Marko 9:24 - Tennet

²⁴ Ataman niko, egereny be̱e̱ti̱ do̱le̱co̱, “kelemi anna de̱de̱; eelawa kommog kaal cik iróng aanya kelema Ta̱mu̱ta̱dde̱n.”

Marko 9:24 Iomraidhean Croise

Marko 9:23

O̱bo̱de̱k zin Ye̱su̱ nonno, “Ming elemi e̱e̱ti̱ Ta̱mu̱ta̱dde̱n, obokce atin kaala do̱o̱k ngati e̱e̱t ci elemi zoz cinne.”

Marko 9:25

Baling icin Ye̱su̱ koole ming a̱vi̱ra̱k nogo, itizik zin enne kuulo cik lo̱rye̱nta̱k. Izek ne, “I̱nna̱ kuuloci ci aditi iin ki utug ko̱, iyowa re̱e̱nu̱n ngati e̱e̱t necu, ma ngen a̱mi̱ro̱ni̱k nonno bo̱do̱k.”

Lu̱ka̱ 17:5

A̱nne̱k to̱ni̱a̱ha̱ Manyi ne, “Anyik tu̱we̱ne̱t cinna kize a̱ppwa̱!”

Lu̱ka̱ 7:38

ibil zin enne bo̱i̱ce̱ cinne zone ciginnek, akate zin enne uculahan zo̱o̱ cik Ye̱su̱ ti̱la̱lo̱i̱ ciginnek. Kar zin enne ki̱ti̱vi̱l imane ciginnek, kar kucucu zo̱o̱ ciginnek kar ku̱du̱te̱k maal.

Lu̱ka̱ 7:44

Kar zin enne kutuhuwe kicin ngaa neci kar kizek Si̱mo̱ne̱ ne, “Acinni i̱nna̱ ngaa cu? Ki̱ki̱ya̱ anna rok ce̱e̱z cunne, ngen i̱nna̱ inya annit maam cik kunyene anna zo̱o̱ cigannik, abarik enne uculahan zo̱o̱ cigannik ti̱la̱lo̱i̱ kar ki̱ti̱vi̱l zo̱o̱ cigannik imane ciginnek.

Buk wa To̱ni̱a̱u̱ 10:19

Baling ngen Peturu i̱no̱n zoz ci obod ki o̱no̱zzo̱k, izek Vongizi ci A̱li̱le̱ nonno ne, “Si̱mo̱ne̱, orongnyi ol cik een i̱i̱yo̱ i̱nne̱ta̱.

Buk wa To̱ni̱a̱u̱ 10:31

kar kize ne, ‘Kornelio, izik Ta̱mu̱ta̱dde̱n lawinet cunne ki muci wak eelanne i̱nna̱ ol wak amati ko̱.

2 Ko̱ri̱nto̱ 2:4

Baling keherakkung waraga ba̱li̱ye̱ ke̱ ngati acirit zinin oroot, ki ti̱la̱lo̱ eberene, iróng korongi kar omozte. Keheri abunna ming a̱gga̱yyu̱ kirezzung anna i̱ge̱t oroot.

Evesos 2:8

Kar zin zo̱ze̱ necu, urubtau niga ruget bunnate ci Ta̱mu̱ta̱dde̱no̱ tu̱we̱nta̱, nonno ci a̱ti̱ri̱zu̱ng oroot kommog baiz cunno̱ng. Een necu muci ci Ta̱mu̱ta̱dde̱no̱ ci aanyik e̱e̱t ci diiri, iróng aanyik go̱o̱le̱ ci ogone e̱e̱ti̱ kaal.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

2 Te̱se̱lo̱ni̱ka̱ 1:11

Kalawekku̱ng Ta̱mu̱ta̱dde̱n odohize, kar Ta̱mu̱ta̱dde̱n kize ne abakttu go̱o̱le̱ ci abunna baize ci korongi abait ki bali ka̱du̱wa̱kku̱ng ke̱. Kalawekku̱ng bo̱do̱k Ta̱mu̱ta̱dde̱n cinna ka̱a̱nyu̱ng komiz ci ogonnu kaal cik abunna orongnyu u̱tu̱gu̱z eci niga a̱tu̱yyu̱ zoz ci Manyi Ye̱su̱.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

2 Ti̱mo̱te̱yo̱ 1:4

Ka̱a̱da̱ gon u̱lu̱wa̱ bali a̱lu̱we̱ ngati kengerone ke̱, kazi gon ne aanya wo̱ye̱ bo̱do̱k kurumto kar katalto oroot.

I̱bu̱ru̱ 12:17

Imma bali vu̱rrta̱, ki ming a̱gga̱ i̱nna̱ ko̱, baling orong enne karagiz ma̱yu̱we̱ne̱t neci ngati baatinne, utubur zin baatinne. Iróng baatinne ngen alalek nonno baling uduta enne ti̱la̱lo̱ nu̱nu̱n.

I̱bu̱ru̱ 12:2

Abunna karike zi̱nze̱tti̱ do̱o̱k Ye̱su̱ wa anyahakket tu̱we̱ne̱t kar kidiman tu̱we̱ne̱t cinna kubunna ju̱rru̱m. Eci enne ere talninet ci okko enne a̱ti̱ri̱ze̱t agita, inim zin enne daiz keete ci een ta̱la̱ke̱c zo̱ze̱ ci talninet neci, iróng enne ngen o̱ngo̱o̱le̱ gi̱i̱ imma. I̱yo̱ko̱ aanyik Ta̱mu̱ta̱dde̱n nonno ka̱vvu̱ ngatinne a̱tte̱ ci a̱zzo̱ ta̱mu̱-kenga.

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.