Ma̱te̱yo̱ 1:1 - Tennet

¹ A̱kku̱ Ye̱su̱ Ki̱ri̱sto̱ ngerrti Da̱vi̱de̱ tatuge ciko alaan wa een zara Da̱vi̱de̱ ki ngerrti Aburahami, een necu lelet ci tatug cinne̱ng.

Ma̱te̱yo̱ 1:1 Iomraidhean Croise

Kananet 12:3

Ka̱mu̱yu̱i̱ atin anna ol cik a̱mu̱yu̱ki̱ i̱nne̱ta̱, kar e̱e̱ti̱ ci otoryi i̱nne̱ta̱, kotori atin anna nonno bu̱k; kar ol lo̱o̱ta̱ ngatu do̱o̱k ku̱mu̱dda̱ atin ma̱yu̱we̱ne̱t zo̱ze̱ cunne.”

Kananet 2:4

Een necu zoz ci bali eenycane Ta̱mu̱ta̱dde̱n ta̱mu̱-keng ki lo̱o̱c. Baling idiman Manyi Ta̱mu̱ta̱dde̱n lo̱o̱c ki ta̱mu̱-keng,

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 5:1

Een icu lelet ci Adami e̱he̱rye̱ ko̱. Eenyca bali Ta̱mu̱ta̱dde̱n e̱e̱t ci diiri kudukto ki nonno.

Ma̱te̱yo̱ 1:18

Een necu gool ci kar Ye̱su̱ Ki̱ri̱sto̱ ki̱ti̱rra̱i̱. Owo ba̱li̱ye̱ yaatinne e̱e̱ti̱ ci azi zara ne, Yosevo ci bali orong kar ki̱ti̱k Ma̱ri̱ya̱ la̱du̱n. Baling ngen Yosevo ka̱vvu̱to̱ ki Ma̱ri̱ya̱ nga̱to̱de̱, a̱gga̱ da̱ Ma̱ri̱ya̱ ele cinne ming anyakce Vongize ci A̱li̱le̱ Ta̱mu̱ta̱dde̱no̱.

Ma̱te̱yo̱ 1:2

Een Aburahami be̱e̱ti̱ I̱sa̱ko̱, okko I̱sa̱ko̱ een be̱e̱ti̱ Ya̱ko̱bo̱, okko Ya̱ko̱bo̱ een be̱e̱ti̱ Ju̱da̱ ki gotonoggi ciginnek

Ma̱te̱yo̱ 15:22

I̱ki̱ya̱k zin ngaa ci iróng een Ya̱u̱d ko̱ Ye̱su̱, een enne olli Kanaani, abak enne o̱rge̱ neci, egereny zin je̱e̱na̱, “Manyi, Ngerrti Da̱vi̱de̱, eelawan! Apirna buweenyanni, anyak kuulo cik lo̱rye̱nta̱k.”

Ma̱te̱yo̱ 3:16

A̱gga̱me̱k zin Joni Ye̱su̱ ba̱ti̱ti̱mo̱, baling okko Ye̱su̱ iyowa maame, oowe ta̱mu̱-kengi, icin zin Ye̱su̱ Vongiz ci Ta̱mu̱ta̱dde̱no̱ a̱kku̱nna̱k lo̱o̱c kiwagon lu̱be̱ ki̱ta̱k nonno iba.

Ma̱te̱yo̱ 9:27

Imma baling owo Ye̱su̱ goola, unuwet zin ol cik een rama ru̱be̱ni̱k nonno, awalwal je̱e̱na̱, “Ngerrti Da̱vi̱de̱, eelawet agita!”

Lu̱ka̱ 1:33

abal atin enne ce̱e̱z ci Ya̱ko̱bo̱ udut; iróng ba̱a̱li̱ne̱t cinne aṯurneke.”

Kaviyak wak Abunna Ta̱mu̱ta̱dde̱no̱ eher Joni 7:42

E̱he̱rye̱ Warage ci Ta̱mu̱ta̱dde̱no̱ azi ne, a̱kku̱ atin Ki̱ri̱sto̱ wa atahalai kize Ti̱ri̱zo̱i̱t biilete ci Da̱vi̱de̱, a̱rri̱ta̱i̱ o̱rge̱ ci een zara Betelem, o̱rge̱ bali abahe Da̱vi̱de̱ ke̱.”

Buk wa To̱ni̱a̱u̱ 2:30

Een zin bali enne a̱ri̱to̱i̱t ci a̱gga̱ olom ci u̱du̱wa̱k Ta̱mu̱ta̱dde̱n nonno ke̱, odola bali Ta̱mu̱ta̱dde̱n zo̱ze̱ ci a̱nne̱ke̱ Da̱vi̱de̱ ne kanyik atin do̱le̱c imma dooline ciginnek karagiz alaanzet cinne.

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

Roma 4:13

U̱du̱wa̱k Ta̱mu̱ta̱dde̱n Aburaham ki dooli cik dooli cigge̱k, okko atin enne aanyik nogo lo̱o̱c. Iróng enne a̱du̱wa̱ zoz necu eci Aburahami uzute lo̱ti̱nno̱k balik Musesi ke̱, abarik Ta̱mu̱ta̱dde̱n acin bunnat ci a̱kku̱ tu̱we̱nte̱ cinne.

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

Ga̱la̱ti̱a̱ 3:16

U̱du̱wa̱k zin Ta̱mu̱ta̱dde̱n Aburaham ki ngerinne ma̱yu̱we̱ne̱t ci okko enne a̱ma̱yu̱we̱ nogo. Icinnet iróng Waraga ci Ta̱mu̱ta̱dde̱no̱ azi ne, “Dooli ciginnek,” abarik azi ne, “do̱le̱c cunne,” een zin do̱le̱c neci Ki̱ri̱sto̱.

1 Ti̱mo̱te̱yo̱ 2:5

Eci anyak Ta̱mu̱ta̱dde̱n co̱de̱ ṯok ki e̱e̱t ci een zoc co̱de̱ ṯok ci aave orgene ci Ta̱mu̱ta̱dde̱no̱ ki ol cik diirik, een enne Ki̱ri̱sto̱ Ye̱su̱,

2 Ti̱mo̱te̱yo̱ 2:8

I̱no̱na̱ Ye̱su̱ Ki̱ri̱sto̱ odohize, wa een ngerrti Da̱vi̱de̱ wa atahalai bali ingane Ta̱mu̱ta̱dde̱n nonno daiza. Een ne̱ko̱ kaviyak cik abunna cigannik.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”