Ti̱to̱ 1:6 - Tennet

⁶ Abunna e̱e̱ti̱ ci een nyakangan ming ogon kaal cik abunna. Abunna ming o̱de̱ nonno ngaa ṯok niko. Abunna dooli ciginnek ming a̱tu̱ Ye̱su̱, kar bo̱do̱k iróng a̱vi̱r o̱o̱tti̱.

Ti̱to̱ 1:6 Iomraidhean Croise

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Lu̱ka̱ 1:5

Imma e̱rki̱te̱ bali abale alaani He̱ro̱di̱ lo̱o̱c ci Ju̱de̱ya̱, anyak da̱ e̱e̱t ci wawaco een zara Zakaria, a̱kku̱ enne tatuge ci olli wawaco biilet ci Abijah; a̱kku̱ ngaa cinne Elizabethi tatuge ci Aaroni.

Evesos 5:18

Ma egerzannu e̱le̱tti̱ mertene, eci zoz necu okkoyyung go̱o̱le̱ ci gerze. Abarik aanycik Vongiz ci Ta̱mu̱ta̱dde̱no̱ ka̱vvu̱ zi̱nze̱tti̱nne̱ cuggo̱k.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 3:12

Anyik e̱e̱t ci een kuye a̱li̱ngli̱ng Ce̱e̱ze̱ wa Ta̱mu̱ta̱dde̱no̱ ki̱ti̱k ngaa co̱de̱ ṯok niko. Kar zin kabal dooli ki orog wainne do̱o̱k ju̱rru̱m.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.