Ti̱to̱ 2:11 - Tennet

¹¹ Ma̱rri̱t Ta̱mu̱ta̱dde̱n i̱ye̱la̱ deten ci eelanne enne ol do̱o̱k.

Ti̱to̱ 2:11 Iomraidhean Croise

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Marko 16:15

A̱nne̱k zin Ye̱su̱ nogo ne, “Oot lo̱o̱co̱we̱ do̱o̱k uwaktek ol veelek kaviyak cik abunna.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Lu̱ka̱ 3:6

Kar atin ol do̱o̱k ku̱mu̱dda̱ ti̱ri̱ze̱ne̱t ci Ta̱mu̱ta̱dde̱no̱.’”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:9

Een neci ba̱li̱ye̱ vooriten wa een de̱de̱, a̱kku̱ kar ki̱ki̱ya̱ kutukul ol do̱o̱k lo̱o̱ta̱.

Buk wa To̱ni̱a̱u̱ 11:23

Baling arawa enne kar kicin deten ci Ta̱mu̱ta̱dde̱no̱, atal oroot kar zin ku̱du̱wa̱k nogo abunna ming abile de̱de̱ zo̱ze̱ ci Manyi zi̱nze̱tti̱nne̱ cigge̱k do̱o̱k.

Buk wa To̱ni̱a̱u̱ 13:43

Baling ovvo ol azanne, unuwet ol cik meelek e̱e̱ggi̱n Ya̱u̱d ki i̱do̱ngi̱ wak utuhuye kizeto Ya̱u̱d ko̱ nogo, kar zin Pa̱u̱lo̱ ki Barnabas izektek nogo ne, “A̱vvu̱t labak detente ci Ta̱mu̱ta̱dde̱no̱.”

Buk wa To̱ni̱a̱u̱ 13:47

Een zoz necu ci a̱du̱wa̱kke̱t agit Manyi Ta̱mu̱ta̱dde̱n: “‘Kaanyi i̱nne̱t ize tukulec ci ol cik iróng e̱e̱ggi̱n Ya̱u̱d, kar i̱nna̱ nyahak ti̱ri̱ze̱ne̱t lo̱o̱cco̱k do̱o̱k.’”

Buk wa To̱ni̱a̱u̱ 17:30

Eci ba̱li̱ye̱ Ta̱mu̱ta̱dde̱n ibbez ol kaale cik iróng nege a̱gga̱, abarik zin i̱yo̱ko̱ enne orongnyet agit lo̱o̱co̱we̱ do̱o̱k kuturta mu̱nye̱n cigga̱c do̱o̱k.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Roma 10:18

Abarik ka̱jji̱ne̱: Ngen olli Israilo kiziyet kaviyak? Iziyyet zin ba̱li̱ye̱: “Uzuca mului cinne̱ng lo̱o̱cco̱k do̱o̱k, ki zo̱zzo̱k cigge̱k bu̱k.”

Roma 5:15

Imma bo̱do̱k Adami ki Ye̱su̱ engero go̱o̱lo̱we̱ cik ogone nege kaal. A̱kku̱nna̱k daizi lo̱o̱c mu̱nye̱ne̱ cik Adami kar kuruma ol do̱o̱k. Okko zin Ye̱su̱ Ki̱ri̱sto̱ anyahak ol do̱o̱k muci ci een deten ci Ta̱mu̱ta̱dde̱no̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 2:21

Iróng anna kanyike deten ci Ta̱mu̱ta̱dde̱no̱ kize rara. Ming elemi Ta̱mu̱ta̱dde̱n e̱e̱t ci diiri kubunna ngati azunne lo̱ti̱nno̱k cik Musesi do̱, iróng weda Ki̱ri̱sto̱ a̱da̱i̱ gaganiko.”

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Kolosiya 1:23

Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.

Kolosiya 1:6

balik i̱vi̱tta̱u̱ng i̱ge̱ta̱ ke̱. Azawonik kaviyaha ne̱ke̱ lo̱o̱c do̱o̱k, kar kanyak o̱ya̱u̱ cik alize orgene cunno̱ng i̱i̱te̱ne̱ bali aziknnu niga ke̱ kar a̱gga̱c deten ci Ta̱mu̱ta̱dde̱no̱ zo̱ze̱ ci een de̱de̱.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

1 Ti̱mo̱te̱yo̱ 1:14

Aanya zin Manyitinna eezete wainne, tu̱we̱ne̱t ki rezinet wa karuba ngati Ye̱su̱ Ki̱ri̱sto̱.

1 Ti̱mo̱te̱yo̱ 2:4

Orong Ta̱mu̱ta̱dde̱n ol do̱o̱k kurubta ruget, kar ka̱gga̱c zoz wa een de̱de̱.

2 Ti̱mo̱te̱yo̱ 1:10

Kar i̱yo̱ko̱, i̱ye̱le̱i̱t zin Ta̱mu̱ta̱dde̱n bunnat cinne ngati aanyyet Ti̱ri̱zo̱i̱t cinna Ye̱su̱ Ki̱ri̱sto̱, kar kommog daiz, kar kanyaha ruget wa aave udut, kamuda go̱o̱le̱ ci kazikne kaviyak cik abunna.

2 Ti̱mo̱te̱yo̱ 4:17

Abarik wazin neci, uzuta Manyi kar zin kaanya komiz ci kuwaheke ol kaviyak ciginnek ju̱rru̱m, kar ol wak iróng een Ya̱u̱d do̱o̱k kiziyet. Eelawa zin Ye̱su̱ daiza.

I̱bu̱ru̱ 12:15

Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.