Marko 8:31 - Tennet

³¹ Akate zin Ye̱su̱ edemez demezyak zoz ci azi ne apirna atin Ngerrti E̱e̱to̱ kaale cik meelek kar lo̱ddi̱ki̱re̱ kutuburret nonno, alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱, a̱ru̱we̱ atin enne ka̱da̱k kar kitinga daiza kurug i̱i̱nya̱we̱ cik een i̱i̱yo̱.

Marko 8:31 Iomraidhean Croise

Jonah 1:17

I̱tto̱na̱ zin Manyi u̱lu̱gi̱t ci a̱ddi̱ki̱re̱ abunna ming a̱ku̱k Jonah, a̱vvu̱ zin Jonah kenge ci u̱lu̱gto̱ i̱i̱nya̱ i̱i̱yo̱ ki ba̱a̱li̱nno̱k i̱i̱yo̱.

Ma̱te̱yo̱ 12:40

Aave bali Jonah kenge ci u̱lu̱gto̱ wazinnok i̱i̱yo̱ ki ba̱a̱li̱nno̱k i̱i̱yo̱. Ogon zin atin Ngerrti E̱e̱to̱ bu̱k niko, aave atin lo̱o̱ta̱ ecito wazinnok i̱i̱yo̱ ki ba̱a̱li̱nno̱k i̱i̱yo̱.

Ma̱te̱yo̱ 21:42

I̱jji̱n zin Ye̱su̱ nogo, “Ngen niga ikebit zoz necu Warage ci Ta̱mu̱ta̱dde̱no̱? Azi ne, “‘Okko bee bali abure ol wak eenyce ko̱ ize bee ci abilne ce̱e̱z kommog veelek. U̱tu̱gu̱ Manyi zoz necu, a̱zi̱ze̱ oroot ming kacin naga eberene.’

Ma̱te̱yo̱ 27:63

Izeto ne, “Ddi̱ki̱ryo̱i̱t, ka̱a̱da̱nna̱ zoz bali azi volongnyoiti baling ngen aruge, azi ne, ‘Ming edeccai i̱i̱nya̱ cik een i̱i̱yo̱, kingazi atin dee daiza.’

Marko 12:10

Ngen i̱i̱te̱n imma niga ikebit zoz cu Warage ci Ta̱mu̱ta̱dde̱no̱ wa azi ne: “‘Okko bee bali abure ol wak eenyce ko̱ ize bee ci abilne ce̱e̱z kommog veelek;

Lu̱ka̱ 17:25

Ma̱i̱je̱ arrak enne apirna kaale cik meelek kar kutubure bu̱u̱le̱ cu.

Lu̱ka̱ 24:26

Iróng een Ki̱ri̱sto̱ ci apirna zo̱ze̱ ci kaal ne̱ko̱ kar ki̱tto̱ di̱ngdi̱ngo̱n cinne?”

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Kaviyak wak Abunna Ta̱mu̱ta̱dde̱no̱ eher Joni 2:19

O̱bo̱de̱k zin Ye̱su̱ nogo, a̱nne̱k ne, “I̱li̱bbe̱t Ce̱e̱z wa Ta̱mu̱ta̱dde̱no̱, kar zin anna keteny bo̱do̱k i̱i̱nya̱we̱ cik een i̱i̱yo̱.”

Buk wa To̱ni̱a̱u̱ 7:35

“Een necu Muses bali abure ol ke̱ kar bali kizettek nonno ne, ‘Ngene ci aanyi i̱nne̱t ize alaan ci ettedi zoz cinna̱ng?’ I̱tto̱n zin Ta̱mu̱ta̱dde̱n abarik nonno kize e̱e̱t ci abal kar bo̱do̱k keela nogo ngati anjilo bali iyowak nonno garuwe zare bali atuze kiwagon gwa̱a̱ ke̱.

1 Ko̱ri̱nto̱ 15:4

a̱da̱ye̱k ol nonno ilomi, kar i̱i̱nya̱we̱ cik een i̱i̱yo̱, itinga enne daiza kurug, ki ming a̱du̱wa̱ Waraga ci Ta̱mu̱ta̱dde̱no̱.