Marko 5:15 - Tennet

¹⁵ Baling i̱vi̱tta̱k ol Ye̱su̱, amuda abarik e̱e̱t bali gon anyak kuulo cik lo̱rye̱nta̱k ko̱ ming aave lo̱o̱ta̱, aim ru̱u̱ma̱ni̱ ju̱rru̱m, kubunna oo, kar zin ol ko̱to̱ngo̱o̱ltte̱ lo̱o̱c niko.

Marko 5:15 Iomraidhean Croise

Ma̱te̱yo̱ 12:29

“I̱i̱zo̱ wo̱ye̱ e̱e̱ti̱ ce̱e̱z ci e̱e̱t ci anyak doiz kar kogoroz kaal ciginnek ku̱? Eceb wo̱ye̱ enne e̱e̱t neci izong, kar zin kogoroz kaal cik e̱e̱t neci.

Ma̱te̱yo̱ 26:53

Iróng a̱gga̱yyu̱ ka̱jji̱nni̱ wo̱ye̱ Baba ta̱mu̱-kenga kar ki̱tto̱nna̱ anjilonya ciginnek Ta̱mu̱ta̱dde̱no̱ meelek giir?

Ma̱te̱yo̱ 4:24

Imma nginatu, uzuca zoz ci angaruwe Ye̱su̱ ol ko̱, lo̱o̱c ci ol wak iróng een Ya̱u̱d, Syria, anyakttak zin ol nonno ol wak anyak mo̱ri̱zzo̱k cik aavtte do̱ do̱. Anyak ol cik omori mo̱ri̱zzo̱k cik a̱u̱ce̱ oroot, ma̱i̱je̱ uggak anyak kuulo cik lo̱rye̱nta̱k, omori uggak lohunuhunu, anyak u̱gge̱ bu̱k cik nganynganyik zoona, anyahak ol do̱o̱k Ye̱su̱, kar enne kangaru nogo.

Ma̱te̱yo̱ 9:33

Baling okko Ye̱su̱ ottok kuulo cik lo̱rye̱nta̱k eliya ci e̱e̱t neci, ozoz zin e̱e̱ti̱ bali adite iina ke̱. A̱ma̱li̱ltte̱ ol do̱o̱k o̱o̱tti̱, kar kizeto ne, “I̱llo̱i̱ bali gi̱i̱ imma ci ogon ki necu ci kicinnta lo̱o̱ce̱ ci Israilo.”

Marko 5:14

Ma̱i̱je̱ ol wak uuwa batakwa ko̱ i̱vi̱re̱t oot u̱du̱kta̱k ol olo zoz neci, kar zin ol koot kicinnet nya ci adak batakwa.

Marko 5:16

U̱du̱kta̱k zin ol balik icinnet zoz neci ke̱, ol u̱gge̱ gi̱i̱ bali ogonik Ye̱su̱ e̱e̱t ci anyak kuulo cik lo̱rye̱nta̱k ke̱ ki batakwa.

Marko 5:18

Baling okko Ye̱su̱ ottod i̱bo̱ niko, ilalek e̱e̱ti̱ ci wanai anyak kuulo cik lo̱rye̱nta̱k ko̱ nonno, orong korkorrit ki nonno bu̱k.

Marko 5:4

Eci gon ba̱li̱ye̱ e̱ce̱bje̱ nonno azzina ki zo̱o̱, abarik etted diditac kar zin ku̱du̱l ziik ne̱k zoone ciginnek ko̱. I̱llo̱i̱ e̱e̱t imma ci okkomi kar keceb nonno.

Marko 5:9

I̱jji̱n zin Ye̱su̱ nonno, “Azi zar cigunnek ne ngene?” Abariz zin e̱e̱ti̱ ci anyak kuuloc ci lo̱rye̱nto̱ ko̱, azi ne, “Azi zar cigannik ne Legion, ma̱rri̱t ming ke̱e̱ggi̱nna̱ naga meele.”

Lu̱ka̱ 10:39

Anyak da̱ enne ngooni ci een zara Ma̱ri̱ya̱ ci okko aave abanyce ci zo̱o̱ cik Manyi aziye zoz ci a̱du̱wa̱ enne.

Lu̱ka̱ 8:27

Baling a̱vvu̱ Ye̱su̱ ti̱ti̱ma̱, u̱ru̱me̱k zin e̱e̱ti̱ ci a̱kku̱ orgato ci anyak kuulo cik lo̱rye̱nta̱k nonno gool. Iróng da̱ e̱e̱ti̱ neci aim ru̱u̱m e̱rki̱nya̱ cik meelek icima abak ce̱e̱za̱, abarik abak enne ilomete.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

2 Ti̱mo̱te̱yo̱ 1:7

Ma̱rri̱t Ta̱mu̱ta̱dde̱n iróng aanyyet vongiz ci dalanzetinu, aanyyet vongiz ci kokkomne ki ci kirezone ki ci kazunne e̱le̱tti̱.