Marko 5:22 - Tennet

²² Kar zin ddi̱ki̱ryo̱i̱ti̱ co̱de̱ ci Ce̱e̱ze̱ wa Lawinto een Jairus i̱ki̱ya̱k nogo, ma baling icin Ye̱su̱, akat u̱zu̱ngti̱nne̱ zoone ciginnek.

Marko 5:22 Iomraidhean Croise

Ma̱te̱yo̱ 2:11

I̱tto̱zzo̱ ce̱e̱z ci a̱rri̱ta̱ne̱ ol Ye̱su̱ ko̱, icinnet abarik do̱le̱c ki yaatinne Ma̱ri̱ya̱, a̱ka̱tte̱k nege u̱zu̱ngtti̱ lo̱o̱c kar ki̱di̱ngdi̱nga̱ni̱t nonno. Idimtta muci cigge̱k aanycik nonno. Adima nege dhahab ki maal ci ongooli laala ki lotagong kize muci ci anyike nege nonno.

Marko 5:33

Kar ngaa ci a̱gga̱ nya ci ogonik Manyi nonno, i̱ki̱ya̱ kar kakatek u̱zu̱ngti̱nne̱ ngati Ye̱su̱, a̱bba̱ri̱t dalanzetena, u̱du̱wa̱k zin nonno zoz ci een de̱de̱.

Marko 5:38

Baling uzuca ce̱e̱z ci ddi̱ki̱ryo̱i̱t ci Ce̱e̱z wa Lawinto, edenya Ye̱su̱ ol cik ovoce e̱le̱tti̱ lo̱o̱c, a̱lu̱ uggak oroot.

Lu̱ka̱ 13:14

Imma ddi̱ki̱ryo̱i̱ti̱ wa Ce̱e̱ze̱ wa Lawinto omoze oroot, eci Ye̱su̱ angaru ngaa wa ngooli ko̱ I̱i̱te̱ne̱ wa Yu̱bze̱nto̱, kar kizek ol ne, “Anyak i̱i̱nya̱ torkonom cik li̱ngli̱ngo̱nta̱k. I̱vi̱ta̱ zin kar abunna ovvo e̱le̱tti̱ cuggo̱k adimane i̱i̱te̱ne̱ ci a̱li̱ngli̱nge̱ ol, iróng een I̱i̱te̱ne̱ wa Yu̱bze̱nto̱.”

Lu̱ka̱ 5:8

Baling icin Si̱mo̱ne̱ Peturu zoz neci, akatek zin enne u̱zu̱ngti̱nne̱ ngati Ye̱su̱ kar kize ne, “Bit reena ngatinanni, Manyi; ke̱e̱ni̱ anna e̱e̱t ci mu̱nye̱nu̱!”

Lu̱ka̱ 8:28

Baling icin enne Ye̱su̱, u̱tu̱lu̱ kar zin ku̱yu̱we̱ zoone ciginnek, egereny muluwe ci a̱ppwe̱ oroot, “Orongi i̱nna̱ nya ngatinanni, Ye̱su̱, Ngerrti Ta̱mu̱ta̱dde̱n wa aave Ta̱dde̱na̱? Kilaleki anna i̱nne̱ta̱, ma edeza annita!”

Buk wa To̱ni̱a̱u̱ 13:15

Baling e̱de̱cca̱ nege ke̱bi̱ne̱t lo̱ti̱nno̱k cik Musesi ki a̱ri̱tto̱k, kar zin ol wak abal Ce̱e̱z wa Lawinto ko̱ ku̱du̱kta̱k nogo zoz ci azi ne, “Gotonogget, ming anyakku ti̱lo̱wi̱ne̱t ci i̱lo̱ttu̱ ol, i̱vi̱ta̱ ozozit labak.”

Buk wa To̱ni̱a̱u̱ 18:17

A̱gga̱mi̱t zin koole Sosthenes ddi̱ki̱ryo̱i̱t ci Ce̱e̱z wa Lawinto, kar ku̱ru̱we̱t nonno lo̱ki̱ka̱ ele. Iróng zin Gallio edeconik nogo zo̱ze̱ neci.

Buk wa To̱ni̱a̱u̱ 18:8

Een bali Crispus ddi̱ki̱ryo̱i̱t ci Ce̱e̱z wa Lawinto, kar ol ciginnek do̱o̱k ku̱tu̱we̱t Manyi Ye̱su̱; kar ol cik meelek Ko̱ri̱nto̱ balik aziye nonno ke̱ ku̱tu̱we̱t zoz ci Ye̱su̱ kar ka̱gga̱mta̱ ba̱ti̱ti̱mo̱.

O̱no̱zzo̱k 22:8

Imma anna Joni, kiziya kar bo̱do̱k kicin kaal ne̱ke̱ do̱o̱k. Kar zin bali kaala cik kiziya anna kar bo̱do̱k kicina ko̱, kakateya u̱zu̱ngtti̱ lo̱o̱c zone cik anjilo bali i̱ye̱le̱ka̱ kaal ne̱ke̱ ke̱, ngati ka̱di̱ngdi̱nga̱ni̱ nonno.