Ti̱to̱ 2:2 - Tennet

² Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.

Ti̱to̱ 2:2 Iomraidhean Croise

Marko 5:15

Baling i̱vi̱tta̱k ol Ye̱su̱, amuda abarik e̱e̱t bali gon anyak kuulo cik lo̱rye̱nta̱k ko̱ ming aave lo̱o̱ta̱, aim ru̱u̱ma̱ni̱ ju̱rru̱m, kubunna oo, kar zin ol ko̱to̱ngo̱o̱ltte̱ lo̱o̱c niko.

Lu̱ka̱ 8:35

kar ol koot kicinnet gi̱i̱ ci ogone ko̱. Baling i̱vi̱tta̱k nege Ye̱su̱, urubta e̱e̱t bali iyowa kuulo cik lo̱rye̱nta̱k ngatinne ke̱, ming aave ojonun zoone cik Ye̱su̱, aime ju̱rru̱m, abunna oo; kar nege ko̱to̱ngo̱o̱ltte̱.

Buk wa To̱ni̱a̱u̱ 24:25

Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.”

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

2 Ko̱ri̱nto̱ 5:13

Ming adakket ngamoni, adakket zo̱ze̱ ci Ta̱mu̱ta̱dde̱no̱; ming kaavtte naga labak, kaavtiya zin zo̱ze̱ cunno̱ng.

Ga̱la̱ti̱a̱ 5:23

ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 5:6

Ku̱zu̱tte̱ e̱le̱tti̱, gerza ming keceba o̱o̱tti̱ ki ol cik iróng a̱tu̱we̱, iróng ka̱gga̱ ming okko atin Ye̱su̱ obodak lo̱o̱c.

1 Te̱se̱lo̱ni̱ka̱ 5:8

Imma naga ke̱e̱ggi̱n ol cik kogon kaal waz, abunna zin kanyak urutoit baiza, kar ki̱ti̱me̱t zoz ci tu̱we̱nto̱ ki rezinet, ogon ki i̱li̱b ci abil zi̱nze̱tti̱, ki zoz ci karike naga zi̱nze̱tti̱ aanyet ti̱ri̱ze̱ne̱t ki luluk ci abil oo illawa.

1 Ti̱mo̱te̱yo̱ 1:10

ki ol wak orooto ki ngaai, ki ol cik macik ottodo kiwagon ming oogin ol ki ngaai, ki ol wak ogoroz dooli cik ollu koot ku̱tu̱yyo̱i̱ kizeto du̱cca̱k, ki ol wak e̱e̱ggi̱n volongnyok, ki ol wak iróng a̱du̱wa̱ zoz ci een de̱de̱ ngu̱me̱ ci Ta̱mu̱ta̱dde̱no̱, ki ol wak abure de̱mzi̱ne̱t wa een de̱de̱,

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

1 Ti̱mo̱te̱yo̱ 1:2

Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

1 Ti̱mo̱te̱yo̱ 3:2

Abunna zin alaani ci Ce̱e̱z wa Ta̱mu̱ta̱dde̱no̱ een e̱e̱t ci abak baiz ci iróng anyak mu̱nye̱n. Abunna bo̱do̱k ming o̱de̱ ngaa ṯok niko. Abunna ming een e̱e̱t ci uwak ju̱rru̱m, abariz no̱ngi̱tto̱n ju̱rru̱m, abunna ming i̱i̱rke̱, abunna ming elemi de̱mzi̱ne̱t.

1 Ti̱mo̱te̱yo̱ 3:4

Abunna ming een e̱e̱t ci abal orog wainne ju̱rru̱m, kar dooli kiziyet ti̱lo̱wi̱ne̱t wainne ju̱rru̱m kar bo̱do̱k ko̱to̱ngo̱o̱ltte̱ nonno.

1 Ti̱mo̱te̱yo̱ 3:8

Abunna zin bo̱do̱k ol wak een kuye Ce̱e̱ze̱ wa Ta̱mu̱ta̱dde̱no̱ ming e̱e̱ggi̱n ol cik abak baiz ci a̱zi̱ze̱. Gerza ming etted ebere, icima a̱bu̱re̱ merta. Gerza ming a̱bu̱re̱ o̱ro̱bi̱ya̱i̱.

1 Ti̱mo̱te̱yo̱ 5:1

Ma i̱ye̱le̱k e̱e̱t ci a̱ddi̱ki̱re̱ utug, abarik ti̱lo̱ utuge ci alali kiwagon ming ozozik baatunne. Gga̱m logoz wak kidik kiwagon ming a̱ti̱ri̱zi̱ gotonoggu.

Ti̱to̱ 1:13

Een zin zoz necu de̱de̱, ti̱lo̱ zin abarik i̱nna̱ nogo ju̱rru̱m, kar zin kokommit tu̱we̱nte̱ cinne̱ng.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

Vilomene 1:9

Abarik kilaleki rezinta, anna Pa̱u̱lo̱ e̱e̱ti̱ ci a̱ddi̱ki̱re̱. I̱yo̱ko̱ kecebje zo̱ze̱ ci kuwahek ol kaviyak cik Ye̱su̱ Ki̱ri̱sto̱.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:8

U̱zu̱tte̱ e̱le̱tti̱ ciggo̱k eci lo̱rye̱nti̱ wa een mo̱dde̱ni̱t cunno̱ng e̱re̱ye̱ goola kiwagon maa wa a̱rru̱k ngati orong kar kadaho.

2 Peturu 1:6

Otortek genyiz ki laliz ci zi̱nze̱tti̱nnu̱, kar bo̱do̱k otortek laliz ci zi̱nze̱tti̱nnu̱ nimenet no̱ngi̱tto̱n, kar bo̱do̱k otortek nimenet no̱ngi̱tto̱n gool ci arikku zoz ci Ta̱mu̱ta̱dde̱no̱ zi̱nze̱tti̱.