Ma̱te̱yo̱ 10:3 - Tennet

³ ki Vilip, ki Bartolomeyo, ki Tomas, ki Ma̱te̱yo̱ wa aluta mucuru olle, ki Je̱mi̱s ngerrti Alipeyo ki Taudesio,

Ma̱te̱yo̱ 10:3 Iomraidhean Croise

Ma̱te̱yo̱ 18:17

Ka̱du̱wa̱kku̱ng zin zoz cu: Ming abure e̱e̱ti̱ neci iróng aziye zoz cinne̱ng, bite zin zoz neci ke̱le̱ci̱a̱; kar ming abure zoz ci olli ke̱le̱ci̱o̱, dotek nonno lo̱o̱c, ma ngen edeconik nonno, cin nonno kiwagon e̱e̱ti̱ ci iróng a̱gga̱ Ta̱mu̱ta̱dde̱no̱ icima ki e̱e̱ti̱ ci a̱gga̱ma̱ ol mucuru.

Ma̱te̱yo̱ 27:56

Imma ngaane ne̱ke̱ owoye ciko, Ma̱ri̱ya̱ Madalina ki Ma̱ri̱ya̱ e̱e̱ti̱ Je̱mi̱si̱ ki Yosevo, ki bo̱do̱k ngaa ci Zebedee, e̱e̱ti̱ Je̱mi̱si̱ ki Jon.

Ma̱te̱yo̱ 9:9

Bali ngati owoye Ye̱su̱ goola, icin e̱e̱t wa een zara Ma̱te̱yo̱, a̱gga̱ma̱ gon o̱ro̱bi̱ya̱ wak een mucuru olle, kar kizek nonno ne, “Nuwa annita” Itinga Ma̱te̱yo̱ je̱e̱na̱ kar kunu nonno.

Marko 15:40

Anyak ngaai u̱gge̱ cik edenya nogo reena. Imma ngaane ne̱ke̱ aave Ma̱ri̱ya̱ Madalina ki Ma̱ri̱ya̱ e̱e̱ti̱ Je̱mi̱s wa dici ki Yosevo, anyak bo̱do̱k ngaa ci een Salome.

Marko 2:14

Baling owo enne ti̱ti̱ma̱, icin Le̱vi̱, ngerrti Alipeyosi ming aave ngati a̱gga̱me̱ ol mucuru. A̱nne̱k zin Ye̱su̱ nonno ne, “Nuwan” Itinga zin Le̱vi̱ kar kunu nonno.

Marko 3:18

ki Andereya, ki Vilip, ki Bartolomeyo, ki Ma̱te̱yo̱, ki Tomas, ki Je̱mi̱s ngerrti Alipeyo, ki Taudesio, ki Si̱mo̱ne̱ wa amarine gaala wak Romi,

Lu̱ka̱ 18:10

“Ovvo ol cik e̱e̱ggi̱n rama lawinet Ce̱e̱ze̱ wa Ta̱mu̱ta̱dde̱no̱, een e̱e̱ti̱ co̱de̱ Varacisoc, okko co̱de̱ een e̱e̱t wagon aluta mucuru olle ko̱.

Lu̱ka̱ 18:11

Itinga zin Varacisi neci kar kala Ta̱mu̱ta̱dde̱n zo̱ze̱ ci ele cinne: ‘Ta̱mu̱ta̱dde̱n, kaanyi anna i̱nne̱t zany iróng kogonni kiwagon ol wak e̱e̱ggi̱n ogoryak, olli mu̱nye̱nu̱, ol wak owo ki ngaai cik ollu, icima ki i̱yo̱ko̱ e̱e̱ti̱ cu, gon aluta mucuru olle ko̱.

Lu̱ka̱ 18:13

“Ma̱i̱je̱ e̱e̱ti̱ wa aluta mucuru olle ko̱, ibil reena. Iróng enne bu̱k acin ta̱mu̱-keng, abarik akati culum kar kize ne, ‘Ta̱mu̱ta̱dde̱n, inya annit deten, e̱e̱t ci mu̱nye̱nu̱.’

Lu̱ka̱ 19:2

Anyak da̱ e̱e̱t imma o̱rge̱ neci ci een zara Zakayos; een da̱ enne ddi̱ki̱ryo̱i̱t ci ol wak aluta mucuru olle kar enne kize i̱to̱i̱t oroot.

