Marko 7:4 - Tennet

⁴ Ming a̱vvu̱ gon nege cuwa, uuny nege arrak kaal ne̱ke̱ ming ngen nege kadait. Azunne nege keerani u̱gge̱ cik meelek, tunyenet uduce cik maamu, ki kaal cik aintak.

Marko 7:4 Iomraidhean Croise

Ma̱te̱yo̱ 23:25

“O̱lle̱ ciggo̱k de̱me̱zzo̱k wak lo̱ti̱nno̱u̱ ki olli Varacis, a̱ru̱kku̱ talaben! U̱u̱nyyu̱ uduc eci re̱e̱nu̱no̱, imma ecito abbize kaala cik gerzek, alabanu niga ol kar ataltto niga do̱.

Ma̱te̱yo̱ 23:26

E̱e̱ggi̱nnu̱ ru̱be̱ne̱ niga Varacis! Utunyyet arrak uduc ecito, kar zin bo̱i̱c bo̱do̱k ki̱zi̱zi̱ niko.

Ma̱te̱yo̱ 27:24

Baling icin Pilato okkom zoz ci oogane enne Ye̱su̱, abarik orong nyi̱li̱ kitinga, idima zin enne maam uduca kar kutuny azzin ciginnek ngati acine ol do̱o̱k. Kar kizek ne, “Kabunna anna, iróng atin bi̱ye̱ta̱ cik e̱e̱t necu adaka annita. Ize necu zoz cunno̱ng!”

Marko 7:8

Utunget nege ti̱lo̱wi̱ne̱t ci Ta̱mu̱ta̱dde̱no̱, u̱zu̱tte̱ abarik keerani cik ol cik diirik.”

Kaviyak wak Abunna Ta̱mu̱ta̱dde̱no̱ eher Joni 2:6

Imma abanyce cinne̱ng, aavtte i̱jjo̱nyya̱ cik maamu e̱e̱ggi̱n torkonom, i̱jjo̱nyya̱ wak gon da̱ ogone olli Ya̱u̱do̱ keer cinne̱ng tunyento. Okkoye ucca i̱jjo̱ co̱de̱ coviyanya tu̱r icima torkonom bu̱k.

Kaviyak wak Abunna Ta̱mu̱ta̱dde̱no̱ eher Joni 3:25

I̱yo̱ko̱, adangto nuyaha cik Joni ki ollik Ya̱u̱do̱ u̱gge̱, zo̱ze̱ ci uunyenne nege e̱le̱tti̱ maame kizeto caale.

I̱bu̱ru̱ 9:10

Eci gool ci unuk ogone nege kaal ko̱ een da̱i̱ne̱t, ki gool ci aburuce nege e̱le̱tti̱. Ogon nege kaal ne̱ko̱ zee ki̱ki̱ya̱ i̱i̱te̱ni̱ ci een jor ming okko Ye̱su̱ anyaha olom ci een jor, kar ku̱tu̱gu̱zzo̱ keer neci go̱o̱le̱ ci aave do̱.

Je̱mi̱s 4:8

Ojongozit Ta̱mu̱ta̱dde̱n, kar enne kojongozung i̱ge̱t bu̱k. Utuunyet azzin cuggo̱k, niga olli mu̱nye̱nu̱, kar aanycik zi̱nze̱tti̱ kizeto caale, niga ol cik anyakku zi̱nze̱tti̱ rama ko̱.

1 Jon 1:7

Ma̱i̱je̱ ming kabak naga vooritena ki i̱yo̱ko̱ Ta̱mu̱ta̱dde̱n ming abak ko̱, kabak wo̱ye̱ naga baiz co̱de̱, kar bi̱ye̱ta̱ cik Ngerinne Ye̱su̱ Ki̱ri̱sto̱ ki̱ti̱vi̱la̱ mu̱nye̱n cigga̱c do̱o̱k.