Ma̱te̱yo̱ 3:1 - Tennet

¹ Ma bali i̱nya̱we̱ ne̱ke̱, uwahek Joni Ba̱ti̱ti̱mo̱ ol zoz ci Ta̱mu̱ta̱dde̱no̱ balale ci gi̱da̱ngi̱, Ju̱de̱ya̱kte̱ ke̱,

Ma̱te̱yo̱ 3:1 Iomraidhean Croise

Ma̱te̱yo̱ 11:11

Ka̱du̱wa̱kku̱ng zoz ci een de̱de̱, okko olle ne̱k balik a̱rri̱ta̱ ngaai ko̱ veelek, i̱llo̱i̱ e̱e̱t ci ommog Jon wa a̱gga̱me̱k ol ba̱ti̱ti̱mo̱; abarik e̱e̱ti̱ ci een vu̱rru̱t ba̱a̱li̱nte̱ ci ta̱mu̱-kengo i̱ki̱ya̱ ommog nonno.

Ma̱te̱yo̱ 11:7

Baling ovvo nuyaha cik Joni a̱mi̱re̱, akate zin Ye̱su̱ ozozek koole zoz ci obod ki Jon, Azi ne: “Ovvoyyu da̱ niga balala ovvo acinnu nya? Ovvo da̱ niga acinnu e̱e̱t ci amuje kiwagon yaya ci omone ngooti?

Ma̱te̱yo̱ 16:14

O̱bo̱dde̱k zin nege nonno, a̱nne̱k ne, “Azi uggak ne, e̱e̱ni̱ i̱nna̱ Jon Ba̱ti̱ti̱mo̱, ovvo uggak azi ne e̱e̱ni̱ i̱nna̱ E̱li̱ja̱; kar uggak kizeto ne e̱e̱ni̱ i̱nna̱ Jeremiah icima a̱ri̱to̱i̱t imma wa bali reeni ke̱.”

Ma̱te̱yo̱ 21:32

Eci Joni a̱kku̱na̱kku̱ng i̱ge̱t abunna i̱ye̱le̱kku̱ng gool ci abunna, iróng zin niga elemnyyu zoz cinne, ma̱i̱je̱ ol wak a̱gga̱ma̱ ol mucuru ki a̱li̱ya̱k, a̱tu̱ nege zoz cinne. Imma baling icinntu niga nu̱nu̱n ol ne̱ke̱ ming elemtta zoz ci Joni, iróng niga ungneku mu̱nye̱n lo̱o̱c kar u̱tu̱we̱t zoz cinne.”

Ma̱te̱yo̱ 3:8

U̱tu̱gu̱z kaal cik abunna kar ol ka̱gga̱yyu̱ng elemttau niga Ta̱mu̱ta̱dde̱n de̱de̱ zi̱nze̱tti̱nne̱ ciggo̱k.

Marko 1:15

Ize enne ne, “Ize ojon ba̱a̱li̱ne̱t ci Ta̱mu̱ta̱dde̱no̱ abale ol. Utungtek mu̱nye̱n lo̱o̱c kar elemtta kaviyak cik abunna.”

Marko 1:2

E̱he̱rye̱ buwe ci a̱ri̱to̱i̱t ci een zara Isaya, azi Ta̱mu̱ta̱dde̱n ne, “Ki̱tto̱nni̱ atin anna to̱na̱i̱t cinanni ki̱ki̱ya̱ o̱o̱we̱ cunne, nonno ci okko atin adiman gool o̱o̱we̱ cunne.”

Lu̱ka̱ 1:76

Kar i̱nna̱ ngeranni, awuyi atin ol ize a̱ri̱to̱i̱t ci Manyi wa Ommog Veelek; eci okko atin i̱nna̱ oowe ci Manyi kar dimanek nonno gool,

Lu̱ka̱ 7:24

Baling i̱mi̱rrte̱ nuyaha balik i̱tto̱na̱ Joni ke̱, akate zin Ye̱su̱ ozozek koole zoz ci Joni: “Ovvoyyu da̱ niga balala ovvo acinnu nya? Ovvo da̱ niga acinnu yaya ci omone ngooti?

Buk wa To̱ni̱a̱u̱ 1:22

Akane ngati Jon ba̱ti̱ti̱mo̱ rok i̱i̱ bali odongine Ye̱su̱ okko ta̱dde̱na̱ ngati een agit ke̱. Een atin e̱e̱ti̱ co̱de̱ ki agit bbacait ci i̱i̱te̱n bali ingane Ye̱su̱ daiza ke̱.”