Marko 7:34 - Tennet

³⁴ Egelem zin enne ta̱mu̱-keng ngati i̱no̱ne̱ oroot, kar kizek nonno ne, “Ephphatha!” (Azi ungec ci zoz necu ne, “OO”).

Marko 7:34 Iomraidhean Croise

Lu̱ge̱z 2:23

Imma zin vu̱rrta̱, a̱da̱k alaani ci Masiro. Ma̱i̱je̱ olli Israilo ngen abalac ngati a̱gi̱dde̱ ol ne̱ke̱ nogo kizeto du̱cca̱k. U̱tu̱lu̱zzo̱ zin nege oroot orongit Ta̱mu̱ta̱dde̱n keela nogo.

Marko 1:41

Anyak Ye̱su̱ bunnat, i̱tto̱n zin enne a̱zzi̱t kar ku̱u̱m e̱e̱t neci. Kar kize ne, “Korongi anna, anyik ele cunne kubunna!”

Marko 15:34

Baling ize koor i̱i̱yo̱, egereny zin Ye̱su̱ oroot muluwe ci a̱ppwe̱, “Eloi, Eloi, lama sabachthani?” Azi ungec ci zoz necu ne, “Ta̱mu̱ta̱dde̱n wananni ye̱i̱, Ta̱mu̱ta̱dde̱n wananni ye̱i̱, utungeya i̱nna̱ annit lo̱o̱c nya?”

Marko 5:41

Odong zin Ye̱su̱ do̱le̱c azzine kar kizek ne, “Taliza kuum.” Azi ungec ci zoz necu ne, “Do̱le̱c wa dici, ka̱nne̱ki̱ ne, tinga je̱e̱na̱!”

Marko 6:41

Idima Ye̱su̱ umunet ne̱k een tu̱r ko̱ ki u̱lu̱g ne̱k een rama ko̱, kar zin kicin ta̱mu̱-keng, anyik Ta̱mu̱ta̱dde̱n zany kar zin kubunyan umunet ne̱ko̱. Anyik zin enne nuyak waginnek kezedantek ol orgena. Kar bo̱do̱k enne kengerek nogo u̱lu̱g do̱o̱k.

Marko 7:35

Kar zin ngatu, o̱o̱ye̱ iina cik e̱e̱t neci, umuc zin a̱ha̱tti̱ cinne kar zin kakate kozoz labak.

Marko 8:12

U̱vu̱da̱k Ye̱su̱ oroot kar kize ne, “Nya ming a̱jji̱n bu̱u̱l cu kaal cik a̱vu̱la̱ ta̱mu̱-kenga ko̱? Ka̱du̱wa̱kku̱ng zoz ci een de̱de̱, i̱llo̱i̱ atin baayenit ci anyonikkung.”

Lu̱ka̱ 18:42

A̱nne̱k zin Ye̱su̱ nonno ne, “Abunna! Cine zin, idimani i̱nne̱t tu̱we̱ne̱t cunne.”

Lu̱ka̱ 19:41

Baling ojongoz Ye̱su̱ Jerusalem kar kicin orog neci a̱ddi̱ki̱re̱ ke̱, kar zin u̱tu̱lu̱we̱k.

Lu̱ka̱ 7:14

Uk zin enne u̱u̱m kwe̱e̱n ci odonge ol lo̱gu̱t ci a̱da̱k ko̱, kar ol ne̱k odonga nonno ko̱ kibilet li̱i̱m. Ize enne ne, “Logozit, ka̱nne̱ki̱ anna i̱nne̱t ne, tinga je̱e̱na̱.”

Kaviyak wak Abunna Ta̱mu̱ta̱dde̱no̱ eher Joni 11:33

Baling icin Ye̱su̱ nonno ming a̱lu̱, kar bo̱do̱k ol balik e̱e̱ggi̱n Ya̱u̱d orkora ki nonno ke̱ bo̱do̱k ming a̱lu̱, u̱u̱c nonno zinin oroot.

Kaviyak wak Abunna Ta̱mu̱ta̱dde̱no̱ eher Joni 11:35

U̱tu̱lu̱ zin Ye̱su̱.

Kaviyak wak Abunna Ta̱mu̱ta̱dde̱no̱ eher Joni 11:38

U̱u̱c zin bo̱do̱k Ye̱su̱ zinin oroot kar zin kuk ngi̱lo̱ma̱, a̱ri̱ta̱ne̱k da̱ ol ngi̱lo̱m neci bee utug ku̱bu̱ng.

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 11:43

Baling u̱du̱wa̱ Ye̱su̱ zoz necu, utu zin daizoit muluwe ci a̱bu̱le̱, ize ne, “Lazaru, iyowa re̱e̱nu̱n!”

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Buk wa To̱ni̱a̱u̱ 9:34

Utu zin Peturu nonno, a̱nne̱k ne, “Anyes, angaruwi Ye̱su̱ Ki̱ri̱sto̱ i̱nne̱ta̱. Tinga je̱e̱na̱ lu̱c kwe̱e̱n cunne.” Ataman niko itinga Anyesi.

Buk wa To̱ni̱a̱u̱ 9:40

Ottok Peturu nogo do̱o̱k koot reena; kar zin enne akatek u̱zu̱ngtti̱ lo̱o̱c kar kalawo. Kar zin kutuhuwe kicin ngaa ci a̱da̱k ko̱, kar kize ne, “Tabita, tinga je̱e̱na̱.” Oo Tabita ebere ciginnek, bali okko enne acin Peturu itinga kar ka̱vvu̱ je̱e̱na̱

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.