Marko 8:17 - Tennet

¹⁷ A̱gga̱ Ye̱su̱ zoz ci ozoz nege lo̱mu̱k ko̱, kar ki̱jji̱n nogo izek ne, “Nya ming ozozu zoz ci iróng niga anyakku umune ko̱? Iróng niga bu̱k acinennu icima a̱gga̱yyu̱? Nya ming okkomi i̱ge̱t zi̱nze̱tti̱ ko̱?

Marko 8:17 Iomraidhean Croise

Ma̱te̱yo̱ 12:15

Baling okko Ye̱su̱ a̱gga̱ zoz ci orong ol kar ku̱ru̱we̱t nonno ko̱, utungek zin enne ngin neci lo̱o̱c. Unuwet zin ol cik meelek omori nonno, kar enne kangaru nogo mo̱ri̱zo̱we̱.

Ma̱te̱yo̱ 15:17

Iróng niga acinnu gi̱i̱ ci i̱i̱zo̱ utug okko kenga, kar bo̱do̱k kiyowa eliya?

Ma̱te̱yo̱ 16:7

Ozozit zin nege do̱ arrak, kar kizeto ne, “Ozoz Ye̱su̱ ki i̱yo̱ko̱ eci iróng naga kanyaha ki da̱i̱ne̱t.”

Marko 16:14

Ma bali vu̱rrta̱ i̱ye̱le̱k Ye̱su̱ ele nuyak ciginnek omoto ki co̱de̱ ngati adaine. Egerenyek zin enne nogo zo̱ze̱ ci iróng nege anyak tu̱we̱ne̱t, kar bo̱do̱k kokkomit nogo o̱o̱tti̱ abure iróng elemi zoz ci ol balik icinnet nonno ngati itingai enne daiza.

Marko 2:8

Ataman niko a̱gga̱ Ye̱su̱ vongize cinne zoz ci i̱no̱n nege, kar kizek nogo ne, “Nya ming i̱no̱nnu̱ niga zoz necu?

Marko 3:5

Egelem Ye̱su̱ nogo mozinta, u̱u̱c nonno zinin oroot zo̱ze̱ ci gerze anyak nege zi̱nze̱tti̱nne̱ ko̱, kar zin kizek e̱e̱t neci ne, “Zolan a̱zzi̱t cunne.” Ozolan zin e̱e̱ti̱ neci a̱zzi̱t, ubunna zin nonno a̱zzi̱ti̱.

Marko 6:52

Eci iróng nege a̱gga̱ zoz ci umunet ne̱ke̱ ju̱rru̱m, odoi nogo zi̱nze̱tti̱ niko.

Marko 8:16

Ozozit zin demezyaha nege do̱, anno ne, “Ma̱rri̱t iróng naga kanyak umune.”

Lu̱ka̱ 24:25

Izek zin Ye̱su̱ nogo ne, “E̱e̱ggi̱nnu̱ niga tarbale de̱de̱, kar odoi i̱ge̱t zi̱nze̱tti̱ ngati a̱tu̱yyu̱ zo̱zzo̱k cik u̱du̱kta̱ a̱ri̱tto̱wa̱!

Kaviyak wak Abunna Ta̱mu̱ta̱dde̱no̱ eher Joni 16:30

Ka̱gga̱yya̱ i̱yo̱ko̱ ming a̱gga̱ i̱nna̱ kaal do̱o̱k kar bo̱do̱k iróng kanyak ji̱ne̱ne̱t imma ci ka̱jji̱nni̱ i̱nne̱ta̱. Aanyyet zoz necu agita kelemtta de̱de̱ ming a̱kku̱nni̱ i̱nna̱ ngati Ta̱mu̱ta̱dde̱no̱.”

Kaviyak wak Abunna Ta̱mu̱ta̱dde̱no̱ eher Joni 21:17

I̱jji̱n zin bo̱do̱k Ye̱su̱ Si̱mo̱ne̱ lak i̱i̱yo̱ dee, izek ne, “Si̱mo̱ne̱ ngerrti Joni, ireza i̱ye̱ i̱nna̱ annita?” Omoze Peturu oroot eci i̱jji̱n Ye̱su̱ nonno lak i̱i̱yo̱ ming irez enne nonno. Izek zin enne Ye̱su̱ ne, “Manyi, a̱gga̱ i̱nna̱ kaal do̱o̱k. A̱gga̱ i̱nna̱ ming kirezin.” Izek zin Ye̱su̱ nonno ne, “Tam zin nyoo cigannik ko̱ ju̱rru̱m.

O̱no̱zzo̱k 2:23

Ka̱ru̱i̱ atin dooli ciginnek ka̱da̱i̱to̱. Kar ol wak ke̱le̱ci̱a̱nya̱i̱ do̱o̱k ka̱gga̱c ke̱e̱ni̱ anna e̱e̱t ci kerenyi zi̱nze̱tti̱ ki i̱no̱ni̱ cik ollu, ka̱ru̱we̱k atin anna ol kaal do̱o̱k kaale cik ogon e̱e̱ti̱.