Ma̱te̱yo̱ 18:3 - Tennet

³ Kar kize ne, “Ka̱du̱wa̱kku̱ng zoz ci een de̱de̱, abunna ming ungneku mu̱nye̱n cuggo̱k lo̱o̱c, kar u̱tu̱gu̱z ki i̱yo̱ko̱ dooli cikidik ko̱, iróng atin i̱zzo̱yu̱ ba̱a̱li̱ne̱t ci ta̱mu̱-kengo.

Ma̱te̱yo̱ 18:3 Iomraidhean Croise

Ma̱te̱yo̱ 13:15

Eci a̱da̱i̱to̱ zi̱nze̱tti̱ cigge̱k; iróng iina cigge̱k ngen azikne, kar zin kunyuget ebere cigge̱k. Ming acine nege eberene cigge̱k, azikne iine cigge̱k, kar ki̱vi̱ta̱ annita, kangaru wo̱ye̱ anna nogo.’

Ma̱te̱yo̱ 18:2

Utu zin Ye̱su̱ do̱le̱c cidici kar zin kaanyik kibil orgene cinne̱ng.

Ma̱te̱yo̱ 18:4

Ming iróng e̱e̱ti̱ odong ele ki i̱yo̱ko̱ do̱le̱c icu ko̱, nonno ci ommog ol do̱o̱k ba̱a̱li̱nte̱ ci ta̱mu̱-kengo.

Ma̱te̱yo̱ 19:14

Ize zin Ye̱su̱ ne, “Aanycik dooli ne̱ko̱ ki̱vi̱ta̱n. Ma alamnyu nogo! Eci ba̱a̱li̱ne̱t ci ta̱mu̱-kengo een cinne̱ng.”

Ma̱te̱yo̱ 19:23

Kar zin Ye̱su̱ kizek nuyak ciginnek ne, “Ka̱du̱wa̱kku̱ng zin zoz ci een de̱de̱, okkomi kak ngati e̱e̱t ci een bo̱to̱ro̱c ngati i̱zo̱we̱ ba̱a̱li̱ne̱t ci ta̱mu̱-kengo.

Ma̱te̱yo̱ 5:18

Ka̱du̱wa̱kku̱ng zoz wa een de̱de̱ okko atin ta̱mu̱-kengi ki lo̱o̱c a̱zze̱. Ku̱du̱wa̱ anna iróng atin gi̱i̱ imma a̱zze̱ lo̱ti̱nno̱we̱ ne̱ko̱. Abarik akati atin lo̱ti̱nno̱wa̱ wak e̱he̱rye̱ Buwe ci Ta̱mu̱ta̱dde̱no̱ ko̱ mo̱o̱le̱t.

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Ma̱te̱yo̱ 6:16

“Ming i̱ya̱yi̱nnu̱ niga, ma ogonnu ki ol wak a̱ru̱k talaben eci i̱ye̱li̱ne̱ nege ngu̱mti̱ cigge̱k ming i̱ya̱ye̱. Ka̱du̱wa̱kku̱ng zoz wa een de̱de̱, u̱mu̱dda̱ nege kaal cik orong nege lo̱o̱ta̱ ngatu do̱o̱k, iróng een ta̱mu̱-kenga.

Ma̱te̱yo̱ 6:2

“Ming amuci i̱nna̱ e̱e̱t ci amati, ma ogonnu ki ol wak een nyamuttok ogon kiwagon ol wak a̱ru̱k talaben Ce̱e̱zi̱nne̱ wak Lawinto ko̱, ki bo̱do̱k go̱o̱lo̱we̱ abunna o̱ngo̱o̱le̱ ol nogo. Ka̱du̱wa̱kku̱ng zoz ci een de̱de̱, amuda atin nege rezinet ci ollu, iróng atin nege ngen amuda muci ci Ta̱mu̱ta̱dde̱no̱.

