Ma̱te̱yo̱ 24:3 - Tennet

³ Imma bali vu̱rrta̱, a̱vvu̱ Ye̱su̱ lo̱o̱ta̱ Biye ci I̱ngi̱ro̱u̱. I̱vi̱tta̱k zin nuyaha ciginnek nonno do̱ kar ki̱jji̱nne̱t, a̱nne̱k ne, “Akane atin zoz ci ozozi i̱nna̱ ko̱ atinga? Ming okko i̱nna̱ obodak lo̱o̱c, nya ci a̱kku̱ oowa kar ki̱ye̱la̱ ṯurnenet ci lo̱o̱tu̱?”

Ma̱te̱yo̱ 24:3 Iomraidhean Croise

Ma̱te̱yo̱ 13:36

Utungek zin Ye̱su̱ koole lo̱o̱c kar kuk ca̱a̱to̱. I̱vi̱tta̱k zin nuyaha ciginnek nonno kar kizeto ne, “Du̱wa̱kke̱t da̱ ungec ci yabzinet ci zoz ci obod ki lobali cik alina manatoto ko̱.”

Ma̱te̱yo̱ 13:49

Ogon zin atin zoz necu niko, ming uṯurei looci. A̱vvu̱ atin anjilonya cik Ta̱mu̱ta̱dde̱no̱ kar ki̱vi̱ta̱ katahalit ol cik gerzek olle cik abunna.

Ma̱te̱yo̱ 15:12

I̱vi̱tta̱k zin nuyaha Ye̱su̱ kar ki̱jji̱nto̱, “A̱gga̱ ming odomu i̱nna̱ olli Varacisi zo̱ze̱ ci u̱du̱wa̱ i̱nna̱ ko̱?”

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 17:19

I̱vi̱tta̱k zin nuyaha Ye̱su̱ lo̱mu̱k kar ki̱jji̱nto̱, “Nya ming iróng naga kottoka kuuloc ko̱?”

Ma̱te̱yo̱ 21:1

Baling ovvo ciko Ye̱su̱ ki nuyak waginnek ojongoz Jerusalem, i̱vi̱tta̱k zin orog ci een zara Bethphage, Biye ci I̱ngi̱ro̱u̱, i̱tto̱n zin Ye̱su̱ nuyak rama koot oowa.

Ma̱te̱yo̱ 24:27

Eci ming okko borowoci alanyit ta̱mu̱-kenga do̱o̱k, a̱kku̱nna̱k zin atin Ngerrti E̱e̱to̱ lo̱o̱c bu̱k niko ki lanyci ci borowoco.

Ma̱te̱yo̱ 24:30

“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Ma̱te̱yo̱ 24:37

Ming okko Ngerrti E̱e̱to̱ obodak lo̱o̱c, ogon atin ki i̱i̱te̱ni̱ bali a̱ti̱ye̱ tawani ol e̱rki̱te̱ bali ngen a̱ri̱to̱i̱ti̱ ci zoz ci Ta̱mu̱ta̱dde̱no̱ een zara Nowa ke̱ aruge.

Ma̱te̱yo̱ 24:39

Iróng ol ba̱li̱ye̱ a̱gga̱ gi̱i̱ ci atin a̱kku̱, bak a̱kku̱ tawani ki̱ki̱ya̱ ki̱ti̱k nogo do̱o̱k. Ogon atin zin bo̱do̱k niko ming okko Ngerrti E̱e̱to̱ a̱kku̱nna̱k lo̱o̱c.

Ma̱te̱yo̱ 24:43

A̱gga̱c zoz cu ju̱rru̱m: ming a̱gga̱ manyi ce̱e̱z i̱i̱ ci a̱kku̱nne̱ ogoryaiti, e̱re̱ye̱ wo̱ye̱ enne ju̱rru̱m abunna ogoryaiti iróng a̱du̱l ce̱e̱z cinne.

Ma̱te̱yo̱ 28:20

Edemezit nogo abunna ming o̱ngo̱o̱le̱ kaal cik ka̱du̱wa̱kku̱ng anna i̱ge̱t ko̱ do̱o̱k. Kaave atin ngati een i̱ge̱t odohize, rok nginti aṯurneke looci.”

Lu̱ka̱ 21:7

I̱jji̱nne̱t nuyaha Ye̱su̱ izektek ne, “De̱me̱zo̱i̱t, akane atin kaala ne̱ko̱ atinga? Nya ci i̱ye̱la̱ ize ojontte kaala ne̱ko̱ kar ku̱tu̱gu̱zze̱?”

Buk wa To̱ni̱a̱u̱ 1:7

Iizek zin enne nogo ne, “Iróng een zoz cunno̱ng kar a̱gga̱c i̱i̱nya̱ icima i̱i̱te̱n ci arike Baba komize cinne.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.