Ti̱to̱ 1:12 - Tennet

¹² Anyak ba̱li̱ye̱ a̱ri̱to̱i̱t ci abak lo̱o̱ce̱ ci olli Crete, u̱du̱wa̱ zoz ci obod ki nogo, ize ne, “Een ol cik abak o̱rge̱ ci Cretans ko̱ do̱o̱k volongnyok; u̱tu̱gu̱zzo̱ nege ki elegje, kar bo̱do̱k kizeto gu̱u̱rwa̱ ki elemnyok.”

Ti̱to̱ 1:12 Iomraidhean Croise

Buk wa To̱ni̱a̱u̱ 17:28

‘Eci ngatinne, kabak naga kar bo̱do̱k kotoz ka̱vvu̱t to, ki i̱yo̱ko̱ ming kaavtte ko̱.’ Azi be̱ni̱nno̱wa̱ ciggo̱k uggak ne, ‘Ke̱e̱ggi̱n naga dooli ciginnek.’

Buk wa To̱ni̱a̱u̱ 2:11

ki lo̱o̱c ci Crete ki Arabiya. Ke̱e̱ggi̱n naga Ya̱u̱d ki i̱do̱ngi̱ wak utuhuye kizeto Ya̱u̱d; kazikna naga nogo do̱o̱k ming ozoz zoz ci Ta̱mu̱ta̱dde̱no̱ u̱tu̱ge̱tti̱ne̱ cigga̱c!”

Buk wa To̱ni̱a̱u̱ 27:12

Imma nginti abile i̱bo̱ ko̱, iróng een nginti abunna ming ize tagiz, izeto ol cik meelek ne, kotozo eci korong naga ku̱zu̱cca̱ orog ci een Phoenis ming ngen kize tagiz. Een necu bali nginti abunna abilne i̱be̱tta̱ ngati een Crete, edevo ki o̱to̱n ci i̱do̱li̱yo̱ ki nyege ki bo̱do̱k i̱do̱ ki nyege.

Buk wa To̱ni̱a̱u̱ 27:13

Baling akate ngooti imma cidici u̱vu̱wa̱n o̱to̱ne̱ ci i̱do̱li̱yo̱, i̱no̱ni̱t ol wak a̱li̱ngli̱ng i̱bo̱wa̱ izeto ne kar kotozzo. Odongta zin i̱bo̱le̱ni̱t bali abiliz i̱bo̱ ke̱ ta̱dde̱n, kar zin naga ko̱o̱tta̱ zee kize ojon ti̱ti̱m ci Crete.

Buk wa To̱ni̱a̱u̱ 27:7

Kanyakta i̱i̱nya̱ cik meelek goola ngati kowoya i̱bo̱wa̱, kizetta ojone o̱rge̱ ci een Cnidus. Baling ize a̱ppwa̱ ngooti, ko̱o̱tta̱ ki lo̱o̱c ci een Crete aburuk maama ko̱, kowoya Crete lo̱o̱ta̱ ngati ojono ki Salmone.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

1 Ti̱mo̱te̱yo̱ 4:2

Edemez ol ne̱k volongak ol wak a̱tu̱we̱ zoz ci volongo a̱ru̱we̱ nege talaben, ki̱zzi̱ ngatinne̱ng rok a̱li̱ya̱n.

Ti̱to̱ 1:5

Kungneki ba̱li̱ye̱ lo̱o̱c ci een Crete, abunna ming edecak li̱ngli̱ngo̱n bali ngen anna kedecak ke̱, kar bo̱do̱k tahala nyakanganet o̱ro̱gjo̱we̱ ne̱ke̱ ki bali ming ka̱du̱wa̱ki̱ ke̱.

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

2 Peturu 2:15

Utungtek gool ci baizo okko ṯop ko̱ lo̱o̱c, kar kunuwet gool ci a̱ri̱to̱i̱t ci een zara Balaam ngerrti Beor, irez gon enne kaal cik gerzek.