Marko 9:23 - Tennet

²³ O̱bo̱de̱k zin Ye̱su̱ nonno, “Ming elemi e̱e̱ti̱ Ta̱mu̱ta̱dde̱n, obokce atin kaala do̱o̱k ngati e̱e̱t ci elemi zoz cinne.”

Marko 9:23 Iomraidhean Croise

Ma̱te̱yo̱ 14:29

A̱nne̱k Ye̱su̱ nonno ne, “I̱jja̱.” Itinga Peturu i̱bo̱wa̱ oto maame ta̱dde̱na̱ uk ngati Ye̱su̱.

Ma̱te̱yo̱ 17:20

U̱du̱wa̱k zin Ye̱su̱ nogo, “Iróng niga anyakku tu̱we̱ne̱t ci eleno, ka̱du̱wa̱kku̱ng zin ming wo̱ye̱ anyakku tu̱we̱ne̱t cidicilim ki laziyenti, a̱nne̱k wo̱ye̱ i̱nna̱ bee cu ne, ‘Tinga ngatu, bit ngati,’ Ingazi de̱de̱. I̱llo̱i̱ gi̱i̱ imma ci ommogjung.”

Marko 11:23

Ka̱du̱wa̱ki̱ zoz ci een de̱de̱, ming a̱nne̱k e̱e̱ti̱ imma bee necu ne, ‘Tinga, bit ju̱ke̱k ele nyatapar ci a̱ddi̱ki̱re̱,’ imma ngatu iróng anyak zi̱nze̱tti̱ rama, abarik elemi zoz ci a̱du̱wa̱ enne ko̱ okko akati mo̱o̱le̱t, ogonek atin Ta̱mu̱ta̱dde̱n nonno.

Marko 9:22

Itimanit kuulo nonno lak cik meelek giir orong ku̱ru̱k ka̱da̱k ngati a̱ju̱ke̱ke̱ gwo̱o̱ icima maam. Imma zin i̱yo̱ko̱ ming amanikan, eelawan ngati ogone gi̱i̱ ci u̱u̱li̱ i̱nna̱.”

Marko 9:24

Ataman niko, egereny be̱e̱ti̱ do̱le̱co̱, “kelemi anna de̱de̱; eelawa kommog kaal cik iróng aanya kelema Ta̱mu̱ta̱dde̱n.”

Lu̱ka̱ 17:6

O̱bo̱de̱k zin enne nogo, “Ming anyakku niga tu̱we̱ne̱t ci dici oroot ku̱tu̱gu̱ ki laziyenti, a̱nne̱kku̱ wo̱ye̱ niga keet ci a̱ddi̱ki̱re̱ ko̱ ne, ‘Duca ele cunne ngatu kar bit rirek ele nyatapar ci a̱ddi̱ki̱re̱,’ kar atin keet neci kizik zoz cunno̱ng.

Kaviyak wak Abunna Ta̱mu̱ta̱dde̱no̱ eher Joni 11:40

Ize zin Ye̱su̱ ne, “Ngen ba̱li̱ye̱ ku̱du̱wa̱i̱n, ming a̱tu̱ zoz cinanni, acinni atin doiz ci Ta̱mu̱ta̱dde̱no̱?”

Buk wa To̱ni̱a̱u̱ 14:9

Baling uwak Pa̱u̱lo̱ azikne da̱ enne. Baling icin Pa̱u̱lo̱ nonno een e̱e̱t ci anyak tu̱we̱ne̱t orong kangaruwe,

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.