Marko 6:3 - Tennet

³ Iróng dim enne een e̱e̱t wagon adiman lecerit keene ko̱? Iróng dim enne een ngerrti Ma̱ri̱ya̱, wa een gotoni Je̱mi̱s, ki Yosevo, ki Ju̱da̱ ki Si̱mo̱ne̱? Iróng dim ngonoggja abak ki agit ngatu bu̱k?” Utuburet zin ol nong ngatinne oroot.

Marko 6:3 Iomraidhean Croise

Ma̱te̱yo̱ 11:6

U̱mu̱yu̱k Ta̱mu̱ta̱dde̱n e̱e̱t ci iróng odoi zinin aziye zoz cinanni.”

Ma̱te̱yo̱ 12:46

Baling ngen Ye̱su̱ ozozek koole ci a̱ppwe̱ ke̱, ibilet ciko yaatinne ki gotonoggi reena, orong kozozek nonno.

Marko 15:40

Anyak ngaai u̱gge̱ cik edenya nogo reena. Imma ngaane ne̱ke̱ aave Ma̱ri̱ya̱ Madalina ki Ma̱ri̱ya̱ e̱e̱ti̱ Je̱mi̱s wa dici ki Yosevo, anyak bo̱do̱k ngaa ci een Salome.

Marko 3:18

ki Andereya, ki Vilip, ki Bartolomeyo, ki Ma̱te̱yo̱, ki Tomas, ki Je̱mi̱s ngerrti Alipeyo, ki Taudesio, ki Si̱mo̱ne̱ wa amarine gaala wak Romi,

Lu̱ka̱ 2:34

Kar zin enne ku̱mu̱yu̱k nogo do̱o̱k, kar kizek Ma̱ri̱ya̱ wa een yaatinne ko̱ ne: “Atahalai do̱le̱c necu kar ki̱ki̱ya̱ kaanyik ol cik meelek ku̱yu̱kte̱ kar bo̱do̱k uggak kitingazzo lo̱o̱ce̱ ci Israilo, kar atin enne kize baayenit ci adang ol zoz cinne,

Lu̱ka̱ 7:23

U̱mu̱yu̱we̱ e̱e̱ti̱ ci iróng a̱yu̱we̱ zo̱ze̱ cinanni.”

Lu̱ka̱ 8:20

U̱du̱wa̱k zin e̱e̱ti̱ imma nonno, “Aave yaatunne ki gotonoggu reena, orong kicintin.”

Kaviyak wak Abunna Ta̱mu̱ta̱dde̱no̱ eher Joni 14:22

Ize zin bo̱do̱k Judasi ne, amire zin iróng een Judas Iskariyot bali utene Ye̱su̱ ke̱, “Manyi, nya i̱nna̱ ming orongi ye̱le̱kke̱t agit do̱ ele iróng orongi ye̱le̱k ol cik lo̱o̱tu̱ ko̱?”

Kaviyak wak Abunna Ta̱mu̱ta̱dde̱no̱ eher Joni 6:42

Izeto zin ne, “Iróng dim necu een Ye̱su̱ ngerrti Yosevo wa ka̱gga̱ naga do̱o̱k baatinne ki yaatinne ko̱? Azi wo̱ye̱ enne bo̱do̱k ne, ‘Ka̱kku̱na̱k lo̱o̱c ta̱mu̱-kenga ku̱ niko?’”

Buk wa To̱ni̱a̱u̱ 1:13

Baling uzucca nege Jerusalem, oot ce̱e̱z ta̱dde̱na̱ ngin bali aavtte nege ke̱. E̱e̱ggi̱n ol ne̱ke̱ ciko Peturu, Jon, Je̱mi̱s, Andereya, Vilip, Tomas, Bartolomeyo, Ma̱te̱yo̱, Je̱mi̱s ngerrti Alipeyo, Si̱mo̱ne̱ wa amarine gaala wak Romi, ki Judas ngerrti Je̱mi̱si̱.

Buk wa To̱ni̱a̱u̱ 12:17

A̱nne̱k Peturu nogo ne, ijaktte li̱i̱m, kar zin koobek nogo gool ci aarane Manyi nonno lagama. Kar kizek nogo ne, “U̱du̱kta̱k Je̱mi̱s ki gotonogget zoz cu.” Kar zin enne kuk ngamani.

1 Ko̱ri̱nto̱ 1:23

abarik kuwaheka naga ol kaviyak cik ododine Ki̱ri̱sto̱ ta̱la̱ke̱ca̱: Een necu gi̱i̱ ci alam olli Ya̱u̱do̱, okko ngati olli Gi̱ri̱yo̱, een tarbalzet.

1 Ko̱ri̱nto̱ 9:4

Abunna ming aanyet ol da̱i̱ne̱t.

Ga̱la̱ti̱a̱ 1:19

Ngen zin kurumtowa ki to̱ni̱a̱k do̱o̱k, ka̱vvu̱tta̱ ki Je̱mi̱s do̱ niko wa een gotoni Manyitinna Ye̱su̱.

1 Peturu 2:4

I̱vi̱tta̱k Ye̱su̱ Ki̱ri̱sto̱, een enne bee ci aave udut. Bee wa bali abure ol ke̱, abarik zin ba̱li̱ye̱ Ta̱mu̱ta̱dde̱n ci ahala nonno kar kirez.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.