Marko 9:41 - Tennet

⁴¹ Ka̱du̱wa̱kku̱ng zoz ci een de̱de̱, ming a̱a̱nyu̱ng e̱e̱ti̱ imma maam uduca zare cigannik eci e̱e̱ggi̱nnu̱ niga olli Ki̱ri̱sto̱, amuc atin Ta̱mu̱ta̱dde̱n nonno.”

Marko 9:41 Iomraidhean Croise

Ma̱te̱yo̱ 10:42

Ma e̱e̱ti̱ ci anyike maam cik alali kidik nuyait cinanni co̱de̱ wa anyak zinin ci alali ko̱, eci enne een nuyait cinanni, ka̱du̱wa̱kku̱ng zoz ci een de̱de̱, amuc atin Ta̱mu̱ta̱dde̱n nonno bu̱k.”

Ma̱te̱yo̱ 25:40

“Kar zin alaani kabarizek nogo, azi ne, ‘Ka̱du̱wa̱kku̱ng zoz ci een de̱de̱, ming u̱tu̱gu̱we̱u̱ i̱nna̱ kaal ne̱ko̱ gotonogga icima ngonogga cik iróng ol edeconik ko̱, U̱tu̱gu̱we̱ya̱ i̱nna̱ annita!’

Marko 4:10

Baling a̱vvu̱ enne do̱, i̱jji̱nne̱t zin to̱ni̱a̱ha̱ wak een omoto ki rama ki bo̱do̱k ol u̱gge̱ cik aburuk nonno ungec ci yabzinet necu.

Roma 14:15

Ming iróng zinin ci gotonogget icima ngonogget tu̱we̱nta̱ orong da̱i̱ne̱t cik adai i̱nna̱ ko̱, iróng i̱nna̱ anyai rezinet zinine cunne. Ma egerzanni goonu da̱i̱nte̱ cik adai i̱nna̱ ko̱, eci Ki̱ri̱sto̱ u̱ru̱we̱ ka̱da̱k zo̱ze̱ cinne.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

1 Ko̱ri̱nto̱ 3:23

kar niga e̱e̱ggi̱nnu̱ olli Ki̱ri̱sto̱, okko Ki̱ri̱sto̱ een ci Ta̱mu̱ta̱dde̱no̱.

2 Ko̱ri̱nto̱ 10:7

Acinnu niga kaal ta̱dde̱n, aniyyu ne ke̱e̱ni̱ anna e̱e̱t ci diiri niko. Ming i̱no̱nnu̱, i̱ge̱t do̱ cik e̱e̱ggi̱nnu̱ olli Ki̱ri̱sto̱? Abunna ming a̱gga̱yyu̱ ke̱e̱ggi̱nna̱ naga bu̱k olli Ki̱ri̱sto̱ ki i̱yo̱ko̱ niga ko̱.

Ga̱la̱ti̱a̱ 3:29

Ming izetu ol cik Ki̱ri̱sto̱ niko ko̱, izetu zin niga bu̱k doolik Aburahami, een zin zoz bali u̱du̱wa̱k Ta̱mu̱ta̱dde̱n Aburaham ke̱ cunno̱ng bu̱k.

Ga̱la̱ti̱a̱ 5:24

Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.