Buk ci ozoz zoz ci ngaa ci een Ruz 2:4 - Tennet

⁴ Imma do̱yo̱i̱t niko i̱ki̱ya̱ Boazi Betelema kar kiza ol cik etted labi ko̱ do̱o̱k, a̱nne̱k ne, “Anyik Manyi Ta̱mu̱ta̱dde̱n ka̱mu̱yu̱ng!” O̱bo̱dde̱k zin nege, “Anyik Manyi ka̱ma̱yu̱i̱ i̱nne̱t bu̱k!”

Buk ci ozoz zoz ci ngaa ci een Ruz 2:4 Iomraidhean Croise

Kananet 18:19

Eci katahala anna nonno, kar atin enne ki̱ye̱le̱k dooli ciginnek ki ol cik a̱li̱ngli̱ngi̱ ce̱e̱ze̱ cinne gool ci Manyi, ngati ogone nege kaal cik abunna, kar atin anna Manyi kanyahak Aburaham zoz bali ku̱du̱wa̱ anna ke̱.”

Kananet 28:3

Anyik Ta̱mu̱ta̱dde̱n wa anyak Komiz do̱o̱k ka̱mu̱yu̱ki̱n kar kaanyi ti̱ra̱ dooli cik meelek kizeto zu̱we̱n cik meelek.

Lu̱ka̱ 1:28

Uk anjilo ngatinne kar kizek nonno ne, “Kizzawo, i̱nne̱t ci ireze oroot! Aave Manyi ki i̱nne̱ta̱.”

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

1 Ti̱mo̱te̱yo̱ 6:2

Ma̱i̱je̱ du̱cca̱ha̱ cik a̱li̱ngli̱ng ki ol cik a̱tu̱ zoz ci Ta̱mu̱ta̱dde̱no̱, ma ibbezzu nogo, eci nege e̱e̱ggi̱n ol cik a̱tu̱ zoz ci Ta̱mu̱ta̱dde̱no̱ bu̱k. Abarik i̱ti̱ri̱zze̱t nogo ju̱rru̱m, eci ol wak atin amuda mediz li̱ngli̱ngo̱ne̱ cinne̱ng, ol wak a̱tu̱ zoz ci Ta̱mu̱ta̱dde̱n wa irez nege ko̱. Demez ol kar bo̱do̱k du̱wa̱k ku̱tu̱gu̱zzo̱ zoz necu,

2 Ti̱mo̱te̱yo̱ 4:22

Anyik Manyi ka̱vvu̱ baize icima vongize cunne, anyik Manyi kaanyi deten.

Buk ci ozoz zoz ci ngaa ci een Ruz 2:3

Uk zin enne ma̱ne̱ne̱ kar zin kuk kuwarana labi wak ungnek ol wak ettedde vu̱rru̱t. Imma bali vu̱rrta̱ umuda Ruzi ele cinne ming uwaran labi ma̱ne̱ ci Boazi boorit co Elimelek.

Buk ci ozoz zoz ci ngaa ci een Ruz 2:5

I̱jji̱n zin Boazi ddi̱ki̱ryo̱i̱t ci ol wak etted labi ko̱, “Ma ette buuwecci ci uwaran labi vu̱rrta̱ ke̱ ci ngene?”

Buk ci ozoz zoz ci ngaa ci een Ruz 4:11

Kar zin lo̱ddi̱ki̱re̱ ki ol ne̱k aavtte arana ke̱ do̱o̱k kizeto ne, “I̱i̱ny, ke̱e̱ggi̱nna̱ naga de̱de̱ bbacak. Anyik bai Manyi ka̱mu̱yu̱k ngaa ci a̱kku̱ ce̱e̱z cunne ko̱ ku̱tu̱gu̱ ki Racheli ki Le̱ya̱, nogo cik aanyik olli Israilo kotorte. Anyik Ta̱mu̱ta̱dde̱n kaanyi ize bo̱to̱ro̱c kar ol ki̱di̱ngdi̱nga̱nti̱ i̱nne̱t boore ci Ephrathah a̱bu̱le̱ zara Betelema do̱o̱k ko̱.