Marko 8:35 - Tennet

³⁵ Ming orong e̱e̱ti̱ imma ki̱ti̱ri̱z baiz cinne, okoloz atin, ma̱i̱je̱ e̱e̱ti̱ ci okoloz baiz cinne zo̱ze̱ cinanni ki kaviyak cik abunna, azunne atin.

Marko 8:35 Iomraidhean Croise

Ma̱te̱yo̱ 10:22

Amarinnung atin ol veelek zo̱ze̱ cinanni. Imma e̱e̱ti̱ ci anime niko, amuda atin ti̱ri̱ze̱ne̱t ci Ta̱mu̱ta̱dde̱no̱ ci okko udut.

Ma̱te̱yo̱ 10:39

Ming orong e̱e̱ti̱ kuzute ruget cinne do̱ ki̱zzi̱ Ta̱mu̱ta̱dde̱n to, iróng enne azunne de̱de̱, ming okoloz baiz zo̱ze̱ cinanni, amuda atin.

Ma̱te̱yo̱ 16:25

Ming orong e̱e̱ti̱ kuzute baiz cinne, okoloz atin. Abarik ming okoloz e̱e̱ti̱ baiz cinne zo̱ze̱ cinanni, amuda atin baiz wa een de̱de̱.

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Marko 8:36

Nya ci abunna ming amuda e̱e̱ti̱ kaal cik lo̱o̱tu̱ do̱o̱k imma ngatu okoloz ruget cinne?

Lu̱ka̱ 17:33

Ming atiman e̱e̱ti̱ orong kuzute ruget cinne, okoloz atin ruget cinne, kar ming okoloz e̱e̱ti̱ ruget cinne, amuda atin ruget neci.

Lu̱ka̱ 9:24

Ming orong e̱e̱ti̱ imma ki̱ti̱ri̱z ruget cinne okoloz atin, ma̱i̱je̱ e̱e̱ti̱ ci okoloz ruget cinne zo̱ze̱ cinanni, a̱ti̱ri̱z atin.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 21:13

A̱nne̱kke̱t zin Pa̱u̱lo̱ agit ne, “Nyaa niga ming a̱lu̱yyu̱ egerzannu zinin cinanni ko̱? Iróng anna korongi kecebe niko, abarik korongi ka̱da̱k zo̱ze̱ ci Manyi Ye̱su̱ Jerusalema.”

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

1 Ko̱ri̱nto̱ 9:23

Kogonni anna kaal ne̱ko̱ do̱o̱k kar kaviyaha cik abunna katakuza ol do̱o̱k. Kar anna bu̱k kozol ki nogo ma̱yu̱we̱ne̱t ci Ta̱mu̱ta̱dde̱no̱.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

I̱bu̱ru̱ 11:35

Imma bali gi̱i̱ye̱ neci, icinnet ngaai uggak wak a̱tu̱we̱ ol cigge̱k ming obodai Manyi daiza. Ma̱i̱je̱ ngatu, i̱gi̱dde̱ ol uggak, abure ngati odotik zoz ci Ta̱mu̱ta̱dde̱no̱ lo̱o̱c, kar ol ne̱ke̱ koogtta nogo. Aartik nege zi̱nze̱tti̱ baiz ci abunna oroot a̱kku̱ atin vu̱rrta̱ ngati itingazze ol daiza.

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.