Ma̱te̱yo̱ 1:16 - Tennet

¹⁶ een Ya̱ko̱bo̱ be̱e̱ti̱ Yosevo, okko Yosevo een mac ci Ma̱ri̱ya̱ wa okko a̱rri̱ta̱ Ye̱su̱, wa ovvo ol akannek zar cik een Ki̱ri̱sto̱.

Ma̱te̱yo̱ 1:16 Iomraidhean Croise

Ma̱te̱yo̱ 1:15

Een Eliudi be̱e̱ti̱ Eleazar, een Eleazari be̱e̱ti̱ Matthan, okko Matthani een be̱e̱ti̱ Ya̱ko̱bo̱,

Ma̱te̱yo̱ 16:16

O̱bo̱de̱k zin Si̱mo̱ne̱ Peturu, “E̱e̱ni̱ i̱nna̱ Ki̱ri̱sto̱ Ngerrti Ta̱mu̱ta̱dde̱n wa aruge.”

Ma̱te̱yo̱ 16:20

I̱lo̱te̱k zin enne nuyak zoz ci azi ne, ma a̱du̱wa̱kku̱ e̱e̱t imma ming ke̱e̱ni̱ anna Ki̱ri̱sto̱.

Ma̱te̱yo̱ 2:13

Baling ovvo e̱re̱nno̱wa̱ a̱mi̱re̱, ma̱i̱je̱ anjilo ci Manyi i̱ye̱le̱k Yosevo o̱no̱zo̱we̱ ele a̱nne̱k ne, “Tinga je̱e̱na̱, i̱yi̱k niye do̱le̱c necu ki yaatinne bite lo̱o̱ce̱ ci Masiro! Bit a̱vvu̱ nginati zee, ku̱du̱wa̱i̱ kizei ne, mi̱re̱ eci alaani ci een He̱ro̱d, orong do̱le̱c necu kar ku̱ru̱k ka̱da̱k.”

Ma̱te̱yo̱ 27:17

Baling ovvo ol alute ce̱e̱ze̱ ci Pilato nge̱rre̱t, i̱jji̱n zin enne ol, a̱nne̱k ne, “Orongnyu ngene kar anna kaaraung lagama? Orongnyu Barabas icima Ye̱su̱ wa een zara Ki̱ri̱sto̱ ko̱?”

Ma̱te̱yo̱ 27:22

I̱jji̱n zin bo̱do̱k Pilato nogo, a̱nne̱k ne, “Ming kaara anna Barabas do̱, ku̱tu̱gu̱we̱k Ye̱su̱ wa een Ki̱ri̱sto̱ ko̱ nya?” Egerenyit nege do̱o̱k, “Otodoyyek nonno keet wa een ta̱la̱ke̱c!”

Marko 6:3

Iróng dim enne een e̱e̱t wagon adiman lecerit keene ko̱? Iróng dim enne een ngerrti Ma̱ri̱ya̱, wa een gotoni Je̱mi̱s, ki Yosevo, ki Ju̱da̱ ki Si̱mo̱ne̱? Iróng dim ngonoggja abak ki agit ngatu bu̱k?” Utuburet zin ol nong ngatinne oroot.

Lu̱ka̱ 1:27

okko rok buuwec ci ngen ka̱ta̱gu̱zzo̱ ki e̱e̱t imma udut, arrahek ol e̱e̱t ci een Yosevo ki̱ti̱k, een enne boorit co Da̱vi̱de̱. Azi zar cik buuwec neci ne Ma̱ri̱ya̱.

Lu̱ka̱ 2:48

Baling icinnet ciko yaatinne ki baatinne nonno, u̱ku̱lte̱k zin nege je̱e̱n. Izek zin yaatinne nonno ne, “Ngeranni, nya ming ogonet ki i̱yo̱ko̱ ko̱? Korongnyi, anna ki baatunne i̱nne̱t oroot.”

Lu̱ka̱ 2:7

kar zin enne ki̱ti̱ra̱ do̱le̱c ci een a̱bu̱, ci maci. U̱lu̱cce̱k nonno ru̱u̱ma̱ni̱ kar karik i̱bo̱, eci i̱llo̱i̱ ce̱e̱z ci adungne nege.

Lu̱ka̱ 3:23

I̱yo̱ko̱ zin izeto da̱ e̱rki̱nya̱ cik Ye̱su̱ moten i̱i̱yo̱ baling akane enne li̱ngli̱ngo̱n cinne. Een bali enne ngerrti Yosevo, ki bali ming i̱no̱n ol ke̱, een ngerrti Heli,

Lu̱ka̱ 4:22

Ozozit zin ol do̱o̱k ju̱rru̱m zo̱ze̱ cinne, kar ku̱ku̱lte̱k je̱e̱n zo̱ze̱ ci deten ci iyowa utuge cinne. I̱jji̱nto̱ zin nege, “Iróng necu een ngerrti Yosevo?”

Kaviyak wak Abunna Ta̱mu̱ta̱dde̱no̱ eher Joni 4:25

Izek zin ngaa neci nonno ne, “Ka̱gga̱ a̱kku̱ atin Missaya wa een Ki̱ri̱sto̱ wa atahalai, ming i̱ki̱ya̱, a̱du̱wa̱kke̱t atin kaal do̱o̱k.”