Ma̱te̱yo̱ 4:10 - Tennet

¹⁰ Obodike Ye̱su̱ nonno, “Nyehe ngatinanni, Sitan, e̱he̱rye̱ buwe ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Ma̱te̱yo̱ 4:10 Iomraidhean Croise

Ma̱te̱yo̱ 16:23

Egelem Ye̱su̱, Peturu kar kize ne, “A̱vvu̱ reena ngatinanni, Sitan! E̱e̱ni̱ i̱nna̱ e̱e̱t ci acazan zoza; iróng i̱nna̱ anyai zoz ci Ta̱mu̱ta̱dde̱no̱ zinina, abarik anyai i̱nna̱ zoz ci e̱e̱t ci diiri.”

Marko 1:13

A̱vvu̱ zin enne balala i̱i̱nya̱ moten we̱c, atiman nonno Sitani. Aave enne ki elegje, kar anjilonya cik Ta̱mu̱ta̱dde̱no̱ ki̱ti̱ri̱ze̱t nonno.

Lu̱ka̱ 10:18

O̱bo̱de̱k zin Ye̱su̱ nogo, “Kicina anna Sitan ming a̱yu̱we̱ ta̱mu̱-kenga kar zin kabad kiwagon borowoci!

Lu̱ka̱ 11:18

Ming enger Sitani ele cinne, abile wo̱ye̱ ba̱a̱li̱ne̱t cinne ko̱? Ka̱du̱wa̱ anna zoz eci niga annu ne kottoi anna kuulo katkatone ci Beelzebubi.

Lu̱ka̱ 13:16

Iróng zin ngaa icu een buweenyi Aburahami, wa aminye Sitani e̱rki̱nya̱ omoto ki tu̱rge̱ ko̱, aburnnu, ming eelai enne I̱i̱te̱ne̱ wa Yu̱bze̱nto̱ gi̱i̱ye̱ ci aminye nonno ko̱?”

Lu̱ka̱ 22:3

I̱tto̱ zin Sitani zinin ci Judasi wa a̱nne̱k ol ne Iskariyot, een enne nuyait co̱de̱ nuyahe cik Ye̱su̱ wak e̱e̱ggi̱n omoto ki rama ko̱.

Lu̱ka̱ 22:31

“Si̱mo̱ne̱, Si̱mo̱ne̱, a̱jji̱nne̱ Sitani kar ketegelung i̱ge̱t kiwagon labina.

Lu̱ka̱ 4:8

O̱bo̱de̱k zin Ye̱su̱ lo̱rye̱ni̱t, “Eci e̱he̱rye̱ Warage ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Kaviyak wak Abunna Ta̱mu̱ta̱dde̱no̱ eher Joni 13:27

Baling a̱gga̱ma̱ Judasi á̱há̱t ngati Ye̱su̱, i̱tto̱ zin Sitani nonno. Izek zin Ye̱su̱ nonno ne, “Tu̱gu̱ zoz ci okko i̱nna̱ ogoni ko̱ ataman.”

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Buk wa To̱ni̱a̱u̱ 5:3

Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?

1 Ko̱ri̱nto̱ 5:5

Aanycik zin e̱e̱t neci a̱zzi̱t ci Sitano kar enne kuk kulal nonno oo do̱. Ma̱i̱je̱ atin vongizi cinne a̱ti̱ri̱z nonno ming i̱ki̱ya̱ i̱i̱te̱ni̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 7:5

Ma aburnnu e̱le̱tti̱ ngati ooginu nga̱to̱de̱, abunna ming a̱ju̱ra̱nu̱ e̱le̱tti̱ ming ngen alayu Ta̱mu̱ta̱dde̱n arrak do̱yo̱i̱t. Kar zin vu̱rrta̱, urumte ki ngaa cunne, gerza ming okko sitani atimanin, eci iróng e̱e̱ti̱ ci diiri anyak komiz ci azunne ele cinne.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

2 Ko̱ri̱nto̱ 2:11

Kar zin Sitani iróng amuda gool ci a̱lu̱te̱tta̱, eci ka̱gga̱ ju̱rru̱m go̱o̱llo̱k cik orong lo̱rye̱nti̱ kar kegerzan ol.

Je̱mi̱s 4:7

Aanycik zin e̱le̱tti̱ ciggo̱k Ta̱mu̱ta̱dde̱n. Utuburet lo̱rye̱ni̱t, kar atin enne ki̱vi̱ru̱ng.

1 Peturu 5:9

Abunna zin niga do̱o̱k ming aburnnu kaal cik lo̱rye̱nta̱k. Okkomit tu̱we̱nta̱ kak. A̱gga̱yyu̱ ri̱t niga ol wak a̱tu̱we̱ lo̱o̱co̱we̱ do̱o̱k apirna ki i̱yo̱ko̱ niga ming apirnannu bu̱k ko̱.