Ma̱te̱yo̱ 8:2 - Tennet

² Imma ngati dicilim niko, i̱ki̱ya̱k nonno e̱e̱ti̱ ci adak dhovo a̱ka̱tte̱k zin u̱zu̱ngtti̱ lo̱o̱c ngati Ye̱su̱, kar kize ne, “Manyi, ming orongi ngaruwan, angaruya wo̱ye̱ labak kubunna.”

Ma̱te̱yo̱ 8:2 Iomraidhean Croise

Ma̱te̱yo̱ 10:8

Angaruwet ol cik omori, uruguzet daizzok, angaruwet bo̱do̱k ol cik adak dhovo, aarta ol kuulo cik lo̱rye̱nta̱k bu̱k. Ma a̱gga̱ma̱nnu̱ ol o̱ro̱bi̱ya̱ ming a̱ti̱ri̱zu̱ nogo, eci bali Ta̱mu̱ta̱dde̱n ming eelanung ke̱ iróng adima o̱ro̱bi̱ya̱ u̱gge̱ ngatinno̱ng.

Ma̱te̱yo̱ 13:58

Iróng zin Ye̱su̱ ngen ogon kaal u̱gge̱ cik a̱vu̱la̱ eci ol ne̱ke̱ iróng elemi nonno.

Ma̱te̱yo̱ 14:33

Kar zin ol balik i̱bo̱wa̱ ki̱di̱ngdi̱nga̱ni̱t nonno, azi ne, “E̱e̱ni̱ i̱nna̱ de̱de̱ Ngerrti Ta̱mu̱ta̱dde̱no̱.”

Ma̱te̱yo̱ 15:25

I̱ki̱ya̱ zin ngaa neci akatek Ye̱su̱ u̱zu̱ngti̱nne̱, kar kize ne, “Manyi, eelawan.”

Ma̱te̱yo̱ 18:26

“U̱lu̱le̱ zin du̱ca̱i̱ti̱, akat u̱zu̱ngti̱nne̱ ngati alaano kar zin kilalek nonno, kize ne, ‘Alaan bai, anyik zinin cunne kalal. Ka̱ru̱i̱ atin ngabolet ne̱ko̱ do̱o̱k.’

Ma̱te̱yo̱ 2:11

I̱tto̱zzo̱ ce̱e̱z ci a̱rri̱ta̱ne̱ ol Ye̱su̱ ko̱, icinnet abarik do̱le̱c ki yaatinne Ma̱ri̱ya̱, a̱ka̱tte̱k nege u̱zu̱ngtti̱ lo̱o̱c kar ki̱di̱ngdi̱nga̱ni̱t nonno. Idimtta muci cigge̱k aanycik nonno. Adima nege dhahab ki maal ci ongooli laala ki lotagong kize muci ci anyike nege nonno.

Ma̱te̱yo̱ 20:20

I̱ki̱ya̱ zin ngaa ci Zebedee wa een e̱e̱ti̱ Je̱mi̱si̱ ki Jon, anyaha ki dooli waginnek een rama ko̱ bu̱k rok Ye̱su̱. Kar zin ngaa neci kakatek u̱zu̱ngti̱nne̱ ngati Ye̱su̱, orong abunna enne ming ogonik nonno gi̱i̱ ci orong enne.

Ma̱te̱yo̱ 26:6

Baling ngen Ye̱su̱ aave o̱rge̱ ci een Bethany ce̱e̱ze̱ ci e̱e̱t ci een zara Si̱mo̱ne̱ wa bali anyak dhovo ko̱,

Ma̱te̱yo̱ 28:17

Baling icinnet nege nonno, kar zin ki̱di̱ngdi̱nga̱ni̱t nonno, imma ol uggak ngatinne̱ng abile zi̱nze̱tti̱ je̱e̱na̱.

Ma̱te̱yo̱ 28:9

Baling ovvo nege a̱vi̱r, u̱ru̱mtto̱ zin ki Ye̱su̱ kar enne kizek nogo ne, “Izayo.” I̱vi̱tta̱k zin nege nonno ojonun, a̱ka̱tte̱k u̱zu̱ngti̱nne̱ zoone ciginnek kar ki̱di̱ngdi̱nga̱ni̱t nonno.

