Buk ci ozoz zoz ci ngaa ci een Ruz 3:9 - Tennet

⁹ I̱jji̱nno̱ zin enne, “E̱e̱ni̱ i̱nna̱ ngene?” Abarizek enne a̱nne̱k ne, “Ke̱e̱ni̱ anna Ruz du̱ca̱i̱t cunne, e̱e̱ni̱ i̱nna̱ boorit ci wo̱ye̱ avada ce̱e̱z ci gotononnu. Ku̱bu̱ngte̱ zin naga do̱o̱k ru̱u̱me̱ cunne ko̱.”

Buk ci ozoz zoz ci ngaa ci een Ruz 3:9 Iomraidhean Croise

Lu̱ka̱ 14:11

Eci ngati e̱e̱t imma ci odong ele cinne okko atin obodane ele, okko e̱e̱ti̱ ci obodane ele okko atin odongnye.”

Buk ci ozoz zoz ci ngaa ci een Ruz 2:20

Izek Naomi alawan ne, “Anyik Manyi ka̱ma̱yu̱k nonno. Ngen Ta̱mu̱ta̱dde̱n azunne ol cik aruge ki cik a̱da̱i̱to̱ bu̱k.” Kar bo̱do̱k enne kize ne, “Een e̱e̱ti̱ neci boorit cinna, nonno ele ci atin wo̱ye̱ kar kavada tatug necu.”

Buk ci ozoz zoz ci ngaa ci een Ruz 3:10

Abarizek zin Boazi nonno a̱nne̱k ne, “Anyik Manyi ka̱mu̱yu̱wi̱n, buweenyanni. Ommog bunnati cu bali i̱ye̱le̱k i̱nna̱ boor cinna̱ng arrak oowa ke̱. Iróng i̱nna̱ a̱vi̱ri̱ vu̱rrte̱ ci logoz cik e̱e̱ggi̱n i̱tto̱k icima ngaalam.

Buk ci ozoz zoz ci ngaa ci een Ruz 3:12

Een de̱de̱ ke̱e̱ni̱ anna boorit ci mac cunne, abarik anyak zin e̱e̱t imma ci avada wo̱ye̱ tatug cunno̱ng ojoni oroot.

Buk ci ozoz zoz ci ngaa ci een Ruz 3:8

Ma̱i̱je̱ ba̱a̱li̱n kenga, itingawe gi̱i̱ imma Boaz kar zin ku̱ku̱le̱k je̱e̱n baling okko acin ngaa ci oong zoone ciginnek.

Buk ci ozoz zoz ci ngaa ci een Ruz 4:4

Ka̱du̱wa̱ki̱ zoz necu eci i̱nne̱t ci e̱e̱ni̱ ojon oroot tatuge necu kar gga̱m i̱nna̱ lo̱o̱c neci ngati acine lo̱ddi̱ki̱re̱ cik o̱rgu̱ ko̱ bu̱k. Ming u̱u̱li̱ i̱nna̱, lema i̱yo̱ko̱ niko. Ma̱i̱je̱ ming iróng i̱nna̱ u̱u̱li̱ du̱wa̱ka̱n, kar atin anna ka̱gga̱ gool imma. Eci i̱llo̱i̱ e̱e̱t imma ci wo̱ye̱ okko avada ce̱e̱z necu, i̱nne̱t do̱ niko, kar anna kunuwin.” Kar e̱e̱ti̱ neci kize ne “Kuuta atin anna.”

Buk ci ozoz zoz ci ngaa ci een Ruz 4:6

Abariz zin e̱e̱ti̱ ci okko atin avada ce̱e̱z ci gotononi ko̱ zoz ci Boazi, a̱nne̱k ne “Ming u̱tu̱gu̱ niko, iróng zin anna karumena ki ngaa ci boye ko̱, eci okko egerzan kaal cik atin ovvo olli ce̱e̱z cinanni aragizi. Urumte i̱nna̱ eliye cunne ki ngaa neci. Iróng anna ku̱u̱li̱.”