Ma̱te̱yo̱ 10:2 - Tennet

² E̱e̱ggi̱n ciko zar cik to̱ni̱a̱k wak Ye̱su̱ een omoto ki rama: Si̱mo̱ne̱ wa een zara Peturu ki gotoni ci een Andereya kar bo̱do̱k Je̱mi̱s ki Jon wak e̱e̱ggi̱n dooli cik Zebedee,

Ma̱te̱yo̱ 10:2 Iomraidhean Croise

Ma̱te̱yo̱ 17:1

Imma baling e̱de̱cca̱ nege i̱i̱nya̱ torkonom, uwe zin Ye̱su̱ ki nonno Peturu, Je̱mi̱s ki Jon gotoni Je̱mi̱si̱ rok bee ta̱dde̱na̱, kar ka̱vvu̱to̱ nege do̱.

Ma̱te̱yo̱ 20:20

I̱ki̱ya̱ zin ngaa ci Zebedee wa een e̱e̱ti̱ Je̱mi̱si̱ ki Jon, anyaha ki dooli waginnek een rama ko̱ bu̱k rok Ye̱su̱. Kar zin ngaa neci kakatek u̱zu̱ngti̱nne̱ ngati Ye̱su̱, orong abunna enne ming ogonik nonno gi̱i̱ ci orong enne.

Ma̱te̱yo̱ 26:37

Uwe zin enne Peturu ki doolik e̱e̱t ci een Zebedee rama, Je̱mi̱s ki Jon, kar zin ki̱vi̱r nonno zinin oroot.

Ma̱te̱yo̱ 4:18

Baling owo Ye̱su̱ nyatapare ci een Ga̱li̱li̱, icin logoz cik een rama Si̱mo̱ne̱ wa een Peturu ki gotoni ci een Andereya ming a̱gga̱m u̱lu̱g liila.

Ma̱te̱yo̱ 4:21

Baling ngen Ye̱su̱ owo liile ci een Ga̱li̱li̱, icin bo̱do̱k logoz cik een rama Je̱mi̱s ki Jon dooli wak Zebedee, ming erekrean baru wak a̱gga̱me̱ u̱lu̱g i̱bo̱wa̱ ki be̱e̱ti̱nne̱ng. A̱nne̱k Ye̱su̱ nogo ne, “I̱vi̱ta̱ unuyang,”

Marko 1:29

Baling utungtek nege Ce̱e̱z wa Lawinto lo̱o̱c, oot zin Ye̱su̱ ki ciko Je̱mi̱s ki Jon ce̱e̱ze̱ co Si̱mo̱ne̱ ki Andereya.

Marko 13:3

Baling ngen Ye̱su̱ aave Biye ci I̱ngi̱ro̱u̱ ci edevo ki Ce̱e̱z wa Ta̱mu̱ta̱dde̱no̱, i̱jji̱nne̱t zin ciko Peturu, ki Je̱mi̱s, ki Jon, ki Andereya nonno lo̱mu̱k, izektek ne

Marko 6:30

Ulutai zin to̱ni̱a̱ha̱ baling o̱bo̱dda̱ li̱ngli̱ngo̱na̱ kar uburuwet Ye̱su̱ kar ku̱du̱kta̱k nonno kaal balik u̱tu̱gu̱zzo̱ nege ki de̱mzi̱ne̱t cinne̱ng.

Lu̱ka̱ 11:49

Eci zo̱ze̱ necu, azi Ta̱mu̱ta̱dde̱n genyize cinne ne, ‘Ki̱tto̱nna̱k atin anna nogo a̱ri̱tto̱k ki to̱ni̱a̱k, ovvo atin uggak a̱ru̱we̱ ka̱da̱i̱to̱, kar atin uggak ki̱gi̱dde̱.’

Lu̱ka̱ 22:14

Baling utube i̱i̱, a̱vvu̱to̱ zin Ye̱su̱ ki nuyak ciginnek ngati da̱i̱nto̱.

Lu̱ka̱ 22:8

I̱tto̱n zin Ye̱su̱ Peturu ki Jon, a̱nne̱k ne, “Oot idimanit da̱i̱ne̱t cik I̱i̱te̱n wa Va̱rda̱ngi̱nto̱.”

