Ti̱to̱ 3:1 - Tennet

¹ Ti̱lo̱ ol wak a̱tu̱we̱ abunna ming aziye zoz ci gaalau ki ddi̱ki̱ryyo̱k wagge̱k. Abunna ming aziye zoz, kar ku̱tu̱gu̱zzo̱ kaal cik abunna odohize.

Ti̱to̱ 3:1 Iomraidhean Croise

Ma̱te̱yo̱ 22:21

O̱bo̱dde̱k zin nege Ye̱su̱, “Ri̱ri̱to̱n ci alaan ci a̱ddi̱ki̱re̱ Romi ki zar ciginnek.” Iizek zin enne nogo ne, “Abunna oroot, aanycik alaan ci a̱ddi̱ki̱re̱ Romi kaal ciginnek. Imma kaala cik Ta̱mu̱ta̱dde̱no̱, aanycik Ta̱mu̱ta̱dde̱n.”

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

Evesos 2:10

Aruguzet Ta̱mu̱ta̱dde̱n kar naga ku̱tu̱gu̱z kaal cik abunna ngati Ye̱su̱ Ki̱ri̱sto̱. A̱rri̱ta̱nne̱t enne agit kar ki̱li̱ngli̱nge̱t li̱ngli̱ngo̱n cinne wa abunna lo̱o̱ta̱ ngatu.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

1 Ti̱mo̱te̱yo̱ 2:2

Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

2 Ti̱mo̱te̱yo̱ 1:6

Imma zin zo̱ze̱ necu, anyik ele kezezek ngati a̱li̱ngli̱nge̱ zo̱ze̱ ci Ta̱mu̱ta̱dde̱no̱ ju̱rru̱m ki bali katadeki azzin kalaweki Manyi ke̱.

2 Ti̱mo̱te̱yo̱ 2:14

Oobek ol wak a̱tu̱we̱ de̱mzi̱ne̱t cu ju̱rru̱m. Recanek nogo ngati azikne Manyi bu̱k kar iróng adangone zo̱zo̱nno̱k. Iróng dangonet anyaha gi̱i̱ ci abunna, abarik egerzan ol ne̱k azikne ke̱.

2 Ti̱mo̱te̱yo̱ 2:21

I̱ya̱bzo̱ni̱kke̱t zin kaala ne̱ko̱ agita. Ming utungek e̱e̱ti̱ imma mu̱nye̱n lo̱o̱c, u̱tu̱gu̱ enne ki gi̱i̱ ci a̱zi̱ze̱ agano ki li̱ngli̱ngo̱n. Aanyik ol ki̱li̱li̱ kar ki̱li̱ngli̱nge̱ manyi ce̱e̱z, aave kar ki̱li̱ngli̱ngte̱ li̱ngli̱ngo̱n ci abunna.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

2 Peturu 1:12

I̱yo̱ko̱ zin zo̱ze̱ necu, a̱gga̱mta̱u̱ niga kaal ne̱ko̱ la̱du̱n, akateu zin zo̱o̱ lo̱o̱c tu̱we̱nta̱ zo̱ze̱ ci een de̱de̱, ngen anna kemenna ka̱du̱wa̱kku̱ng ka̱a̱da̱ku̱ng kaal ne̱ko̱ dee.

Ju̱da̱ 1:5

Ma wo̱ye̱ nu̱nu̱n ming a̱gga̱yyu̱ niga gi̱i̱ bali eelanne Manyi Ta̱mu̱ta̱dde̱n olli Israilo lo̱o̱ce̱ ci Masiro ke̱, korongi ku̱du̱wa̱u̱ng bo̱do̱k gi̱i̱ neci dee. Eela bali nogo Ta̱mu̱ta̱dde̱n Masira, imma bali vu̱rrta̱, idita ol wak iróng a̱tu̱we̱.