Marko 6:41 - Tennet

⁴¹ Idima Ye̱su̱ umunet ne̱k een tu̱r ko̱ ki u̱lu̱g ne̱k een rama ko̱, kar zin kicin ta̱mu̱-keng, anyik Ta̱mu̱ta̱dde̱n zany kar zin kubunyan umunet ne̱ko̱. Anyik zin enne nuyak waginnek kezedantek ol orgena. Kar bo̱do̱k enne kengerek nogo u̱lu̱g do̱o̱k.

Marko 6:41 Iomraidhean Croise

Ma̱te̱yo̱ 14:19

Kar enne ku̱du̱wa̱k ol ka̱vvu̱to̱ lo̱o̱ta̱ artene. Idima enne umunet tu̱r ki u̱lu̱g ram, kar zin kicin ta̱mu̱-keng, kar zin kala Ta̱mu̱ta̱dde̱n abunna ming a̱mu̱yu̱k da̱i̱ne̱t ne̱ko̱. U̱bu̱nya̱n zin umunet ne̱ko̱ ki u̱lu̱g kizeto idice. Engerek nuyak, kar nuyaha kengertek kollen do̱o̱k.

Ma̱te̱yo̱ 15:36

Idima zin enne umunet turgerem ki u̱lu̱gi̱t, baling aanyik enne Ta̱mu̱ta̱dde̱n zany, u̱du̱l umunet ne̱ke̱ ki u̱lu̱gi̱t kizeto idice, kar kaanyik nuyak, engerttek zin nege ol do̱o̱k.

Ma̱te̱yo̱ 26:26

Baling ngen nege adakce, idima zin Ye̱su̱ umune kar zin ki̱jji̱n Ta̱mu̱ta̱dde̱n ka̱mu̱yu̱k. Kar zin ku̱du̱l kizeto idice kar kaanyik nuyak, kar kize ne, “Idimtta adait een necu ele cinanni.”

Marko 14:22

Baling ngen nege adakce, idima Ye̱su̱ umune, kar kanyik Ta̱mu̱ta̱dde̱n zany, kar kubunyan, kar zin kanyik nuyak waginnek, azi ne, “Adait, een necu ele cinanni.”

Marko 6:40

A̱vvu̱to̱ zin nege kollen cik e̱e̱ggi̱n o̱bo̱n co̱de̱ ki bo̱do̱k kollen cik e̱e̱ggi̱n moten tu̱r.

Marko 6:42

Adakto nege do̱o̱k katanyarit,

Marko 7:34

Egelem zin enne ta̱mu̱-keng ngati i̱no̱ne̱ oroot, kar kizek nonno ne, “Ephphatha!” (Azi ungec ci zoz necu ne, “OO”).

Marko 8:19

Baling kadaiza anna ol cik e̱e̱ggi̱n i̱bbo̱nge̱t tu̱r (5,000) umunete cik e̱e̱ggi̱n tu̱r, e̱e̱ggi̱n do̱ngkwe̱ta̱ cik anyigzai eberanu niga izong?” O̱bo̱dde̱k nege nonno, “Een do̱ngkwe̱ta̱ omoto ki ram.”

Lu̱ka̱ 24:30

Baling okko enne aave ki nogo ngati da̱i̱nto̱, idima enne umune, aanyik Ta̱mu̱ta̱dde̱n zany, engera kar kaanyik nogo.

Lu̱ka̱ 9:16

Idima zin Ye̱su̱ umunet tu̱r ki u̱lu̱g ram kar zin kicin ta̱mu̱-keng, aanyik zany kar ku̱du̱l. Kar zin kaanyik to̱ni̱a̱k ciginnek kengertek ol.

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 17:1

Baling u̱du̱wa̱ Ye̱su̱ zoz necu, icin ta̱mu̱-keng kar kalawo, ize ne: “Baba, i̱ki̱ya̱ i̱i̱te̱ni̱ wa ovvo ol ododoya annit ta̱la̱ke̱ca̱, kar ku̱bu̱lte̱ zara cik Ngerunne kar zin bo̱do̱k Ngerunne kanyik zar cigunnek ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 6:11

Idima zin Ye̱su̱ umunet ne̱ke̱ kar kaanyik Ta̱mu̱ta̱dde̱n zany kar kengerek ol, idima bo̱do̱k u̱lu̱g ne̱ke̱ kar ku̱tu̱gu̱ ki wanai, aanyik Ta̱mu̱ta̱dde̱n zany kar kengerek ol ne̱ke̱ veelek.

Kaviyak wak Abunna Ta̱mu̱ta̱dde̱no̱ eher Joni 6:23

Ma̱i̱je̱ bo̱do̱k i̱vi̱tta̱k i̱be̱tta̱ uggak ti̱ti̱m, a̱vvu̱ o̱rge̱ ci een Tiberias, a̱vvu̱na̱k ti̱ti̱m bali adahe ol da̱i̱ne̱t ngati aanyik Manyi Ye̱su̱ Ta̱mu̱ta̱dde̱n zany.

Buk wa To̱ni̱a̱u̱ 27:35

Baling u̱du̱wa̱ Pa̱u̱lo̱ zoz necu, idima zin enne umune kar zin kaanyik Ta̱mu̱ta̱dde̱n zany ngu̱me̱ cinne̱ng do̱o̱k ngati alawine kiziyet nege do̱o̱k, u̱bu̱nya̱n umune neci, kar kadaho.

Roma 14:6

Imma e̱e̱ti̱ ci a̱tu̱we̱ ci aanyik i̱i̱te̱n co̱de̱ kize ci riili, ogon Manyi bu̱k niko. Imma e̱e̱ti̱ ci adak i̱di̱ng, adahek enne Manyi, eci enne adahek Ta̱mu̱ta̱dde̱n go̱o̱le̱ necu. Imma e̱e̱ti̱ ci iróng adak i̱di̱ng, ogonik enne Manyi kar kaanyik Ta̱mu̱ta̱dde̱n zany kaale cik aanyik nonno kadak ko̱.

1 Ko̱ri̱nto̱ 10:31

Ka̱nne̱kku̱ng zin anna i̱ge̱t ne, ming adakce icima aude icima ogoni gi̱i̱ imma ci aave do̱, tu̱gu̱ kize ci a̱di̱ngdi̱nga̱ni̱ Ta̱mu̱ta̱dde̱n.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.