Lu̱ka̱ 5:10

e̱e̱ggi̱n nege ciko Je̱mi̱s ki Jon, logoz cik Zebedee, e̱e̱ggi̱n nege gonoggi Si̱mo̱ne̱. Izek zin Ye̱su̱ Si̱mo̱ne̱ ne, “Ma o̱ngo̱o̱li̱nnu̱; akane wazin necu kuk oowa, a̱gga̱mnyu̱ atin niga ol.”

Lu̱ka̱ 9:10

Baling i̱mi̱rrte̱ to̱ni̱a̱ha̱, u̱du̱kta̱k zin Ye̱su̱ kaal cik u̱tu̱gu̱zzo̱ nege do̱o̱k. Uwe zin Ye̱su̱ nogo kar koot nege do̱ rok orog ci een zara Betsaida,

Kaviyak wak Abunna Ta̱mu̱ta̱dde̱no̱ eher Joni 12:22

Uk zin Vilipi u̱du̱wa̱k Andereya, kar zin nege do̱o̱k koot ku̱du̱kta̱k Ye̱su̱.

Kaviyak wak Abunna Ta̱mu̱ta̱dde̱no̱ eher Joni 13:23

Aave da̱ nuyaiti co̱de̱ wagon irez Ye̱su̱ oroot ko̱ ojonun ki nonno.

Kaviyak wak Abunna Ta̱mu̱ta̱dde̱no̱ eher Joni 20:2

I̱vi̱r zin enne uk ngato Si̱mo̱ne̱ Peturu ki nuyait wa irez Ye̱su̱ oroot kar zin kizek ne, “O̱o̱tte̱ ol uggak ele ci Manyi ngi̱lo̱ma̱ ngamani, iróng zin bu̱k ka̱gga̱yya̱ arike ucca nonno i̱ni̱n!”

Kaviyak wak Abunna Ta̱mu̱ta̱dde̱no̱ eher Joni 21:2

Aavtte ol ciko to Si̱mo̱ne̱ wa een Peturu, Tomas wa een cuudenit, Nathanael wa a̱kku̱ o̱rge̱ ci een Kana, Ga̱li̱li̱ya̱, ki logoz cik Zebedee, ki nuyak u̱gge̱ rama, arume nege do̱o̱k nga̱to̱de̱.

Kaviyak wak Abunna Ta̱mu̱ta̱dde̱no̱ eher Joni 21:20

Uukce Peturu ki vu̱rru̱t, edenya nuyait wa Ye̱su̱ zinino ming annu nogo. Een enne bali aavtte ki Ye̱su̱ ojonun da̱i̱nte̱, kar zin ki̱jji̱n Ye̱su̱, “Manyi, ngene ci okko utennin?”

Kaviyak wak Abunna Ta̱mu̱ta̱dde̱no̱ eher Joni 21:24

Nuyait neci ele ci a̱du̱wa̱k gonoggi zoz neci. Eteherek enne kaal ne̱ke̱ do̱o̱k lo̱o̱c. Ka̱gga̱ naga een zoz cinne de̱de̱.

Kaviyak wak Abunna Ta̱mu̱ta̱dde̱no̱ eher Joni 6:67

I̱jji̱n zin Ye̱su̱ to̱ni̱a̱k waginnek een omoto ki rama, a̱nne̱k ne, “Iróng orongnyu oot bu̱k?”

Kaviyak wak Abunna Ta̱mu̱ta̱dde̱no̱ eher Joni 6:70

O̱bo̱de̱k zin Ye̱su̱ nogo, a̱nne̱k ne, “Katahalaung i̱ge̱t ngati e̱e̱ggi̱nnu̱ omoto ki ram, anyak zin co̱de̱ ci een lo̱rye̱ni̱t orgene cunno̱ng.”

Kaviyak wak Abunna Ta̱mu̱ta̱dde̱no̱ eher Joni 6:71

Arruk Ye̱su̱, Judas ngerrti Si̱mo̱ne̱ wa een Iskariyot, een Judasi demezeyait demezeyahe wak een omoto ki ram ke̱, okko atin enne ovolonge Ye̱su̱ ku̱ru̱we̱ ka̱da̱k.

