Ti̱to̱ 2:10 - Tennet

¹⁰ Gerza bo̱do̱k ming ogoroz kaal cik ma̱ci̱gi̱nnu̱. Abarik abunna ming ogon kaal cik een de̱de̱, kar ol kelemtta de̱mzi̱ne̱t ci Ta̱mu̱ta̱dde̱no̱ wa een Ti̱ri̱zo̱i̱t cinna.

Ti̱to̱ 2:10 Iomraidhean Croise

Ma̱te̱yo̱ 24:45

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Lu̱ka̱ 1:47

kar vongizi cinanne katalo ngati Ta̱mu̱ta̱dde̱n Ti̱ri̱zo̱i̱t cinanni,

Lu̱ka̱ 1:80

Itinga zin Joni ki̱ddi̱ki̱r kar kokkom vongiza; abak balala zee kar ki̱ye̱le̱k ol ele Israila.

Lu̱ka̱ 16:10

“Ming azunne e̱e̱ti̱ imma li̱ngli̱ngo̱n cinne kaale cik kidik, anyonik atin nonno li̱ngli̱ngo̱n ci a̱ppwe̱, ming iróng e̱e̱ti̱ imma azunne kaal cikidik iróng atin enne azunne kaal cik meelek bu̱k.

Kaviyak wak Abunna Ta̱mu̱ta̱dde̱no̱ eher Joni 12:6

A̱du̱wa̱ Judasi zoz necu gaganiko, iróng enne edeconik ol wak amati, eci een enne ogoryait, nonno ci a̱gga̱m o̱bo̱n ci o̱ro̱bi̱ya̱u̱, kar gon keelai ele.

1 Ko̱ri̱nto̱ 4:2

Abunna zin ol ne̱k anyonik li̱ngli̱ngo̱ni̱ ko̱, ming ogon li̱ngli̱ngo̱n ju̱rru̱m zi̱nze̱tti̱nne̱ cik alali.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Ti̱mo̱te̱yo̱ 1:1

Ki̱tto̱na̱ki̱ waraga cu anna Pa̱u̱lo̱ to̱ni̱a̱ti̱ ci Ye̱su̱ Ki̱ri̱sto̱, wa bali atahala Ta̱mu̱ta̱dde̱n wa een Ti̱ri̱zo̱i̱t cinna ki Ye̱su̱ Ki̱ri̱sto̱ ci karike naga zi̱nze̱tti̱ ko̱.

1 Ti̱mo̱te̱yo̱ 5:17

Anyik ol cik a̱tu̱we̱ ki̱ti̱ri̱ze̱t lo̱ddi̱ki̱re̱ cik a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ju̱rru̱m eci nege a̱li̱ngli̱ng ju̱rru̱m. Ommogje ming uwahek ol kar ke̱de̱me̱zi̱t zoz ci Ta̱mu̱ta̱dde̱no̱.

1 Ti̱mo̱te̱yo̱ 6:1

Anyik du̱cca̱k wak a̱tu̱ zoz ci Ta̱mu̱ta̱dde̱no̱ ko̱to̱ngo̱o̱ltte̱ ddi̱ki̱ryyo̱k wagge̱k, kar iróng e̱e̱ti̱ imma ozoz gerzet zare cik Ta̱mu̱ta̱dde̱no̱ ki de̱mzi̱ne̱t cinne.

1 Ti̱mo̱te̱yo̱ 6:3

ming edemez e̱e̱ti̱ lo̱ti̱nno̱k wak aavtte do̱ ngati lo̱ti̱nno̱k wak Manyitinna Ye̱su̱ Ki̱ri̱sto̱ een de̱de̱ ki gool ci kanu ko̱,

Ti̱to̱ 1:3

kar doize cinne, idiman enne lo̱lo̱yo̱k kar enne kanyahak zoz cinne nginti voori go̱o̱le̱ ci aanya enne kar kuwahek ol kaviyak ne̱ke̱. Ta̱mu̱ta̱dde̱n ti̱ri̱zo̱i̱t cinna ci a̱du̱wa̱ka̱n,

Ti̱to̱ 3:4

Ma̱i̱je̱ zin Ta̱mu̱ta̱dde̱n wa een Ti̱ri̱zo̱i̱t cinna abunna enne kar kize gunun.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.