Ma̱te̱yo̱ 10:4 - Tennet

⁴ ki Si̱mo̱ne̱ wa amarine gaala wak Romi ki bo̱do̱k Judas Iskariyot wa bali adawa Ye̱su̱ ko̱. E̱e̱ggi̱n ne̱ko̱ to̱ni̱a̱k cik Ye̱su̱.

Ma̱te̱yo̱ 10:4 Iomraidhean Croise

Ma̱te̱yo̱ 26:14

Uk zin Judas Iskariyot wa een nuyait ci Ye̱su̱ co̱de̱ nuyahe wak een omoto ki rama rok alaat cik olli wawaco Ce̱e̱ze̱ wa Ta̱mu̱ta̱dde̱no̱.

Ma̱te̱yo̱ 26:15

Kar ki̱jji̱n nogo, “A̱ru̱we̱ka̱ng o̱ro̱bi̱ya̱ izong kar anna ki̱ye̱le̱u̱ng gool ci a̱gga̱mnyu̱ niga Ye̱su̱?” Kar zin nege kanycik nonno o̱ro̱bi̱ya̱ moten i̱i̱yo̱ cik een ziik.

Ma̱te̱yo̱ 26:2

“Eci niga a̱gga̱yyu̱ akate atin I̱i̱te̱n wa Va̱rda̱ngi̱nto̱, ming kedecca naga i̱i̱nya̱ rama, kar anna Ngerrti E̱e̱to̱ adawana atin ol annita kar kotodoyang annit keet wa een ta̱la̱ke̱c.”

Ma̱te̱yo̱ 26:47

Baling ngen ozoz Ye̱su̱ niko, i̱ki̱ya̱ zin nuyaiti ci Ye̱su̱ co̱de̱ een zara Judas ki ol cik meelek giir, anyak ki ilanya ki co̱o̱li̱t. I̱tto̱na̱ nogo alaata cik olli wawaco ki lo̱ddi̱ki̱re̱ cik ollu.

Ma̱te̱yo̱ 27:3

Baling izik Judasi etteddek ol Ye̱su̱ daiz, u̱u̱c zin nonno zinin oroot. Obodai zin o̱ro̱bi̱ya̱ cik een ziik balik een moten i̱i̱yo̱ i̱mi̱ro̱i̱ uk aanyik alaat cik olli wawaco ki lo̱ddi̱ki̱re̱.

Marko 14:10

Imma zin Judasi Iskariyoti wa een demezeyait co̱de̱ ci Ye̱su̱ demezeyahe wak een omoto ki ram, uk enne ngati alaat cik olli wawaco Ce̱e̱ze̱ wa Ta̱mu̱ta̱dde̱no̱ kar kuk kimitanek nogo gool ci a̱gga̱me̱ nege Ye̱su̱.

Marko 14:43

Baling ngen Ye̱su̱ ozozi, iyowa zin Judasi wa een demezeyait cinne co̱de̱ demezeyahe cik e̱e̱ggi̱n omoto ki rama ko̱. Orkora enne ki koole, anyak ki ilanya ki u̱lu̱kwa̱, i̱tto̱na̱ nogo alaata cik olli wawaco Ce̱e̱ze̱ wa Ta̱mu̱ta̱dde̱no̱, ki de̱me̱zzo̱k wak lo̱ti̱nno̱u̱ ki lo̱ddi̱ki̱re̱ cik o̱rgu̱.

Lu̱ka̱ 22:3

I̱tto̱ zin Sitani zinin ci Judasi wa a̱nne̱k ol ne Iskariyot, een enne nuyait co̱de̱ nuyahe cik Ye̱su̱ wak e̱e̱ggi̱n omoto ki rama ko̱.

Lu̱ka̱ 22:47

Baling ngen enne ozoz niko, i̱vi̱ta̱ koole, kar e̱e̱ti̱ ci een zara Judas een e̱e̱t co̱de̱ to̱ni̱a̱he̱ wak e̱e̱ggi̱n omoto ki rama ko̱, ci bali anyaha nogo. I̱ki̱ya̱k enne Ye̱su̱ kar zin kizza nonno,

Kaviyak wak Abunna Ta̱mu̱ta̱dde̱no̱ eher Joni 13:2

Baling anyaktta ol da̱i̱ne̱t cik adak ol yo̱mo̱na̱, i̱tto̱ da̱ lo̱rye̱nti̱ zinin ci Judas Iskariyot wa een ngerrti Si̱mo̱ne̱ ci atin okko adawa Ye̱su̱.

Kaviyak wak Abunna Ta̱mu̱ta̱dde̱no̱ eher Joni 6:64

Ize bo̱do̱k Ye̱su̱ ne, “Abarik anyak ol u̱gge̱ orgene cunno̱ng cik iróng a̱tu̱we̱.” A̱gga̱ enne niko anyak ol cik iróng a̱tu̱we̱, ki e̱e̱t ci atin okko adawa nonno.

Kaviyak wak Abunna Ta̱mu̱ta̱dde̱no̱ eher Joni 6:71

Arruk Ye̱su̱, Judas ngerrti Si̱mo̱ne̱ wa een Iskariyot, een Judasi demezeyait demezeyahe wak een omoto ki ram ke̱, okko atin enne ovolonge Ye̱su̱ ku̱ru̱we̱ ka̱da̱k.

Buk wa To̱ni̱a̱u̱ 1:13

Baling uzucca nege Jerusalem, oot ce̱e̱z ta̱dde̱na̱ ngin bali aavtte nege ke̱. E̱e̱ggi̱n ol ne̱ke̱ ciko Peturu, Jon, Je̱mi̱s, Andereya, Vilip, Tomas, Bartolomeyo, Ma̱te̱yo̱, Je̱mi̱s ngerrti Alipeyo, Si̱mo̱ne̱ wa amarine gaala wak Romi, ki Judas ngerrti Je̱mi̱si̱.

Buk wa To̱ni̱a̱u̱ 1:25

kar karagiz li̱ngli̱ngo̱n bali abure Judasi kar kuk ngati orong enne ke̱.”