Marko 9:1 - Tennet

¹ Emena zin Ye̱su̱ zoza a̱nne̱k nogo ne, “Ka̱du̱wa̱kku̱ng zoz ci een de̱de̱, anyak ol u̱gge̱ cik abile ngatu iróng atin atari daiz ming ngen kicinnet ba̱a̱li̱ne̱t ci Ta̱mu̱ta̱dde̱no̱ ming a̱kku̱ doiza.”

Marko 9:1 Iomraidhean Croise

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 24:30

“Kar zin vu̱rrta̱, i̱ye̱la̱i̱ zin gool ci a̱kku̱nne̱ Ngerrti E̱e̱to̱ ta̱mu̱-kenga, kar atin ol cik lo̱o̱tu̱ do̱o̱k ku̱tu̱lu̱zzo̱. Kar atin kicinnet Ngerrti E̱e̱to̱ a̱kku̱ di̱i̱za̱ ta̱mu̱-kenga komiza ki di̱ngdi̱ngo̱nte̱ ci a̱ddi̱ki̱re̱.

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Marko 13:26

“Kar zin i̱i̱te̱n neci acin atin ol Ngerrti E̱e̱to̱ ming a̱kku̱ di̱i̱zo̱ca̱ komize ci a̱ddi̱ki̱re̱ ki di̱ngdi̱ngo̱n.

Marko 13:30

Ka̱du̱wa̱kku̱ng anna zoz ci een de̱de̱, iróng atin bu̱u̱l cu a̱da̱i̱ zee kicinnet nege i̱i̱te̱n ci ogone kaala ne̱ko̱ do̱o̱k.

Lu̱ka̱ 2:26

I̱ye̱le̱k bali Vongizi ci A̱li̱le̱ nonno zoz cu, iróng atin enne a̱da̱i̱ ming ngen kicin Ki̱ri̱sto̱ ci i̱tto̱na̱ Manyi.

Lu̱ka̱ 22:18

Eci ka̱du̱wa̱kku̱ng iróng atin anna kaudi bo̱do̱k o̱ya̱u̱ cik vi̱no̱ zee ki̱ki̱ya̱ ba̱a̱li̱ne̱t ci Ta̱mu̱ta̱dde̱no̱.”

Lu̱ka̱ 22:30

kar atin niga wo̱ye̱ adakku da̱i̱ne̱t bak audenu ngati kaave anna ba̱a̱li̱nte̱ cinanni kar a̱vvu̱t lecerete, ettedu lo̱ki̱ko̱ ci booryyok cik Israilo e̱e̱ggi̱n omoto ki rama.

Lu̱ka̱ 9:27

Ka̱du̱wa̱kku̱ng zoz ci een de̱de̱, ovvo ol uggak cik abile ngatu ko̱, iróng atin nege atari daiz ming ngen nege kicinnet ba̱a̱li̱ne̱t ci Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 21:23

Uzuca zoz gotonogget wak a̱tu̱we̱ azi ne iróng nuyaiti wa irez Ye̱su̱ ko̱ a̱da̱i̱. Ma̱i̱je̱ Ye̱su̱ ngen kize ne iróng enne a̱da̱i̱; azi abarik ne, “Ming korongi anna nonno kurug kobodak anna lo̱o̱c, nya ci gerze ngatinno̱ng?”

I̱bu̱ru̱ 2:9

Abarik zin kicinnta Ye̱su̱ bali a̱rri̱ta̱i̱ kar kize vu̱rru̱t anjilonyai cik Ta̱mu̱ta̱dde̱no̱ arrak do̱yo̱i̱t. I̱yo̱ko̱, i̱di̱ngdi̱nga̱n Ta̱mu̱ta̱dde̱n nonno kize alaan, eci atar enne daiz, kar zin zo̱ze̱ ci deten ci Ta̱mu̱ta̱dde̱no̱ atar enne daiz zo̱ze̱ cinna do̱o̱k.