Ma̱te̱yo̱ 4:3 - Tennet

³ I̱ki̱ya̱k zin lo̱rye̱nti̱ nonno izek ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱, tuhu biyen ne̱ko̱ kizeto da̱i̱ne̱t.”

Ma̱te̱yo̱ 4:3 Iomraidhean Croise

Lu̱ge̱z 16:3

A̱nne̱k olli Israilo nogo ne, “Maya ming ka̱da̱kna̱ a̱tte̱ ci Manyi Masire! Kabak ba̱li̱ye̱ Masire labak, kanyak i̱jjo̱nyya̱ cik abbize i̱di̱, kadak da̱i̱ne̱t cik korongnya naga, abarik niga a̱lu̱ga̱ne̱tu̱ abunna kovvo kapirnanna balala ngatu, aditai atin zu̱we̱ cu do̱o̱k zo̱ze̱ ci magizo.”

Ma̱te̱yo̱ 14:33

Kar zin ol balik i̱bo̱wa̱ ki̱di̱ngdi̱nga̱ni̱t nonno, azi ne, “E̱e̱ni̱ i̱nna̱ de̱de̱ Ngerrti Ta̱mu̱ta̱dde̱no̱.”

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Marko 3:11

Ming acin ol wak anyak kuulo wak miningu ko̱ nonno, uduwet zin lo̱o̱c kar kegerenyit kizeto ne, “E̱e̱ni̱ i̱nna̱ Ngerrti Ta̱mu̱ta̱dde̱no̱.”

Marko 5:7

Egereny zin enne muluwe ci a̱ppwe̱, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa a̱ddi̱ki̱re̱? Du̱l da̱ keet zare cik Ta̱mu̱ta̱dde̱no̱ ize ne iróng atidic i̱nna̱ a̱gi̱dda̱n!”

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Lu̱ka̱ 22:70

I̱jji̱nto̱ zin nege do̱o̱k, “E̱e̱ni̱ zin i̱nna̱ Ngerrti Ta̱mu̱ta̱dde̱no̱?” O̱bo̱de̱k enne nogo, “Ilemnyyu niga ming a̱du̱wa̱nnu̱ ke̱e̱ni̱ anna ngene.”

Lu̱ka̱ 4:3

Izek zin lo̱rye̱nti̱ Ye̱su̱ ne, “Ming e̱e̱ni̱ i̱nna̱ de̱de̱ Ngerrti Ta̱mu̱ta̱dde̱no̱, du̱wa̱k da̱ biyen ne̱ko̱ kutuhuye kizeto da̱i̱ne̱t.”

Lu̱ka̱ 4:41

Iyokta zin kuulo cik lo̱rye̱nta̱k ngati ol cik meelek giir, kegerenyit, “E̱e̱ni̱ i̱nna̱ Ngerrti Ta̱mu̱ta̱dde̱no̱!” Ma̱i̱je̱ enne egerenyek nogo, iróng aanyik nogo kozozit, eci nege a̱gga̱ ming een enne Ki̱ri̱sto̱.

Lu̱ka̱ 4:9

Uwe zin bo̱do̱k lo̱rye̱nti̱ nonno Jerusalema kar kaanyik nonno kibil Ce̱e̱ze̱ wa Ta̱mu̱ta̱dde̱no̱ ta̱dde̱na̱. Kar kizek nonno ne, “Ming e̱e̱ni̱ i̱nna̱ Ngerrti Ta̱mu̱ta̱dde̱no̱ ko̱, ju̱ka̱ ele cunne ngatu.

Kaviyak wak Abunna Ta̱mu̱ta̱dde̱no̱ eher Joni 1:34

Kicina nonno, ka̱nne̱kku̱ng ne een enne Ngerrti Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 20:31

Ma̱i̱je̱ zin kaala ne̱ko̱ e̱he̱rye̱ kar niga anyait tu̱we̱ne̱t ngati Ye̱su̱ wa een Ki̱ri̱sto̱ nenen bali atahalai, Ngerrti Ta̱mu̱ta̱dde̱no̱, kar ming a̱tu̱yyu̱ niga nonno, arubannu ruget.

Kaviyak wak Abunna Ta̱mu̱ta̱dde̱no̱ eher Joni 9:35

Baling izik Ye̱su̱ zoz ci otowe nege nonno re̱e̱nu̱n, uk uruba e̱e̱t neci, izek zin ne, “A̱tu̱ i̱nna̱ Ngerrti E̱e̱to̱?”

Buk wa To̱ni̱a̱u̱ 9:20

Uwak gon bo̱do̱k enne Ce̱e̱zi̱nne̱ wak Lawinto azi ne, een Ye̱su̱ Ngerrti Ta̱mu̱ta̱dde̱no̱.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

I̱bu̱ru̱ 12:16

Gerza ming aave e̱e̱ti̱ ci maci icima ngaa ci orooto ki ol orgene cunno̱ng, icima ogon ki bali I̱sa̱u̱ ming utene a̱bu̱ze̱t da̱i̱nte̱, iróng enne elemi zoz ci Ta̱mu̱ta̱dde̱no̱. Utuwoi enne a̱bu̱ze̱t utubur kaal cik atin aragiz ko̱.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 7:3

Iróng e̱e̱ti̱ imma a̱gga̱ ming anyak enne yaatinne icima baatinne, i̱llo̱i̱ rok ji̱ji̱ti̱gi̱nne̱k, iróng ol a̱gga̱ i̱i̱te̱n ci a̱rri̱ta̱ne̱ enne, icima ci okko enne a̱da̱kne̱. Ogon enne ki Ngerrti Ta̱mu̱ta̱dde̱no̱, eci erahek atin enne een e̱e̱t ci wawaco ci aave udut.

1 Jon 3:8

Imma e̱e̱ti̱ ci ogon mu̱nye̱n ko̱, een enne e̱e̱t ci lo̱rye̱nto̱, eci lo̱rye̱nti̱ u̱tu̱gu̱ mu̱nye̱n arrak oowa kanante ci lo̱o̱tu̱. A̱kku̱ zin Ngerrti Ta̱mu̱ta̱dde̱no̱ kar ki̱ki̱ya̱ kidita li̱ngli̱ngo̱n ci lo̱rye̱nto̱.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.