Ti̱to̱ 1:13 - Tennet

¹³ Een zin zoz necu de̱de̱, ti̱lo̱ zin abarik i̱nna̱ nogo ju̱rru̱m, kar zin kokommit tu̱we̱nte̱ cinne̱ng.

Ti̱to̱ 1:13 Iomraidhean Croise

2 Ko̱ri̱nto̱ 13:10

Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

1 Ti̱mo̱te̱yo̱ 1:10

ki ol wak orooto ki ngaai, ki ol cik macik ottodo kiwagon ming oogin ol ki ngaai, ki ol wak ogoroz dooli cik ollu koot ku̱tu̱yyo̱i̱ kizeto du̱cca̱k, ki ol wak e̱e̱ggi̱n volongnyok, ki ol wak iróng a̱du̱wa̱ zoz ci een de̱de̱ ngu̱me̱ ci Ta̱mu̱ta̱dde̱no̱, ki ol wak abure de̱mzi̱ne̱t wa een de̱de̱,

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 5:20

Imma ol wak anyak mu̱nye̱n, gerenyek, vocek zoz orgene ci ollu kar ol do̱o̱k ko̱to̱ngo̱o̱ltte̱ gerza ming ogon nege mu̱nye̱n.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

Ti̱to̱ 2:15

I̱yo̱ko̱ zin, Ti̱to̱, demezek zo̱zzo̱k ne̱ko̱ ol wak a̱tu̱we̱. Dimannek nogo zo̱zzo̱k, anyik ku̱tu̱gu̱zzo̱ kaal ne̱ko̱. Aanyai i̱nna̱ komiz ci i̱lo̱tte̱ ol zo̱zzo̱we̱ ne̱ko̱. Abunna ming o̱ngo̱o̱li̱nni̱ ol do̱o̱k.

Ti̱to̱ 2:2

Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.