Buk ci ozoz zoz ci ngaa ci een Ruz 3:13 - Tennet

¹³ Ka̱ta̱gu̱z zin ngatu kaala looci, kokko atin ka̱jji̱nni̱ e̱e̱t ci obod ki ce̱e̱z cunno̱ng ko̱, ming elemi kar atin urumte bu̱k, abunna labak. Ma̱i̱je̱ ming utuburin, ki̱tto̱ni̱ zare cik Manyi wa aave udut, iróng anna kaburnin. I̱yo̱ko̱ koo ka̱ta̱gu̱z labak.”

Buk ci ozoz zoz ci ngaa ci een Ruz 3:13 Iomraidhean Croise

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

I̱bu̱ru̱ 6:16

Ming orong gon ol kar ku̱mu̱dda̱ zoz wa een de̱de̱ ngati adangone, anyik ol kalakaddit illa ki̱ye̱la̱i̱ zoz wa een de̱de̱.

Buk ci ozoz zoz ci ngaa ci een Ruz 2:20

Izek Naomi alawan ne, “Anyik Manyi ka̱ma̱yu̱k nonno. Ngen Ta̱mu̱ta̱dde̱n azunne ol cik aruge ki cik a̱da̱i̱to̱ bu̱k.” Kar bo̱do̱k enne kize ne, “Een e̱e̱ti̱ neci boorit cinna, nonno ele ci atin wo̱ye̱ kar kavada tatug necu.”

Buk ci ozoz zoz ci ngaa ci een Ruz 3:12

Een de̱de̱ ke̱e̱ni̱ anna boorit ci mac cunne, abarik anyak zin e̱e̱t imma ci avada wo̱ye̱ tatug cunno̱ng ojoni oroot.

Buk ci ozoz zoz ci ngaa ci een Ruz 4:5

Ize zin Boazi ne, “Abunna, i̱i̱te̱n ci okko i̱nna̱ a̱gga̱ma̱ lo̱o̱c ngati Naomi ki Ruz ngaa ci a̱kku̱ lo̱o̱ce̱ ci Moabi ko̱, arumenu zin atin ki ngaa ci boye Mahaloni ko̱ bu̱k kar zuute zar cik gotonnu bali a̱da̱k ke̱ ki lo̱o̱c cinne bu̱k.”

Buk ci ozoz zoz ci ngaa ci een Ruz 4:6

Abariz zin e̱e̱ti̱ ci okko atin avada ce̱e̱z ci gotononi ko̱ zoz ci Boazi, a̱nne̱k ne “Ming u̱tu̱gu̱ niko, iróng zin anna karumena ki ngaa ci boye ko̱, eci okko egerzan kaal cik atin ovvo olli ce̱e̱z cinanni aragizi. Urumte i̱nna̱ eliye cunne ki ngaa neci. Iróng anna ku̱u̱li̱.”