Ma̱te̱yo̱ 4:9

A̱nne̱k lo̱rye̱nti̱ Ye̱su̱ ne, “Ming akateya u̱zu̱ngtti̱ lo̱o̱c ngati a̱di̱ngdi̱nga̱na̱n, kaanyi kaal cik a̱zi̱ze̱ lo̱o̱ta̱ ko̱ do̱o̱k.”

Ma̱te̱yo̱ 8:1

Baling ulucai Ye̱su̱ zi̱i̱ra̱, unuwet zin koole ci a̱ppwe̱ nonno.

Ma̱te̱yo̱ 8:25

Oot zin nuyaha i̱ti̱ngka̱c nonno, a̱nne̱k ne, “Manyi, eelaweta adudutet atidic maama i̱yo̱ko̱ niko!”

Ma̱te̱yo̱ 9:18

Baling ngen Ye̱su̱ ozoz niko, i̱ki̱ya̱ zin ddi̱ki̱ryo̱i̱ti̱ ci Ce̱e̱z wa Lawinto, kar zin kakatek nonno u̱zu̱ngti̱nne̱, kar kize ne, “A̱da̱k buweenyanni i̱yo̱ko̱ niko. I̱jja̱ tadek nonno a̱zzi̱t kar atin enne kurug.”

Lu̱ka̱ 4:27

Anyak ba̱li̱ye̱ ol cik meelek Israila cik adak dhovo e̱rki̱te̱ bali ngen Elisha a̱ri̱to̱i̱ti̱ ci zoz ci Ta̱mu̱ta̱dde̱no̱ ko̱ aruge, ngen zin e̱e̱ti̱ imma co̱de̱ ngatinne̱ng kangaruwe, Naaman ci a̱kku̱ lo̱o̱ce̱ ci Syria ko̱ do̱ ci amuda ngaruwinet.”

Kaviyak wak Abunna Ta̱mu̱ta̱dde̱no̱ eher Joni 9:38

Izek zin e̱e̱ti̱ neci Ye̱su̱ ne, “Manyi, ka̱tu̱we̱ anna.” Akatek zin u̱zu̱ngtti̱ lo̱o̱c kar zin ki̱di̱ngdi̱nga̱n Ye̱su̱.

Buk wa To̱ni̱a̱u̱ 10:14

O̱bo̱de̱k Peturu nonno a̱nne̱k ne, “De̱de̱ Manyi, iróng een niko, ngen anna kadak gi̱i̱ ci ngoronyi iróng olli Ya̱u̱do̱ adai.”

Buk wa To̱ni̱a̱u̱ 10:25

Baling okko Peturu i̱i̱zo̱ ce̱e̱zto̱, u̱ru̱me̱k Korneliosi nonno gool kar zin kakatek u̱zu̱ngtti̱ lo̱o̱c kar ki̱di̱ngdi̱nga̱n nonno.

1 Ko̱ri̱nto̱ 14:25

I̱ye̱le̱k atin zo̱zzo̱wa̱ ne̱ko̱ kaal cik a̱lu̱gnye̱ zinine cinne ko̱ do̱o̱k, kar atin enne kakatek u̱zu̱ngtti̱ lo̱o̱c kar ki̱di̱ngdi̱nga̱n Ta̱mu̱ta̱dde̱n kize ne, “Aave Ta̱mu̱ta̱dde̱n de̱de̱ to orgene cunno̱ng!”

O̱no̱zzo̱k 19:10

Imma ngatu kakateya anna nonno u̱zu̱ngti̱nne̱ zoone ciginnek kar ki̱di̱ngdi̱nga̱n nonno. Ma̱i̱je̱ enne a̱nne̱ka̱ ne, “Ma ogoni niko! Ke̱e̱ni̱ anna du̱ca̱i̱t ki i̱nne̱t ki gonoggu wak a̱gga̱m zoz ci Ye̱su̱. Di̱ngdi̱nga̱n Ta̱mu̱ta̱dde̱n do̱ niko! Eci zoz ci obod ki Ye̱su̱ ko̱ ci ozoz a̱ri̱tto̱wa̱ ko̱.”