Marko 9:43 - Tennet

^43-44 Ming okkoyyi a̱zzi̱ti̱ cunne kar tu̱gu̱ ba̱ci̱, tedak tu̱. Abunna zin ming i̱i̱zo̱ nginti baizo a̱tte̱ co̱de̱, ngati wo̱ye̱ i̱i̱zo̱ nginti baizo azzine do̱o̱k, okko gwo̱o̱ya̱, ngati iróng gwa̱a̱ adite.

Marko 9:43 Iomraidhean Croise

Ma̱te̱yo̱ 17:27

Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 25:41

“Kar zin atin alaani ukce kicin ol wak aavtte a̱tte̱ ci angeto kar kize ne, ‘Ma a̱vvu̱na̱kka̱ng annita, niga ol balik otorteu ke̱, oot udut gwo̱o̱ye̱ bali idimane kar kize ci lo̱rye̱ni̱t ki anjilonya ciginnek!

Ma̱te̱yo̱ 3:12

Ogon enne ki e̱e̱ti̱ ci anyak uduc ci aanye labi kar kidima lotulany kutuz gwo̱o̱ye̱ ci iróng adite, kar kidima labi cik caalek ku̱du̱te̱k de̱he̱r.”

Ma̱te̱yo̱ 5:22

Abarik ku̱du̱wa̱u̱ng zin anna ka̱nne̱kku̱ng ne, ming aburnek e̱e̱ti̱ imma gooni nong, ettedik atin Ta̱mu̱ta̱dde̱n nonno lo̱ki̱ko̱. Ming odom e̱e̱ti̱ imma gooni azi ne, ‘A̱zze̱ni̱ zinin,’ ovvoyi atin ol lo̱ki̱ka̱. Ming a̱nne̱k e̱e̱ti̱ imma gooni ne, ‘Gi̱i̱tareng,’ okko atin enne a̱ju̱ko̱ni̱k nginti gwo̱o̱ wa apadpadi udut.

Lu̱ka̱ 14:13

Abarik ming awak i̱nna̱ ol da̱i̱ne̱t, tuwa ol wak amati ki ol wak ru̱be̱ni̱k ki cik ngoolik,

Lu̱ka̱ 14:21

“I̱mi̱re̱ zin du̱ca̱i̱ti̱ kar ku̱du̱wa̱k ddi̱ki̱ryo̱i̱t cinne. Kar zin enne komoze kar ku̱du̱wa̱k du̱ca̱i̱t cinne, ‘Bit reena go̱o̱lo̱we̱ ataman ki loritwane cik o̱rgu̱ kar nyaha ol cik amati, ol cik nganynganyik zoona ki cik ru̱be̱ni̱k ki cik ngoolik.’

Lu̱ka̱ 3:17

Anyak enne gi̱i̱ ci aanye ol labi azzine ciginnek kar ki̱ti̱vi̱l nginti a̱ru̱we̱ ol labi kar kulutak labi de̱he̱r, ma̱i̱je̱ atin enne okko atuz lotulany gwo̱o̱ye̱ ci apadpadi udut.”

Roma 8:13

Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.

1 Ko̱ri̱nto̱ 9:27

Korongi anna kedemez ele cinanni ko̱ kokkom kak kar kuwahek ol kaviyak cik Ta̱mu̱ta̱dde̱no̱ ju̱rru̱m. Kar atin anna ki nogo bu̱k kurubta ma̱yu̱we̱ne̱t ngati Ta̱mu̱ta̱dde̱no̱.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.

Kolosiya 3:5

Abunna ming aditannu kaal cik gerzek lo̱o̱tu̱ aavtte orong e̱le̱tti̱ cuggo̱k: rotinet ki ngaai ki ol cik macik, ki a̱li̱ya̱kze̱t, ki bo̱do̱k kaal cik gerzek obod ki a̱li̱ya̱kze̱t, zi̱nze̱tti̱ cik a̱ppi̱nte̱k kaale cik atubo ki ming a̱di̱ngdi̱nga̱n e̱e̱ti̱ to̱do̱yyo̱k cik lo̱o̱tu̱.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.