Buk ci ozoz zoz ci ngaa ci een Ruz 4:11 - Tennet

¹¹ Kar zin lo̱ddi̱ki̱re̱ ki ol ne̱k aavtte arana ke̱ do̱o̱k kizeto ne, “I̱i̱ny, ke̱e̱ggi̱nna̱ naga de̱de̱ bbacak. Anyik bai Manyi ka̱mu̱yu̱k ngaa ci a̱kku̱ ce̱e̱z cunne ko̱ ku̱tu̱gu̱ ki Racheli ki Le̱ya̱, nogo cik aanyik olli Israilo kotorte. Anyik Ta̱mu̱ta̱dde̱n kaanyi ize bo̱to̱ro̱c kar ol ki̱di̱ngdi̱nga̱nti̱ i̱nne̱t boore ci Ephrathah a̱bu̱le̱ zara Betelema do̱o̱k ko̱.

Buk ci ozoz zoz ci ngaa ci een Ruz 4:11 Iomraidhean Croise

Kananet 23:10

Aave da̱ Ephroni ci olli Hittites ko̱ lo̱o̱ta̱ orgene ci ol ciginnek kar zin kabariz zoz ci Aburahami ngati azikne olli Hittites balik a̱vvu̱na̱k aran ci o̱rgu̱ ke̱.

Kananet 24:60

Kar ku̱mu̱yu̱we̱t Rebekah kar kizettek ne, “Ngoonet, anyik ce̱e̱z cunne kotore kizeto i̱bbo̱nge̱t ki i̱bbo̱nge̱t; anyik bai dooli cigunnek kaamta tatuget cik mo̱ddo̱ cigge̱k.”

Kananet 29:16

Anyak da̱ Labani dooli cik nga̱a̱ye̱k rama; azi zar cik do̱le̱c wa a̱ddi̱ki̱re̱ ko̱ ne Le̱ya̱, okko cidici azi zar ne Rachel.

Kananet 29:25

Baling ize looci nge̱rre̱t, ize abarik Le̱ya̱! Izek zin Ya̱ko̱bo̱ Laban ne, “Nya ci ogonika i̱nna̱ annit ko̱? Ka̱li̱ngli̱ngo̱ni̱ki̱ anna i̱nne̱t ba̱li̱ye̱ e̱rki̱nya̱ turgerem kar korong ki̱ti̱k Rachel, nya ci a̱lu̱ta̱ niko ko̱?”

Kananet 29:32

Anyaho zin Le̱ya̱ kar ki̱ti̱rra̱ do̱le̱c ci maci. Akatek zar ciginnek kize Reuben, eci enne azi ne, “Eci Manyi icin matiz cinanni. De̱de̱ okko atin e̱e̱ti̱ cinanne ireza annit i̱yo̱ko̱.”

Kananet 35:23

Dooli cik Le̱ya̱: Een Reubeni a̱bu̱ ci Ya̱ko̱bo̱, kar zin Si̱mo̱ne̱, Le̱vi̱, Ju̱da̱, Issachar, ki Zebulun.

Kananet 35:24

Iciko dooli cik Racheli: Yosevo ki Benjamin.

Ma̱te̱yo̱ 2:6

“‘Niga ol cik Betelemo, cik aavtiyyu lo̱o̱ce̱ ci Ju̱de̱ya̱, izetu niga ol cik riilik orgene ci alaat cik Ju̱de̱ya̱, iyowa atin alaani ngatinno̱ng, ci okko atin een tuwayoit ci ol cigannik Israila.’”

Buk ci ozoz zoz ci ngaa ci een Ruz 1:2

Een zara cik e̱e̱t neci Elimelek ovvo zara cik ngaa cinne een Naomi, kar logoz cigge̱k kizeto zara Mahalon ki Kilion. A̱vvu̱ nege boore ci een Ephrath Betelema, Ju̱de̱ya̱. Kar zin nege koot Moaba kar kabaito nginati.