Ma̱te̱yo̱ 3:2 - Tennet

² a̱nne̱k ol ne, “Uturtta mu̱nye̱n ciggo̱k eci ba̱a̱li̱ne̱t ci ta̱mu̱-kengo ize ojon.”

Ma̱te̱yo̱ 3:2 Iomraidhean Croise

Ma̱te̱yo̱ 10:7

Ma ngati ovvoyyu, uwaktek ol zoz ci Ta̱mu̱ta̱dde̱no̱, izektek ne, ‘Ize ojon ba̱a̱li̱ne̱t ci ta̱mu̱-kengo.’

Ma̱te̱yo̱ 11:20

Imma o̱ro̱gjo̱we̱ balik owoye Ye̱su̱ ogone kaal cik a̱vu̱la̱ ke̱, abure ol cik o̱ro̱gjo̱k ne̱ke̱ iróng ungnek ba̱ci̱nno̱k cigge̱k lo̱o̱c. Omoze zin Ye̱su̱ ngatinne̱ng kar kize ne:

Ma̱te̱yo̱ 12:41

Ma zin atin i̱i̱te̱ne̱ ci okko Ta̱mu̱ta̱dde̱n ettedik ol lo̱ki̱ko̱ ke̱, ovvo zin atin ol cik een Nineveh abile lo̱ki̱ka̱ ki bu̱u̱l necu, eci ol wak Nineveh utungtek ba̱ci̱nno̱k lo̱o̱c zo̱ze̱ bali uwahek Jonah nogo ke̱. Een zin bali Jonah e̱e̱t ci riili, aave zin e̱e̱ti̱ ci riili oroot kommog Jonah ngatu.

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 13:24

Oob bo̱do̱k Ye̱su̱ yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci azacek i̱nyo̱mo̱ ma̱na̱.

Ma̱te̱yo̱ 13:31

Oobek zin bo̱do̱k Ye̱su̱ nogo yabzinet imma, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci azacek inyemenit cidici oroot ma̱na̱ cinne.

Ma̱te̱yo̱ 13:33

Oobek zin bo̱do̱k Ye̱su̱ nogo yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki ngaa ci adima lata orocanek ki nyigit cik meertak. Ma̱i̱je̱ vu̱rrta̱ aabub kize a̱ppwa̱, kumukcar do̱o̱k, kibbit kuk tuwa.”

Ma̱te̱yo̱ 13:47

“Ogon ba̱a̱li̱ne̱t ci ta̱mu̱-kengo ki e̱e̱ti̱ ci avicek imutuk liil kar ka̱gga̱m u̱lu̱g cik meelek.

Ma̱te̱yo̱ 13:52

Kar zin kizek nogo ne, “Imma zin de̱me̱zo̱i̱ti̱ wa lo̱ti̱nno̱u̱ wa edemeze zo̱ze̱ ci ba̱a̱li̱ne̱t ci ta̱mu̱-kengo ko̱, ogon ki e̱e̱ti̱ ci een manyi ce̱e̱z. Anyaha kaal cik een jor ki wak unuweto de̱he̱ra̱ re̱e̱nu̱n.”

Ma̱te̱yo̱ 18:23

“Eci zoz neci u̱tu̱gu̱ niko, katubek ba̱a̱li̱ne̱t ci ta̱mu̱-kengo ki alaan ci orong kikeb kaal balik ovvoye du̱cca̱ha̱ ciginnek ngatinne ke̱.

Ma̱te̱yo̱ 20:1

A̱du̱wa̱k Ye̱su̱ nuyak ciginnek a̱nne̱k ne, “Ogon ba̱a̱li̱ne̱t ci ta̱mu̱-kengo ki e̱e̱ti̱ ci een manyi ma̱na̱, okko orong ol cik a̱li̱ngli̱ng ma̱ne̱ cinne.

Ma̱te̱yo̱ 22:2

“Ogon ba̱a̱li̱ne̱t ci ta̱mu̱-kengo ki alaani ci adiman da̱i̱ne̱t ci adak ol eezene ci ngerinne.

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Ma̱te̱yo̱ 25:1

Ize zin bo̱do̱k Ye̱su̱ ne, “Katubzeke wo̱ye̱ ba̱a̱li̱ne̱t ci ta̱mu̱-kengo ki dooli cik nga̱a̱ye̱k een omoto ngen ka̱ta̱gu̱zzo̱ ki e̱e̱t imma ko̱, balik adima lombonya kar koot ku̱ru̱mtte̱k rucait gool.

Ma̱te̱yo̱ 25:14

Azi bo̱do̱k Ye̱su̱ ne, “Katubek ba̱a̱li̱ne̱t ci ta̱mu̱-kengo ki e̱e̱t ci eroni. Utu zin enne du̱cca̱k ciginnek do̱o̱k, kar kaanyik nogo o̱ro̱bi̱ya̱ abunna ming utene nege kaal cik ataline ming ngen enne eroni.

