Ti̱to̱ 1:16 - Tennet

¹⁶ A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

Ti̱to̱ 1:16 Iomraidhean Croise

Roma 1:28

Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

1 Ti̱mo̱te̱yo̱ 1:9

Eci ka̱gga̱ niko iróng lo̱ti̱nno̱wa̱ een cik ol cik abunna, abarik e̱e̱ggi̱n cik ol wak een i̱rki̱ryo̱k ki ol wak abure zoz ci alaano, ki ol wak mu̱nye̱nu̱, ki wak abure zoz ci Ta̱mu̱ta̱dde̱no̱, ki wak a̱ru̱k be̱e̱ti̱gge̱k ki e̱e̱ti̱gge̱k ka̱da̱i̱to̱ ki wak amuny ol,

1 Ti̱mo̱te̱yo̱ 5:8

Imma ming iróng e̱e̱ti̱ azunne tatug cinne̱ng, ommogje ol cik ce̱e̱z cinne, utubur enne zoz ci a̱tu̱we̱ ol Ta̱mu̱ta̱dde̱n, ommog abarik enne e̱e̱t ci ngen kelema Ta̱mu̱ta̱dde̱n.

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

Ti̱to̱ 3:1

Ti̱lo̱ ol wak a̱tu̱we̱ abunna ming aziye zoz ci gaalau ki ddi̱ki̱ryyo̱k wagge̱k. Abunna ming aziye zoz, kar ku̱tu̱gu̱zzo̱ kaal cik abunna odohize.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Jon 2:4

Ming azi e̱e̱ti̱ ne, “Ka̱gga̱ enne nonno,” ma̱i̱je̱ ngatu iróng a̱li̱ngli̱nge̱ lo̱ti̱nno̱k ciginnek, een enne volongnyoit, i̱llo̱i̱ zoz ci een de̱de̱ ngatinne.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 21:27

I̱llo̱i̱ atin gi̱i̱ imma ci anyak mu̱nye̱n kar ki̱tto̱ ngin neci, icima i̱i̱zo̱ e̱e̱ti̱ imma ci ogon kaal cik gerzek, abarik i̱i̱zo̱ ol cik e̱he̱rye̱ zara cigge̱k buwe ci Nyoono rugeto do̱ niko cik aavtte o̱rge̱ neci.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”