Ma̱te̱yo̱ 13:3 - Tennet

³ U̱du̱wa̱k zin nogo kaal cik meelek go̱o̱le̱ ci yabzinto azi ne, “Uk e̱e̱ti̱ imma manatoto, okko arir i̱nyo̱mo̱ ma̱ne̱ cinne.

Ma̱te̱yo̱ 13:3 Iomraidhean Croise

Ma̱te̱yo̱ 13:4

Ma baling azzac enne i̱nyo̱mo̱, i̱i̱na̱k i̱nyo̱mo̱na̱ uggak gool, i̱vi̱ta̱ iballi ebertta ne̱ke̱.

Ma̱te̱yo̱ 13:53

Baling okko edeca Ye̱su̱ yabzinet ne̱ke̱ do̱o̱k, itinga utungek ngin neci lo̱o̱c.

Ma̱te̱yo̱ 22:1

Ozozik zin bo̱do̱k Ye̱su̱ ol tubzenet ci edemeze enne nogo, ize ne,

Ma̱te̱yo̱ 24:32

“A̱gga̱c zoz necu keete ci een munec ko̱. Ming ovvo niga acinnu gon i̱ti̱li̱za̱ vu̱rre̱na̱ izeto varany, a̱gga̱yyu̱ niga niko ize lomot ojon.

Marko 12:1

Akate zin Ye̱su̱ ozozik nogo yabzinta, azi ne, “Irir e̱e̱ti̱ imma keen cik een vi̱no̱. Uluwek luwat kuburuk, kar zin ka̱da̱ lo̱o̱k ci kar atigon kamacuyek ol merte. Kar zin keteeheny ce̱e̱z ci ogon ki le̱be̱le̱ ci ebehe ol ma̱na̱. Kar zin enne kaanyik ol u̱gge̱ kabakte o̱ro̱bi̱ya̱i̱ kar enne keeron.

Marko 12:12

Orongit zin lo̱ddi̱ki̱re̱ gool ci kar kecebte nonno eci nege a̱gga̱ ozoz enne yabzinet necu aaruk nogo. O̱ngo̱o̱le̱ zin nege koole; kar zin kutungttek nonno lo̱o̱c kar koot.

Marko 3:23

Utuwa zin Ye̱su̱ nogo kar zin kozozik nogo yabzinta, izek ne, “Ottok wo̱ye̱ Sitani Sitan ku̱?

Marko 4:13

Izek zin Ye̱su̱ nogo ne, “Iróng niga a̱gga̱yyu̱ ungec ci yabzinet cu? A̱gga̱yyu̱ wo̱ye̱ atin niga yabzinet imma ku̱?

Marko 4:33

A̱du̱wa̱k Ye̱su̱ nogo zoz ngati ikebe yabzinet cik meelek giir kar nege ka̱gga̱c.

Lu̱ka̱ 12:41

I̱jji̱nno̱ zin Peturu, ize ne, “Manyi, a̱du̱wa̱kke̱t i̱nna̱ agit tubzenet cu, icima a̱du̱wa̱k ol do̱o̱k?”

Lu̱ka̱ 8:10

O̱bo̱de̱k zin enne, “Anyoziung i̱ge̱t genyizi ci zoz ci a̱lu̱gnye̱ ko̱ ba̱a̱li̱nte̱ ci Ta̱mu̱ta̱dde̱no̱, ma̱i̱je̱ ngati ol u̱gge̱ kozozi anna tubzenta, kar zin, “‘ming acine nege nu̱nu̱n, iróng wo̱ye̱ nege acine; ming aziye nege nu̱nu̱n, iróng wo̱ye̱ nege a̱gga̱.’

Kaviyak wak Abunna Ta̱mu̱ta̱dde̱no̱ eher Joni 16:25

“Ku̱du̱wa̱u̱ng anna i̱ge̱ta̱ ba̱li̱ye̱ kaal ne̱ko̱ nga̱ri̱de̱te̱, ka̱lu̱gu̱nyi̱ u̱nge̱tti̱ cik zo̱zzo̱k ne̱ko̱ ko̱. Abarik zin atin a̱kku̱ i̱i̱te̱ni̱ ci iróng anna ngen kozozi nga̱ri̱de̱te̱ icima ka̱lu̱gu̱nyi̱ u̱nge̱tti̱ cik zo̱zzo̱k ne̱ke̱, abarik atin ka̱du̱wa̱kku̱ng i̱ge̱t zoz ci Baba go̱o̱le̱ ci voori.