Ma̱te̱yo̱ 6:5

“Ming alayu niga Ta̱mu̱ta̱dde̱n, ma ogonnu kiwagon ol wak a̱ru̱k talaben, eci nege atali lawinet ci alawe Ta̱mu̱ta̱dde̱n ngati abilne Ce̱e̱zi̱nne̱ wak Lawinto kar bo̱do̱k go̱o̱lo̱we̱, kar ol kicinnet nogo. Ka̱du̱wa̱kku̱ng zoz wa een de̱de̱, irez wo̱ye̱ ol nogo lo̱o̱ta̱ ngatu, ma̱i̱je̱ ta̱mu̱-kenga, iróng zin atin nege amuda bunnat ci Ta̱mu̱ta̱dde̱no̱.

Marko 4:12

Kar zin “‘Acin wo̱ye̱ nege, ma̱i̱je̱ ngatu iróng zin acin de̱de̱, kar zin bo̱do̱k azikne abarik iróng zin a̱gga̱; uhu wo̱ye̱ zi̱nze̱tti̱ cigge̱k, kar Ta̱mu̱ta̱dde̱n kalalek nogo!’”

Lu̱ka̱ 13:24

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Kaviyak wak Abunna Ta̱mu̱ta̱dde̱no̱ eher Joni 1:51

Emena Ye̱su̱ zoza kar kizek nonno bo̱do̱k ne, “Ka̱du̱wa̱kku̱ng zoz ci een de̱de̱, acinnu atin ta̱mu̱-keng ming o̱o̱ye̱, imma anjilonya wak Ta̱mu̱ta̱dde̱no̱ ottod ne̱ke̱ ovvo uggak i̱i̱na̱k Ngerrti E̱e̱to̱.”

Kaviyak wak Abunna Ta̱mu̱ta̱dde̱no̱ eher Joni 3:3

O̱bo̱de̱k Ye̱su̱ nonno a̱nne̱k ne, “Ka̱du̱wa̱ki̱ zoz ci een de̱de̱, iróng e̱e̱ti̱ imma acin ba̱a̱li̱ne̱t ci Ta̱mu̱ta̱dde̱no̱ abale ol ming ngen e̱e̱ti̱ ki̱ti̱rra̱i̱ bo̱do̱k lak rama.”

Kaviyak wak Abunna Ta̱mu̱ta̱dde̱no̱ eher Joni 3:5

O̱bo̱de̱k zin bo̱do̱k Ye̱su̱ nonno, a̱nne̱k ne, “Ka̱du̱wa̱ki̱ zoz de̱de̱, iróng e̱e̱ti̱ imma i̱i̱zo̱ ba̱a̱li̱ne̱t ci Ta̱mu̱ta̱dde̱no̱ ming ngen ki̱ti̱rra̱i̱ maame ki Vongiza.

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

Buk wa To̱ni̱a̱u̱ 28:27

Eci a̱da̱i̱to̱ zi̱nze̱tti̱ cigge̱k; iróng iina cigge̱k ngen azikne, kar zin kunyuget ebere cigge̱k. Ming acine nege eberene cigge̱k, azikne iine cigge̱k, azikne zi̱nze̱tti̱nne̱ cigge̱k kar ki̱vi̱ta̱ annita, kangaru wo̱ye̱ anna nogo.’

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Peturu 2:2

U̱tu̱gu̱z ki dooli wak kidik aud i̱ra̱ cik caalek paz Vongizak, kar keela nogo ki̱ddi̱ki̱rre̱t ti̱ri̱ze̱nte̱ cinne̱ng.

2 Peturu 1:11

Kar zin go̱o̱le̱ necu, a̱gga̱ma̱nu̱ng atin Manyitinna Ti̱ri̱zo̱i̱t Ye̱su̱ Ki̱ri̱sto̱ talinte ci a̱ppwe̱ oroot ba̱a̱li̱nte̱ cinne aave udut.