Ma̱te̱yo̱ 4:17

Imma i̱nya̱we̱ ne̱ke̱ akate Ye̱su̱ de̱mzi̱ne̱t azi ne, “Uturtta mu̱nye̱n, eci ize ojon ba̱a̱li̱ne̱t ci ta̱mu̱-kengo.”

Ma̱te̱yo̱ 4:23

A̱lu̱c Ye̱su̱ lo̱o̱c ci Ga̱li̱li̱ do̱o̱k, edemez ol Ce̱e̱ze̱ wa Lawinto, uwahek ol kaviyak cik abunna ba̱a̱li̱nte̱ ci Ta̱mu̱ta̱dde̱no̱, kar bo̱do̱k kangaru ol wak omori.

Ma̱te̱yo̱ 5:10

U̱mu̱yu̱k Ta̱mu̱ta̱dde̱n ol wak a̱gi̱d ol zo̱ze̱ ci bunnat cinne, een ba̱a̱li̱ne̱t ci ta̱mu̱-kengo ko̱ cinne̱ng.

Ma̱te̱yo̱ 5:3

“U̱mu̱yu̱k Ta̱mu̱ta̱dde̱n ol wak amati vongiza, eci ba̱a̱li̱ne̱t ci ta̱mu̱-kengo okko een cinne̱ng.

Ma̱te̱yo̱ 6:10

Anyik alaanzet cunne ki̱ki̱ya̱k lo̱o̱c, kar ol ki̱li̱ngli̱ngte̱ zoz cunne lo̱o̱co̱we̱ do̱o̱k ki i̱yo̱ko̱ ta̱mu̱-kenga ko̱.

Ma̱te̱yo̱ 6:33

Abarik zin orongtta arrak oowa ba̱a̱li̱ne̱t ci Ta̱mu̱ta̱dde̱no̱ ki bunnat cinne, kar bo̱do̱k atin Ta̱mu̱ta̱dde̱n ka̱a̱nyu̱ng kaal ne̱k orongnyu niga ke̱ do̱o̱k.

Marko 1:15

Ize enne ne, “Ize ojon ba̱a̱li̱ne̱t ci Ta̱mu̱ta̱dde̱no̱ abale ol. Utungtek mu̱nye̱n lo̱o̱c kar elemtta kaviyak cik abunna.”

Marko 1:4

I̱ki̱ya̱ zin Joni, a̱gga̱me̱k ol ba̱ti̱ti̱mo̱ balala, uwahek ol zoz ci ba̱ti̱ti̱mo̱ kar nege kutungttek ba̱ci̱nno̱k cigge̱k lo̱o̱c, kar Ta̱mu̱ta̱dde̱n kalalek nogo ba̱ci̱nno̱k wagge̱k.

Marko 6:12

Oot nege kar kuwaktek ol zoz ci ungneke nege mu̱nye̱n lo̱o̱c.

Lu̱ka̱ 1:16

Obodane atin enne ol cik Israilo meelek giir ki̱vi̱ta̱k Manyi Ta̱mu̱ta̱dde̱n cinne̱ng.

Lu̱ka̱ 11:20

Imma ming kottoi anna kuulo cik lo̱rye̱nta̱k komize ci Ta̱mu̱ta̱dde̱no̱, i̱yo̱ko̱ zin, i̱ki̱ya̱u̱ng zin ba̱a̱li̱ne̱t ci Ta̱mu̱ta̱dde̱no̱ i̱ge̱ta̱.

Lu̱ka̱ 13:3

Ka̱du̱wa̱kku̱ng anna i̱ge̱ta̱, i̱llo̱i̱! Ma̱i̱je̱ ming ngen niga uturtta mu̱nye̱n ciggo̱k, aditannung mu̱nye̱na̱ ne̱ke̱ i̱ge̱t do̱o̱k.

Lu̱ka̱ 13:5

Ka̱du̱wa̱kku̱ng anna i̱ge̱ta̱, i̱llo̱i̱! Abarik ming iróng niga urtannu mu̱nye̱n ciggo̱k, aditannung atin mu̱nye̱na̱ ne̱ke̱ i̱ge̱t bu̱k veelek.”

Lu̱ka̱ 15:10

Imma go̱o̱le̱ necu dee, ka̱du̱wa̱kku̱ng anna i̱ge̱ta̱, anyak talninet ngati aavtte anjilonya cik Ta̱mu̱ta̱dde̱no̱ ming utura e̱e̱ti̱ co̱de̱ mu̱nye̱n ciginnek.”

