Marko 9:42 - Tennet

⁴² Azi bo̱do̱k Ye̱su̱ ne, “Ming aanyik e̱e̱ti̱ imma dooli cikidik elemi zoz cinne ko̱ ki̱tto̱zo̱ mu̱nye̱n, agano oroot ming a̱ju̱ko̱ni̱k enne nyatapar ci a̱ddi̱ki̱re̱ ki bee ci a̱ddi̱ki̱re̱ ecebonik i̱nya̱ cinne.

Marko 9:42 Iomraidhean Croise

Ma̱te̱yo̱ 17:27

Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Ma̱te̱yo̱ 18:6

“Abarik ming aanyik e̱e̱ti̱ imma do̱le̱c cidici elemanna annit ko̱ ku̱tu̱gu̱ mu̱nye̱n, agano ming kecebek e̱e̱t neci rabaz i̱i̱nya̱ kar ku̱ju̱kte̱k nyatapar ci a̱ddi̱ki̱re̱ orgen.”

Buk wa To̱ni̱a̱u̱ 9:4

U̱yu̱we̱ enne niko, kar kizik muluk ci ozozik nonno a̱nne̱k ne, “Saul, Saul, nyaa i̱nna̱ ming a̱gi̱da̱ annita ko̱?”

Roma 14:13

Orong ibilizet zoz ci apahekku ol u̱gge̱ lo̱ki̱ko̱ ko̱. Abarik, odolta zi̱nze̱tti̱nne̱ cuggo̱k, ma e̱e̱ggi̱nnu̱ ol cik adiryu gotonogget ki ngonogget cik a̱tu̱we̱ no̱ngi̱tto̱ne̱ baize cinne̱ng.

Roma 15:21

Ogon ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne, “Ovvo ol wak ngen kiziyet nonno ovvo atin acinni, kar ol wak ngen kiziyet zoz cinne, ovvo atin a̱gga̱.”

Roma 16:17

Gotonogga ki ngonogga tu̱we̱nta̱, kilalekkung kar icinnet ju̱rru̱m ol wak adiryung zoza baiza, anyaha ngero orgene cunno̱ng, kar bo̱do̱k ki̱ti̱tu̱ng tu̱ go̱o̱le̱ ci de̱mzi̱ne̱t ci tu̱we̱nto̱. A̱vvu̱t reena ngatinne̱ng.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

2 Peturu 2:2

Annu atin ol cik meelek gool ci mu̱nye̱nu̱ kar kaanycik ol u̱gge̱ kozozit gerzet zo̱ze̱ ci een de̱de̱.