no̱ baize cinne̱ng, eci ngen Joni ka̱gga̱me̱k nogo ba̱ti̱ti̱mo̱.

Buk wa To̱ni̱a̱u̱ 15:3

Baling ovvo ol cik atahaltai ko̱ ovvo, iyok nege go̱o̱le̱ ci lo̱o̱c ci Phoenicia ki Samariya, a̱du̱wa̱k ol zoz ci elemtta ol cik iróng e̱e̱ggi̱n Ya̱u̱d Ye̱su̱. Aanyik kaviyaha ne̱ko̱ ol wak a̱tu̱we̱ do̱o̱k katalto.

Buk wa To̱ni̱a̱u̱ 18:24

Anyak zin da̱ e̱e̱t imma ci een Ya̱u̱do̱c, een zara Apollos, a̱rri̱ta̱i̱ enne o̱rge̱ ci een Alikzandria lo̱o̱ce̱ ci Masiro, a̱kku̱nna̱k enne Ephesus. Een enne e̱e̱t ci a̱gga̱ zoz oroot kar bo̱do̱k a̱gga̱ uwai Waraga ci Ta̱mu̱ta̱dde̱no̱ oroot.

Buk wa To̱ni̱a̱u̱ 19:1

Baling ngen Apollos aave o̱rge̱ ci een Ko̱ri̱nto̱, eron Pa̱u̱lo̱ lo̱o̱co̱we̱ kuk kuzuca orog ci Ephesusi. Uk uruba nginati nuyak u̱gge̱

Buk wa To̱ni̱a̱u̱ 21:5

Ma̱i̱je̱ baling edeccai i̱i̱nya̱ cik kaavtiya naga nginati ke̱, kutungteya naga orog lo̱o̱c. I̱nya̱ma̱nte̱t nuyaha ki ngaai ki dooli rok orog abanyca, kar nginati nyatapare ci a̱ddi̱ki̱re̱ ti̱ti̱ma̱ ka̱ka̱te̱ya̱ naga u̱zu̱ngtti̱ lo̱o̱c kar kalayya Ta̱mu̱ta̱dde̱n.

Buk wa To̱ni̱a̱u̱ 28:10

I̱di̱ngdi̱nga̱nte̱t nege agit go̱o̱lo̱we̱ cik meelek oroot. Ma baling kotodda naga i̱bo̱ korongnya kar ko̱o̱tta̱, aanycet zin nege agit kaal cik meelek.

Roma 15:24

Korongi anna ku̱tu̱gu̱ zoz cu ming kokko anna lo̱o̱ce̱ ci een Spain. Aave zin zoz ci kokko anna kadiranung zinine cinanni, kar eeltawang eronta, ngati arrak anna ka̱vvu̱to̱ ki i̱ge̱t do̱yo̱i̱t.

1 Ko̱ri̱nto̱ 16:11

Ma anyikku e̱e̱t imma ngatinno̱ng kutubur nonno. Abarik i̱tto̱nta̱ nonno labak kar enne ki̱ki̱ya̱ kobodan. Kere zin anna nonno ki gonoggi wak orkora bu̱k ko̱.

1 Ko̱ri̱nto̱ 16:12

I̱yo̱ko̱ zin zo̱ze̱ ci obod ki Apollos, gotonet tu̱we̱nta̱, kilalek anna nonno oroot abunna ming i̱vo̱nnu̱ng enne ki gonogget tu̱we̱nta̱. Aarnek enne we̱t i̱yo̱ko̱ niko, abarik a̱kku̱na̱kku̱ng atin enne ming orong zinin cinne.