Lu̱ka̱ 15:7

Ka̱du̱wa̱kku̱ng zin ogon atin talninet niko ta̱mu̱-kenga ngati e̱e̱t co̱de̱ mu̱nye̱nu̱ ming utura mu̱nye̱n ciginnek, ommog ol cik e̱e̱ggi̱n moten torkoc ki torkoc cik abunna iróng anyak mu̱nye̱n.

Lu̱ka̱ 16:30

“Azi enne ne, ‘Iróng een niko, baba Aburaham! Abarik ming okko e̱e̱ti̱ imma ngati daizo ngatu rok nogo, ovvo atin nege urta ba̱ci̱nno̱k cigge̱k.’

Lu̱ka̱ 21:31

Ogon zin niko, ming icinntu niga kaal ne̱ko̱ ming ogone, a̱gga̱c ize ojon ba̱a̱li̱ne̱t ci Ta̱mu̱ta̱dde̱no̱.

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Lu̱ka̱ 6:20

Egelem zin Ye̱su̱ nuyak ciginnek, ize ne: “U̱mu̱yu̱kte̱u̱ niga wak amanu, eci ba̱a̱li̱ne̱t ci Ta̱mu̱ta̱dde̱no̱ een cunno̱ng.

Lu̱ka̱ 9:2

kar enne ki̱tto̱n nogo koot kuwaktek ol ba̱a̱li̱ne̱t ci Ta̱mu̱ta̱dde̱no̱ kar kangaruwet ol cik omori.

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 17:30

Eci ba̱li̱ye̱ Ta̱mu̱ta̱dde̱n ibbez ol kaale cik iróng nege a̱gga̱, abarik zin i̱yo̱ko̱ enne orongnyet agit lo̱o̱co̱we̱ do̱o̱k kuturta mu̱nye̱n cigga̱c do̱o̱k.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 20:21

Ku̱du̱wa̱ha̱ olli Ya̱u̱do̱ ki Gi̱ri̱k kar kuturtak mu̱nye̱n cigge̱k Ta̱mu̱ta̱dde̱n kar bo̱do̱k ku̱tu̱we̱t Manyitinna Ye̱su̱.

Buk wa To̱ni̱a̱u̱ 26:20

Arrak oowa kuwaheya olli Damascusi kar bo̱do̱k olli Jerusalemo, ki olli Ju̱de̱ya̱ do̱o̱k ki i̱do̱ngi̱ne̱ bu̱k. Kuwahek anna nogo kar kutungttek ba̱ci̱nno̱k lo̱o̱c kar kunuwet Ta̱mu̱ta̱dde̱n ku̱tu̱gu̱zzo̱ kaal wak i̱ye̱la̱ utungtek nege mu̱nye̱n lo̱o̱c.

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

2 Ko̱ri̱nto̱ 7:10

A̱a̱nyu̱ng matizi ci Ta̱mu̱ta̱dde̱no̱ o̱bo̱dda̱i̱ zi̱nze̱tti̱ cuggo̱k gi̱i̱ye̱ ci gerze u̱tu̱gu̱zzu̱ niga, kar utungtek ba̱ci̱nno̱k ne̱ke̱ lo̱o̱c, a̱ti̱ri̱zu̱ng zin atin Ta̱mu̱ta̱dde̱n de̱de̱, iróng zin atin ngen ettedekkung zoz ci gerze bali u̱tu̱gu̱zzo̱ niga ke̱, ma̱i̱je̱ matizi ci lo̱o̱tu̱ anyaha daiz.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

I̱bu̱ru̱ 6:1

Abunna zin naga kovvo ki ta̱dde̱n tu̱we̱nte̱ cinna, iróng bo̱do̱k kedemez de̱mzi̱ne̱t bali o̱o̱wu̱ Ki̱ri̱sto̱ ke̱. E̱e̱ggi̱n ne̱ko̱ de̱mzi̱ne̱t cik Ye̱su̱ balik o̱o̱tti̱nu̱ ke̱: Abunna ming kungnek mu̱nye̱n lo̱o̱c cik anyaha daiz ko̱, kar ku̱tu̱we̱t Ta̱mu̱ta̱dde̱n,

2 Peturu 3:9

Iróng Manyi ogon zoz ci u̱du̱wa̱ enne idic, ki i̱yo̱ko̱ ming i̱no̱n ol uggak ko̱. Alalizan enne zinin cinne ngatinno̱ng, iróng orong e̱e̱t imma ngatinno̱ng ka̱da̱k, abarik orong ol do̱o̱k kuturta mu̱nye̱n cigge̱k.

O̱no̱zzo̱k 2:21

Kanyiya anna i̱i̱te̱n ci kar kutura ba̱ci̱nno̱k ciginnek a̱li̱ya̱kze̱ti̱nu̱ ko̱, abarik enne iróng elemi.

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.