Ti̱to̱ 1:5 - Tennet

⁵ Kungneki ba̱li̱ye̱ lo̱o̱c ci een Crete, abunna ming edecak li̱ngli̱ngo̱n bali ngen anna kedecak ke̱, kar bo̱do̱k tahala nyakanganet o̱ro̱gjo̱we̱ ne̱ke̱ ki bali ming ka̱du̱wa̱ki̱ ke̱.

Ti̱to̱ 1:5 Iomraidhean Croise

Buk wa To̱ni̱a̱u̱ 11:30

U̱lu̱tta̱ zin nege kaal cigge̱k kar ki̱jji̱nne̱t Barnabas ki Saul abunna ovvo anyike ol cik a̱ddi̱ki̱re̱ muci cigge̱k ko̱.

Buk wa To̱ni̱a̱u̱ 14:23

Atahaltta Pa̱u̱lo̱ ki Barnabas lo̱ddi̱ki̱re̱ u̱gge̱ ke̱le̱ci̱a̱nya̱i̱ do̱o̱k kabalit gonoggi, kar zin nege kalayo ki̱ya̱yo̱ ngati alawek nogo Manyi ci aarik nege zi̱nze̱tti̱ cigge̱k ko̱.

Buk wa To̱ni̱a̱u̱ 2:11

ki lo̱o̱c ci Crete ki Arabiya. Ke̱e̱ggi̱n naga Ya̱u̱d ki i̱do̱ngi̱ wak utuhuye kizeto Ya̱u̱d; kazikna naga nogo do̱o̱k ming ozoz zoz ci Ta̱mu̱ta̱dde̱no̱ u̱tu̱ge̱tti̱ne̱ cigga̱c!”

Buk wa To̱ni̱a̱u̱ 27:12

Imma nginti abile i̱bo̱ ko̱, iróng een nginti abunna ming ize tagiz, izeto ol cik meelek ne, kotozo eci korong naga ku̱zu̱cca̱ orog ci een Phoenis ming ngen kize tagiz. Een necu bali nginti abunna abilne i̱be̱tta̱ ngati een Crete, edevo ki o̱to̱n ci i̱do̱li̱yo̱ ki nyege ki bo̱do̱k i̱do̱ ki nyege.

Buk wa To̱ni̱a̱u̱ 27:13

Baling akate ngooti imma cidici u̱vu̱wa̱n o̱to̱ne̱ ci i̱do̱li̱yo̱, i̱no̱ni̱t ol wak a̱li̱ngli̱ng i̱bo̱wa̱ izeto ne kar kotozzo. Odongta zin i̱bo̱le̱ni̱t bali abiliz i̱bo̱ ke̱ ta̱dde̱n, kar zin naga ko̱o̱tta̱ zee kize ojon ti̱ti̱m ci Crete.

Buk wa To̱ni̱a̱u̱ 27:21

Baling a̱ta̱gu̱zzo̱ ol magizet i̱i̱nya̱ cik meelek, ibil Pa̱u̱lo̱ je̱e̱na̱ ngu̱me̱ cinne̱ng kar zin kize ne, “Lo̱o̱ko̱, ming izikttang, iróng weda ungneku Crete lo̱o̱c oot u̱mu̱dda̱ zoz ci gerze i̱na̱ku̱ng i̱yo̱ko̱ ko̱.

Buk wa To̱ni̱a̱u̱ 27:7

Kanyakta i̱i̱nya̱ cik meelek goola ngati kowoya i̱bo̱wa̱, kizetta ojone o̱rge̱ ci een Cnidus. Baling ize a̱ppwa̱ ngooti, ko̱o̱tta̱ ki lo̱o̱c ci een Crete aburuk maama ko̱, kowoya Crete lo̱o̱ta̱ ngati ojono ki Salmone.

1 Ko̱ri̱nto̱ 11:34

Ming anyak e̱e̱t ci adak magiz, anyik nonno kadaho ce̱e̱za̱, kar abunna iróng anganyu e̱le̱tti̱ cuggo̱k ngati ovvo alutenu. Kar ming ki̱ki̱ya̱ anna kokko atin ka̱du̱wa̱kku̱ng kaal u̱gge̱.

1 Ko̱ri̱nto̱ 14:40

Abarik abunna kaala do̱o̱k ming ogone go̱o̱le̱ ci abunna.

1 Ko̱ri̱nto̱ 4:17

Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

Kolosiya 2:5

Ki i̱yo̱ko̱ ming iróng anna kaavtte imma i̱ge̱t nga̱to̱de̱ ko̱, kaavtte anna imma i̱ge̱t vongiza, katalne zin zo̱ze̱ ci adimannu niga kaal cuggo̱k baiza ju̱rru̱m, kar ibilet ṯop tu̱we̱nta̱ zo̱ze̱ ci Ki̱ri̱sto̱.

1 Ti̱mo̱te̱yo̱ 1:3

Ki baling ka̱jji̱nni̱ la̱du̱n i̱i̱ bali kokkoye anna lo̱o̱ce̱ ci een Macedonia ke̱, aave i̱nna̱ o̱rge̱ ci een Ephesus kar gerenyek ol wak edemezek ol wak a̱tu̱we̱ zoz ci een volong.

2 Ti̱mo̱te̱yo̱ 2:2

kar zo̱zzo̱wa̱ balik aziyi i̱nna̱ ngatinanni, ngati aavtte bbacaha cik meelek ke̱, anyonik zo̱zzo̱wa̱ ne̱ke̱ ol cik abunna kar atin nege ke̱de̱me̱zi̱t ol u̱gge̱ bu̱k.

Ti̱to̱ 1:12

Anyak ba̱li̱ye̱ a̱ri̱to̱i̱t ci abak lo̱o̱ce̱ ci olli Crete, u̱du̱wa̱ zoz ci obod ki nogo, ize ne, “Een ol cik abak o̱rge̱ ci Cretans ko̱ do̱o̱k volongnyok; u̱tu̱gu̱zzo̱ nege ki elegje, kar bo̱do̱k kizeto gu̱u̱rwa̱ ki elemnyok.”