Kaviyak wak Abunna Ta̱mu̱ta̱dde̱no̱ eher Joni 6:8

Okko nuyaiti imma ci Ye̱su̱ een zara Andereya gotoni Si̱mo̱ne̱ Peturu, ozoz azi ne,

Buk wa To̱ni̱a̱u̱ 1:13

Baling uzucca nege Jerusalem, oot ce̱e̱z ta̱dde̱na̱ ngin bali aavtte nege ke̱. E̱e̱ggi̱n ol ne̱ke̱ ciko Peturu, Jon, Je̱mi̱s, Andereya, Vilip, Tomas, Bartolomeyo, Ma̱te̱yo̱, Je̱mi̱s ngerrti Alipeyo, Si̱mo̱ne̱ wa amarine gaala wak Romi, ki Judas ngerrti Je̱mi̱si̱.

Buk wa To̱ni̱a̱u̱ 1:26

Baling ovvo nege ovoc bibi, i̱ta̱k bibicoci Matthias niko, kar zin enne karozik to̱ni̱a̱k balik e̱e̱ggi̱n omoto ki co̱de̱ ke̱.

Buk wa To̱ni̱a̱u̱ 12:2

Aanyik aciir ciginnek ku̱ru̱we̱t Je̱mi̱s wa een gotoni Jon ko̱ nya̱tu̱ba̱ta̱ ka̱da̱k.

Buk wa To̱ni̱a̱u̱ 3:1

Ovvo da̱ i̱i̱te̱ne̱ emani Peturu ki Jon Ce̱e̱ze̱ wa Ta̱mu̱ta̱dde̱no̱ ngati okko ki yo̱mo̱n, i̱i̱we̱ wa lawinto.

1 Ko̱ri̱nto̱ 15:7

I̱ye̱le̱k bo̱do̱k enne ele Je̱mi̱s, kar zin bo̱do̱k ki̱ye̱le̱k ele to̱ni̱a̱k do̱o̱k.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

2 Peturu 1:1

Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Jon 1:1

Eher ddi̱ki̱ryo̱i̱ti̱ ci ke̱le̱ci̱o̱ waraga cu. Eherik ngaa bali atahala Ta̱mu̱ta̱dde̱n ke̱ ki dooli ciginnek. Kirezung anna i̱ge̱t de̱de̱ do̱o̱k, iróng een annita do̱ ci kirezung, abarik ki ol do̱o̱k wak a̱gga̱ zoz ci een de̱de̱,

3 Jon 1:1

Ngati ddi̱ki̱ryo̱i̱t ci ke̱le̱ci̱o̱. Keherik anna waraga cu goona wa zinino een zara Gaius, kirezi anna nonno zo̱ze̱ wa een de̱de̱.

O̱no̱zzo̱k 1:1

Een zoz ci Ye̱su̱ Ki̱ri̱sto̱ a̱lu̱gnye̱ ko̱ ci aanyik Ta̱mu̱ta̱dde̱n nonno kar ki̱ye̱le̱k du̱cca̱k ciginnek ka̱gga̱c kaal cik atin ovvo ogone. I̱ye̱la̱ enne zo̱zzo̱k ne̱ko̱ go̱o̱le̱ ci i̱tto̱na̱k enne anjilo Jon wa een du̱ca̱i̱t cinne ko̱,

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 18:20

Ataltto zin niga ol wak abakku ta̱mu̱-kenga zo̱ze̱ cinne! Ataltto niga olli Ta̱mu̱ta̱dde̱no̱ a̱li̱le̱ ki to̱ni̱a̱k ki a̱ri̱tto̱k cik zoz cinne! Edez Ta̱mu̱ta̱dde̱n nonno zo̱ze̱ bali ogonekku̱ng enne i̱ge̱t ke̱.’”

O̱no̱zzo̱k 22:8

Imma anna Joni, kiziya kar bo̱do̱k kicin kaal ne̱ke̱ do̱o̱k. Kar zin bali kaala cik kiziya anna kar bo̱do̱k kicina ko̱, kakateya u̱zu̱ngtti̱ lo̱o̱c zone cik anjilo bali i̱ye̱le̱ka̱ kaal ne̱ke̱ ke̱, ngati ka̱di̱ngdi̱nga̱ni̱ nonno.