Lu̱ka̱ 5:27

Kar bali vu̱rrta̱, uk Ye̱su̱ reena kar kicin e̱e̱t wagon aluta mucuru olle ko̱, azi zar ne Le̱vi̱, ming aave arane ci ngin wa a̱gga̱ma̱ enne ol mucuru ko̱. A̱nne̱k zin Ye̱su̱ nonno ne, “Nuwan!”

Kaviyak wak Abunna Ta̱mu̱ta̱dde̱no̱ eher Joni 1:48

I̱jji̱n zin Nathanael nonno izek ne, “A̱gga̱ya̱n?” O̱bo̱de̱k zin Ye̱su̱ nonno, a̱nne̱k ne, “Wanai ming ngen Vilipi kutuwin, kicini ming ngen aave muneca vu̱rrta̱.”

Kaviyak wak Abunna Ta̱mu̱ta̱dde̱no̱ eher Joni 11:16

Izek zin e̱e̱ti̱ ci een Tomas een zara uggak ne Didymus, wa bo̱do̱k een cuudenit nuyak u̱gge̱ ne, “Koot naga do̱o̱k bu̱k, icima ka̱da̱i̱ ki nonno.”

Kaviyak wak Abunna Ta̱mu̱ta̱dde̱no̱ eher Joni 14:22

Ize zin bo̱do̱k Judasi ne, amire zin iróng een Judas Iskariyot bali utene Ye̱su̱ ke̱, “Manyi, nya i̱nna̱ ming orongi ye̱le̱kke̱t agit do̱ ele iróng orongi ye̱le̱k ol cik lo̱o̱tu̱ ko̱?”

Kaviyak wak Abunna Ta̱mu̱ta̱dde̱no̱ eher Joni 14:5

A̱nne̱k Tomasi Ye̱su̱ ne, “Manyi iróng ka̱gga̱yya̱ nginti okkoye i̱nna̱ ko̱, ka̱gga̱yya̱ wo̱ye̱ gool ku̱?”

Kaviyak wak Abunna Ta̱mu̱ta̱dde̱no̱ eher Joni 14:9

O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 21:2

Aavtte ol ciko to Si̱mo̱ne̱ wa een Peturu, Tomas wa een cuudenit, Nathanael wa a̱kku̱ o̱rge̱ ci een Kana, Ga̱li̱li̱ya̱, ki logoz cik Zebedee, ki nuyak u̱gge̱ rama, arume nege do̱o̱k nga̱to̱de̱.

Buk wa To̱ni̱a̱u̱ 1:13

Baling uzucca nege Jerusalem, oot ce̱e̱z ta̱dde̱na̱ ngin bali aavtte nege ke̱. E̱e̱ggi̱n ol ne̱ke̱ ciko Peturu, Jon, Je̱mi̱s, Andereya, Vilip, Tomas, Bartolomeyo, Ma̱te̱yo̱, Je̱mi̱s ngerrti Alipeyo, Si̱mo̱ne̱ wa amarine gaala wak Romi, ki Judas ngerrti Je̱mi̱si̱.

Buk wa To̱ni̱a̱u̱ 12:17

A̱nne̱k Peturu nogo ne, ijaktte li̱i̱m, kar zin koobek nogo gool ci aarane Manyi nonno lagama. Kar kizek nogo ne, “U̱du̱kta̱k Je̱mi̱s ki gotonogget zoz cu.” Kar zin enne kuk ngamani.

Buk wa To̱ni̱a̱u̱ 15:13

Baling e̱de̱cca̱ Pa̱u̱lo̱ ki Barnabas zoz, itinga Je̱mi̱si̱ je̱e̱na̱ ozoza: “Gotonogget, izikttang.

Buk wa To̱ni̱a̱u̱ 21:18

Kar i̱i̱te̱n ci reng, ko̱o̱tta̱ naga uggak ki Pa̱u̱lo̱ kovvo kacinna Je̱mi̱s ki lo̱ddi̱ki̱re̱ do̱o̱k.

Ga̱la̱ti̱a̱ 1:19

Ngen zin kurumtowa ki to̱ni̱a̱k do̱o̱k, ka̱vvu̱tta̱ ki Je̱mi̱s do̱ niko wa een gotoni Manyitinna Ye̱su̱.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.