Marko 4:11 - Tennet

¹¹ U̱du̱wa̱k zin enne nogo, “Anyoziung i̱ge̱t zoz ci ba̱a̱li̱ne̱t ci Ta̱mu̱ta̱dde̱no̱ a̱lu̱gnye̱ ko̱. Ma̱i̱je̱ ngati ol ne̱k aavtte reena ke̱, a̱du̱ya̱i̱ zoz do̱o̱k i̱ya̱bzi̱nta̱.

Marko 4:11 Iomraidhean Croise

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 13:16

A̱mu̱yu̱kku̱ng zin Ta̱mu̱ta̱dde̱n ebere cuggo̱k eci nege acine, u̱mu̱yu̱k bo̱do̱k iin cuggo̱k eci nege azikne.

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Marko 3:23

Utuwa zin Ye̱su̱ nogo kar zin kozozik nogo yabzinta, izek ne, “Ottok wo̱ye̱ Sitani Sitan ku̱?

Marko 4:10

Baling a̱vvu̱ enne do̱, i̱jji̱nne̱t zin to̱ni̱a̱ha̱ wak een omoto ki rama ki bo̱do̱k ol u̱gge̱ cik aburuk nonno ungec ci yabzinet necu.

Marko 4:2

Kar zin enne kedemez nogo kaal cik meelek yabzinta, kar zin kizek nogo de̱mzi̱nte̱ cinne ne,

Lu̱ka̱ 8:10

O̱bo̱de̱k zin enne, “Anyoziung i̱ge̱t genyizi ci zoz ci a̱lu̱gnye̱ ko̱ ba̱a̱li̱nte̱ ci Ta̱mu̱ta̱dde̱no̱, ma̱i̱je̱ ngati ol u̱gge̱ kozozi anna tubzenta, kar zin, “‘ming acine nege nu̱nu̱n, iróng wo̱ye̱ nege acine; ming aziye nege nu̱nu̱n, iróng wo̱ye̱ nege a̱gga̱.’

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.

1 Te̱se̱lo̱ni̱ka̱ 4:12

Ming u̱tu̱gu̱zzu̱ niko, o̱ngo̱o̱li̱nnu̱ng wo̱ye̱ ol wak iróng a̱tu̱we̱. I̱ce̱lli̱t e̱le̱me̱tti̱ cuggo̱k ma̱ci̱gja̱.

1 Ti̱mo̱te̱yo̱ 3:7

Abunna bo̱do̱k ming anyak baiz ci abunna ki ol wak iróng a̱tu̱we̱, kar atin enne iróng i̱i̱na̱k tarabak ci lo̱rye̱nto̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.