Buk ci ozoz zoz ci ngaa ci een Ruz 4:13 - Tennet

¹³ Urumte zin Boazi ki Ruz kize ngaa cinne. U̱mu̱yu̱k zin Manyi nonno aanyik kanyaho, kar zin ki̱ti̱ra̱ do̱le̱c ci maci.

Buk ci ozoz zoz ci ngaa ci een Ruz 4:13 Iomraidhean Croise

Kananet 20:17

Alawek zin Aburahami Abimelech Ta̱mu̱ta̱dde̱n, kar enne kangaru nonno ki ngaa cinne, ki du̱cca̱k ciginnek nga̱a̱ye̱k kar atin nege kaanyait dooli bo̱do̱k,

Kananet 25:21

Alawek I̱sa̱ko̱ Manyi zoz ci ngaa cinne, eci abile ba̱li̱ye̱ Rebekah. Izik zin Manyi lawinet cinne, anyaho zin ngaa cinne.

Kananet 29:31

Baling icin Manyi iróng Ya̱ko̱bo̱ irez Le̱ya̱, oo zin enne keng cinne ki̱ti̱r, ma̱i̱je̱ ngatu ngen Racheli abile.

Kananet 30:2

Omoze zin Ya̱ko̱bo̱ ngatinne kar kize ne, “Kaave anna ngati Ta̱mu̱ta̱dde̱no̱, ci iróng aanyi i̱nne̱t nyak dooli?”

Kananet 33:5

Edev zin I̱sa̱u̱ ta̱dde̱n acin ngaai ki dooli. I̱jji̱nno̱ zin, “Ciko ngene cik orkorannu bu̱k ko̱?” O̱bo̱de̱k zin Ya̱ko̱bo̱ nonno, “E̱e̱ggi̱n ne̱ko̱ dooli balik aanyik Ta̱mu̱ta̱dde̱n du̱ca̱i̱t cunne.”

Buk ci ozoz zoz ci ngaa ci een Ruz 3:11

Kar zin i̱yo̱ko̱, buweenyanni, ma o̱ngo̱o̱le̱ gi̱i̱ imma. Kogoniki atin i̱nne̱t kaal cik a̱jji̱nni̱ i̱nna̱ do̱o̱k. A̱gga̱yi̱ olli o̱rgu̱ do̱o̱k ming e̱e̱ni̱ i̱nna̱ ngaa ci abunna oroot.

Buk ci ozoz zoz ci ngaa ci een Ruz 4:12

A̱mu̱yu̱k atin Manyi Ta̱mu̱ta̱dde̱n dooli ne̱k aanyi enne ngaawe necu kar tu̱gu̱ ki tatug ci Perezi ngerrti Ju̱da̱ ngaawe ci een zara Tamar.”