Ma̱te̱yo̱ 1:21 - Tennet

²¹ Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Ma̱te̱yo̱ 1:21 Iomraidhean Croise

Kananet 17:19

Ize zin Ta̱mu̱ta̱dde̱n ne, “I̱i̱ny, abarik atin ngaa cunne Sarah a̱rri̱ta̱ do̱le̱c ci maci, kar atin i̱nna̱ katek zar cik een I̱sa̱ko̱. Kazunne atin anna olom cinanni ki nonno kize olom ci aave udut ki dooli cik dooli ciginnek ming i̱zzi̱ enne to.

Kananet 17:21

Ma̱i̱je̱ olomi cinanni, kadimani atin ki I̱sa̱ko̱, ci okko atin ngaa ci een Sarah a̱rri̱ta̱ki̱ i̱nne̱t ko̱ nye̱lo̱wo̱ cu ele e̱rki̱ta̱.”

Kananet 18:10

Ize zin Manyi ne, “Kobodaki atin lola i̱i̱te̱n cu ele e̱rki̱ta̱, kar atin ngaa cunne Sarah kanyak do̱le̱c ci maci.” I̱yo̱ko̱ zin azikne da̱ enne Sarah ti̱ta̱, bo̱i̱ce̱ ci Aburahami.

Ma̱te̱yo̱ 1:25

Ma zin nginatu niko, iróng Yosevo ngen okko kar ka̱ta̱ngu̱zzo̱ bu̱k zee ki̱ti̱rra̱i̱ do̱le̱c. A̱vvu̱ Ma̱ri̱ya̱ izong, kutuyai kar Yosevo kakatek zar cik een Ye̱su̱.

Lu̱ka̱ 1:13

Ma̱i̱je̱ anjilo a̱nne̱k nonno ne, “Ma o̱ngo̱o̱le̱ gi̱i̱ imma, Zakaria; izik Ta̱mu̱ta̱dde̱n lawinet cunne. A̱rri̱ta̱ki̱ atin Elizabethi ngaa cunne i̱nne̱t do̱le̱c ci maci, kar i̱nna̱ katek nonno zar cik een Jon.

Lu̱ka̱ 1:31

Anyakce atin i̱nna̱ kar ti̱rra̱ do̱le̱c ci maci, kar katek nonno zar cik een Ye̱su̱.

Lu̱ka̱ 2:11

Wazin necu o̱rge̱ ci Da̱vi̱de̱ a̱rri̱ta̱i̱ Ti̱ri̱zo̱i̱ti̱ kize cunno̱ng; een enne Ki̱ri̱sto̱ Manyi.

Lu̱ka̱ 2:21

Imma i̱i̱te̱ne̱ ci een tu̱rge̱, baling utube i̱i̱ ci ovvo nege ettede vi̱ca̱vi̱ca̱ cinne, a̱ka̱tte̱k zin nege nonno zar cik een Ye̱su̱, zar balik a̱du̱wa̱ anjilo baling ngen yaatinne kanyak nonno kenga.

Kaviyak wak Abunna Ta̱mu̱ta̱dde̱no̱ eher Joni 1:29

Ma̱i̱je̱ nge̱rre̱ti̱n ci reng, edenya Joni Ye̱su̱ ming a̱kku̱nna̱k nonno, kar kize ne, “Icinnet, Nyoon ci Ta̱mu̱ta̱dde̱no̱ wa a̱vi̱la̱ mu̱nye̱n cik lo̱o̱tu̱!

Kaviyak wak Abunna Ta̱mu̱ta̱dde̱no̱ eher Joni 4:42

Izettek zin ol ne̱ke̱ ngaa neci ne, “Iróng naga ka̱tu̱we̱nna̱ zo̱ze̱ wanai a̱du̱wa̱ i̱nna̱ ke̱ do̱. Kizikta zoz cinne naga e̱le̱tti̱ne̱, ka̱gga̱yya̱ niko ming een e̱e̱ti̱ cu de̱de̱ Ti̱ri̱zo̱i̱t ci lo̱o̱tu̱.”

Buk wa To̱ni̱a̱u̱ 13:23

“Imma zin biilete ci Da̱vi̱de̱, anyahak atin Ta̱mu̱ta̱dde̱n olli Israilo Ti̱ri̱zo̱i̱t Ye̱su̱, ki bali u̱du̱wa̱ enne ke̱.

Buk wa To̱ni̱a̱u̱ 3:26

Baling okko Ta̱mu̱ta̱dde̱n odong du̱ca̱i̱t cinne Ye̱su̱, i̱tto̱na̱kku̱ng arrak enne i̱ge̱ta̱ nonno, kar abunna ming a̱mu̱yu̱kku̱ng enne, kar niga do̱o̱k utungtek mu̱nye̱n lo̱o̱c.”

Buk wa To̱ni̱a̱u̱ 4:12

A̱zze̱ e̱e̱ti̱ imma ci a̱ti̱ri̱ze̱t wo̱ye̱ agit to, eci i̱llo̱i̱ e̱e̱t imma ci kamuda naga ta̱mu̱-kenga kar wo̱ye̱ ki̱ti̱ri̱z ol, een Ye̱su̱ do̱ niko.”

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.