Marko 4:20 - Tennet

²⁰ Ogon uggak ki i̱nyo̱mo̱na̱ wak arire lobonowa, aziye zoz, elemi zoz neci, kar ki̱bbi̱re̱to̱ labina lak moten i̱i̱yo̱, icima moten torkonom icima obet cik meelek kommogit i̱nyo̱mo̱ balik arire ke̱.”

Marko 4:20 Iomraidhean Croise

Kananet 26:12

Eev zin da̱ I̱sa̱ko̱ ma̱na̱ lo̱o̱ce̱ neci kar e̱rki̱te̱ neci eliya etteda labi cik meelek, eci Manyi u̱mu̱yu̱k nonno.

Ma̱te̱yo̱ 13:23

Ma̱i̱je̱ i̱nyo̱mo̱na̱ ne̱k i̱i̱na̱k nginti abunna ko̱, ogon ki ol wak aziye zoz ci Ta̱mu̱ta̱dde̱no̱, a̱gga̱ kaviyak ju̱rru̱m. Ogon nege ki labina cik a̱bbi̱re̱ oroot.”

Ma̱te̱yo̱ 13:8

I̱i̱na̱k i̱nyo̱mo̱na̱ uggak nginti abunna todowaci kar zin ki̱bbi̱re̱to̱ ju̱rru̱m, otorye i̱nyo̱mo̱na̱ ne̱ke̱ kizeto meele kommog balik arire ke̱.

Marko 4:8

I̱i̱na̱k i̱nyo̱mo̱na̱ uggak nginti een lobonok. I̱ti̱li̱za̱ ta̱dde̱n ki̱bbi̱re̱to̱, otorye kizeto moten i̱i̱yo̱, moten torkonom icima kizeto obet cik meelek.”

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:2

Aizek enne alawo wak iróng a̱a̱ri̱ o̱ya̱u̱ tu̱, imma alawo wak a̱a̱ri̱, a̱vi̱l kar ki̱bbi̱re̱to̱ ju̱rru̱m.

Roma 7:4

Gotonogga ki ngonogga tu̱we̱nta̱, aave baizi ci ogon niko bu̱k ngatinno̱ng. Iróng lo̱ti̱nno̱wa̱ bo̱do̱k anyak ngatinno̱ng komiz ci kar kabalung, eci bali a̱da̱kne̱ Ye̱su̱ ke̱, ogon ki i̱yo̱ko̱ bu̱k a̱da̱kttu̱ niga ki nonno lo̱ti̱nno̱we̱. Anyakku zin niga gool ci arumenu ki Ki̱ri̱sto̱ bali ingazi daiza kurug ke̱, abunna zin ka̱li̱ngli̱nge̱k Ta̱mu̱ta̱dde̱n.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

2 Peturu 1:8

Ming anyakku niga kaal ne̱ko̱ do̱o̱k zi̱nze̱tti̱nne̱ cuggo̱k, a̱ti̱ri̱zu̱ng wo̱ye̱ kaala ne̱ko̱ i̱ge̱t kar a̱gga̱c Manyitinna Ye̱su̱ Ki̱ri̱sto̱.