Ti̱to̱ 2:5 - Tennet

⁵ abunna ming kanyak uruttok baizowe, kabaito baiz ci A̱li̱le̱, ku̱zu̱tte̱ ce̱e̱zi̱ cigge̱k ju̱rru̱m, ku̱tu̱gu̱zzo̱ kaal cik abunna, kiziyet zoz ci macwa cigge̱k. Kar zin iróng atin anyahak dominet zoz ci Ta̱mu̱ta̱dde̱no̱.

Ti̱to̱ 2:5 Iomraidhean Croise

Kananet 18:9

I̱jji̱nne̱t zin e̱re̱nno̱wa̱ ne̱ke̱ nonno izettek ne, “I̱nno̱ ngaa waunne Sarah?” O̱bo̱de̱k enne izek ne, “Aave ti̱ta̱.”

Kananet 3:16

Iizek zin Ta̱mu̱ta̱dde̱n ngaa ne, “Kaanyi pira ngati anyaine, a̱rri̱ta̱ atin do̱le̱c piryanzeta. Orong atin zinin cunne mac cunne udut, kar bo̱do̱k e̱e̱ti̱ ci maci kabalin udut.”

Buk wa To̱ni̱a̱u̱ 9:36

Anyak nuyait imma ci nga̱a̱ye̱ een zara Tabita, azi keng cik zar ciginnek ne Dorkas, a̱kku̱ enne o̱rge̱ ci een zara Joppa, ogon da̱ gon kaal cik abunna kar bo̱do̱k keela ol wak amati.

Buk wa To̱ni̱a̱u̱ 9:39

I̱mi̱rrte̱ Peturu oot ki nogo, baling okko enne azuca, o̱o̱tte̱ ol nonno ca̱a̱to̱. Ibilet ngaai wak boyek do̱o̱k aburuk nonno, a̱lu̱ kar ki̱ye̱lte̱k nonno ru̱u̱ma̱ni̱ balik adiman Dorkasi bali ngen aruge aavtte ki nogo ke̱.

Roma 14:16

Ma anyike ol kozozit da̱i̱nte̱ cik adai i̱nna̱ a̱gga̱ ming abunna ko̱, kizeto ne kaal cik mu̱nye̱nu̱.

Roma 2:24

E̱he̱rye̱ Warage ci Ta̱mu̱ta̱dde̱no̱ azi ne, “Anyikku niga ol wak iróng een Ya̱u̱d kodomit zar cik Ta̱mu̱ta̱dde̱no̱ zo̱ze̱ ci u̱tu̱gu̱zzu̱ niga.”

1 Ko̱ri̱nto̱ 11:3

I̱yo̱ko̱ zin, korongi ku̱du̱wa̱u̱ng, Ki̱ri̱sto̱ ci abal ol cik macik do̱o̱k, okko e̱e̱ti̱ ci maci abal ngaa, ma̱i̱je̱ Ta̱mu̱ta̱dde̱n nonno ci abal Ki̱ri̱sto̱.

1 Ko̱ri̱nto̱ 14:34

abunna ngaai ming aavtte li̱i̱m ke̱le̱ci̱a̱nya̱i̱. Iróng ol aanyik nogo kozozit, abunna ming elemi zoz ki ming a̱du̱wa̱ lo̱ti̱nno̱wa̱ balik eher Musesi ke̱.

Evesos 5:33

I̱yo̱ko̱ zin, i̱ya̱bzo̱ni̱ku̱ng abarik zoz necu i̱ge̱t e̱le̱tti̱, abunna e̱e̱ti̱ ming irez ngaa cinne ki i̱yo̱ko̱ ming irez enne ele cinne ko̱. Abunna bo̱do̱k ngaa ming aziye zoz ci e̱e̱t cinne ju̱rru̱m.

Kolosiya 3:18

Aanycik ngaai kiziyet zoz ci macwa cigge̱k, eci necu een gi̱i̱ ci abunna zo̱ze̱ ci a̱tu̱yyu̱ niga Manyi Ye̱su̱.

1 Ti̱mo̱te̱yo̱ 5:10

Anyik bo̱do̱k ol ku̱du̱kta̱ bunnat cinne, ki zoz ci azi ne, azunne ba̱li̱ye̱ dooli ju̱rru̱m, i̱i̱rke̱, a̱gga̱m e̱re̱nno̱k wak a̱tu̱we̱ ju̱rru̱m, kar gon keela bo̱yyo̱k.

1 Ti̱mo̱te̱yo̱ 6:1

Anyik du̱cca̱k wak a̱tu̱ zoz ci Ta̱mu̱ta̱dde̱no̱ ko̱to̱ngo̱o̱ltte̱ ddi̱ki̱ryyo̱k wagge̱k, kar iróng e̱e̱ti̱ imma ozoz gerzet zare cik Ta̱mu̱ta̱dde̱no̱ ki de̱mzi̱ne̱t cinne.

Ti̱to̱ 2:4

Abunna ngaai wak a̱ddi̱ki̱re̱ ko̱ ming edemez ngaai wak kidik kar kirezit macwa cigge̱k ki dooli,